1 Tesalonica 5:3 - Paranan

³ Ni kagiyán nen tolay hidi a, “Tahimik sakay ligtas,” ay bigla a dumemát en kapahamakan. Awan hidi makaiwas gapu en káddemát ni iyád ay kona ten kássumpung nen págbati nen bábbi a magenak.

1 Tesalonica 5:3 ပူးပေါင်းရင်းမြစ်များ

Mateo 23:33

Sikam a lahi hidi ni biklat! Awan moy maginanan en parusa moy ti impiyerno!

Juan 16:21

Ni magbati-bati dán en essa bábbi a magenak ay maghirap siya, gapu dummemát dán en odas nen pággenak na. Peru ni makaenak dán siya ay awan na dán maalala en hirap; gapu ten kasayaan na a neenak na dán ti munduwiday en anak na.

Gamet 13:41

‘Sikam a magsesti hidi ten Diyos! Magtaka kam sakay mepahamak! Gapu gamitán ku ten kapanahunan moy en essa a bagay a awan moy mapaniwalaan, maski ni tehud a mángpaliwanag pa tungkul ti iyád dikomoy!’ ”

2 Tesalonica 1:9

En parusa dikodi ay awan ti katapusan a kapahamakan, mehiwalay hidi ten Panginoon sakay ten dakila na a kapangyariyan.

Hebreo 12:23

Umangay kam ten masaya a pággipun-ipun nen imbilang hidi a panganay, a nakalista dilanget. Umadeni kam ten Diyos a hukum nen atanan, sakay ten ispiritu nen tolay hidi a ganap.

Hebreo 2:3

ay kona labi hud, konya tam a maginanan en parusa ni awan tam pahalagaan en dakila a kaligtasan? En Panginoon a mismu en purumeru a nángpahayag ti kaligtasanid a iyád, sakay pinatunayan bi dikotam nen nakasanig hidi.

2 Pedro 2:4

Maski en anghel hidi a nagkasala ay awan pinatawad nen Diyos, imbut na hidi ti impiyerno sakay kinadenaan ten lugar a madiklám hanggan ten káddemát nen Aldew nen Pághatul.