2 Corinto 1:4 - Paranan

⁴ Paraparaán na kitam ni tehud kitam a kalungkutan, tánni maparapara tam bi en agum hidi a tehud a kalungkutan.

2 Corinto 1:4 ပူးပေါင်းရင်းမြစ်များ

Juan 14:16

Sakay agidán ku ten Ama a paangayán na dikomoy en Tagagiyya a makaguman moy a awan ti katapusan.

Juan 14:18

“Awan takam iwarak a awan ti kaguman; soliyán takam.

Juan 14:26

Peru en Tagagiyya, en Banal Ispiritu a paangayán háddi nen Ama ten ngaran ku ay siya en magtoldu dikomoy ten atanan a bagay sakay magpaala-ala ten atanan a kinagi ku dikomoy.”

2 Corinto 7:13

Kaya en ginamet moy ay nakapangatád dikomi ti dikál a kasayaan. Sakay dikál en kasayaan mi gapu ten kasayaan a nabati ni Tito a nakaguman kam.

2 Corinto 7:4

Dikál en tiwala ku dikomoy, pirmi takam a ipagmadikál! Ten atanan a táttiisán mi a hirap, en mabati ku ay begsák ni isip; putat ti kasayaan i pusu kuwiday.

Filipos 1:14

Sakay en kakpalan ten kákkapatkaka hidi ay mas tummibay en tiwala di ten Panginoon, kaya lalu a binumegsák en isip di a awan ti ánteng a ipangaral en upos nen Diyos.

1 Tesalonica 4:18

Kaya ngani, pabegsákkán moy en isip nen balang essa ten pamamag-itan ni adalid a hidi iyád.

1 Tesalonica 5:11

Kaya pabegsákkán moy en isip nen balang essa, sakay mágtulungan kam a kona ti gággamitán moyen nadid.

Hebreo 12:12

Kaya ilangkaw moy i lima moyen hidi a mágkalupoy sakay pabegsákkán moy i áttud moyen hidi a magpágpág.