1 Corinto 14:39 - Paranan

³⁹ Kaya, kákkapatkaka ku hidi, hangadán moy nakuwan a makapagpahayag ten mensahi a gubwat ten Diyos, peru dyan moy bi ibawal en magupos ti iba-iba hidi a upos.

1 Corinto 14:39 ပူးပေါင်းရင်းမြစ်များ

1 Corinto 12:31

Kaya pagsikapan moy a gustuwán en kaluub hidi a mas mahalaga. Sakay nadid ay itoldu ku dikomoy en awan ti kaparehu ten atanan.

1 Corinto 13:2

Ni sikán man ay tehud a kakayanan a magpahayag ten upos nen Diyos sakay mangintendi ten atanan a lihim, ni tehudák man ten atanan a kaalaman sakay dikál a pánnampalataya a kaya ku pa a paagtonán en bukid hidi, peru ni awanák labi ti págmahal, ay awanák labi ti kuwenta.

1 Corinto 14:1

Pakagustuwán moy en págmahal! Hangadán moy en kaluub hidi a ispirituwal, lalu dán en makapagpahayag ten mensahi a gubwat ten Diyos.

1 Corinto 14:3

Peru en magpahayag bi ten mensahi a gubwat ten Diyos ay magupos ten katolayan tánni patibayán en pánnampalataya di, pabegsákkán en isip di sakay pasayaán.

1 Corinto 14:38

En awan mangtenggi háddi ay dyan moy bi tenggiyán.

1 Corinto 14:5

Gustu ku nakuwan a atanan moy ay makapagupos ti iba-iba a upos, peru mas lalu a gustu ku a makapagpahayag kam ten mensahi a gubwat ten Diyos. Mas mahalaga en magpahayag ten mensahi a gubwat ten Diyos, nan ten makapagupos ti iba-iba a upos, puwera la ni tehud a mángpaliwanag ten kagiyán na, tánni makatulung ten kállagu nen simbaan.

1 Tesalonica 5:20

Dyan moy bali-awanán en pahayag a gubwat ten Diyos.