Gamet 2:17 - Paranan

¹⁷ ‘Kona háddi i gamitán kuwid ten dimudyan a aldew,’ kagi nen Diyos, ‘Pagkaluuban ku ti Ispiritu ku en atanan a tolay. Kaya ipangaral nen anak moy hidi a lállaki ay ti bábbi en mensahi ku. En binatilyu moy hidi ay maketa ti pangitain. Sakay en lállakay hidi ay magkahud ti tagináp.

Gamet 2:17 ပူးပေါင်းရင်းမြစ်များ

Lucas 3:6

Sakay ketan nen atanan a tolay en págligtas a gamitán nen Diyos!’ ”

Juan 17:2

Gapu inatáddanák mu ti kapangyariyan ten atanan a tolay, tánni mangatáddák ti biyag a awan ti katapusan ten atanan a inyatád mu ten Anak.

Juan 7:39

En gustu a kagiyán ni Jesus ay en Ispiritu a tanggapán nen sumampalataya hidi dikona. Gapu ti panahunid a iyud ay awan palla nepagkaluub en Ispiritu, gapu awan palla nabiyag a ruway ti Jesus sakay naluwalhati.

Gamet 10:45

Nagtaka en kaguman hidi ni Pedro a Judio a mánnampalataya ta maski en Hentil hidi ay nagkaluuban bi ti Banal a Ispiritu.

Gamet 11:27

Ti panahunid a iyud ay tehud a dummemát a sangan a propeta ti Antioquia a gubwat ti Jerusalem.

Gamet 11:28

Tummaknág en essa dikodi a Agabo en ngaran na, ten tulung nen Banal a Ispiritu ay kinagi na a tehud a dumemát a mahigpit a aláp ti munduwiday. Nangyari iyád ten kapanahunan ni Emperador a Claudio.

Gamet 2:16

Dyan kam magtaka ta iyád dán en hula ni propeta Joel,

Gamet 2:18

Ti aldewid a iyud ay pagkaluuban ku bi ti Banal a Ispiritu en tagapagserbi ku hidi, lállaki ay ti bábbi sakay ipakapospos di en mensahi ku.

Gamet 2:33

Kaya minággetnud siya ten kawanan nen Diyos, sakay tinanggap na ten Ama en nepangaku a Banal a Ispiritu. Iyád en imbuhus na dikomi a kona ti áelingán moyen sakay sássanigán nadid.

Gamet 21:9

Tehud siya áppat a anak a dalaga a puru a propeta.

Roma 5:5

Talaga a mangyari en asaan tam hidi, gapu impabati nen Diyos en págmahal na dikotam ten pamamag-itan nen Banal a Ispiritu a inyatád na dikotam.

1 Corinto 12:10

Tehud a pinagkaluuban dikodi ti kapangyariyan a maggamet ti himala; tehud bi a pinagkaluuban ti kakayanan a magpahayag ti mensahi a gubwat ten Diyos, sakay tehud bi a pinagkaluuban ti kakayanan a makatukoy ni ánya a kaluub en gubwat ten Ispiritu, sakay ni ánya en bakán. Tehud bi a pinagkaluuban ti kakayanan a makapagupos ten iba-iba hidi a upos, sakay ten agum ay magpaliwanag ti hidi iyud a upos.

1 Corinto 12:28

Nángdátton en Diyos ten simbaan ti purumeru, ay apostol hidi; kumaduwwa, ay propeta hidi, sakay kumatállu, ay maistu hidi. Nángdátton bi siya ti makagamet hidi ti himala, makapagpapiyya hidi ti tehud a saket, tagatulung hidi, tagapangasiwa hidi, sakay makapagupos hidi ti iba-iba a upos.

Hebreo 1:2

Peru nadid a dimudyan a panahun, ay mákpágguron siya dikotam ten pamamag-itan nen Anak na a tagapagmana ten atanan a bagay. Sakay ten pamamag-itan na ay linalang nen Diyos i buuwiday a mundu sakay en atanan a ked háddi.

Santiago 5:3

En silber moy sakay gintu ay kinalawang dán, sakay en kalawang na i magpatunayid kontra dikomoy, kumán iyád a apoy a mangtutud ten bággi moy. Makpal kam a pináppuron a kayamanan ti katapusaniday a panahun.

2 Pedro 3:3

Purumeru ten atanan ay dapat moy a maintendiyan a ten dimudyan a aldew ay lumitaw en tolay hidi a mágkahalay ti biyag, sakay pagtawaan di kam.