กัน เอาซาง เม็จ เอิญ อุ เคิบ เยซู แลว นำ ก็ ดอม เอิญ เป็น ครำ เลาะ คอง ออ แลว ญอน เอิญ เจือ เยซู คริด นัน ไอ แมน ญอน เอิญ แอง เลาะ ตาม กด เอาซาง เตาะ แต เป็น เคิบ เอาซาง แอง ระ เอิญ เลาะ อุ เคิบ ออ ญอน เอิญ เจือ เยซู ฮัก เจ็นนัน เอิญ ก็ ลด ญอม พระ แอ็ม ซะ ตี เอิญ เกย ทือ นัน มด กด เอาซาง 12:3
โรม 9:30 - Prai Bible30 เลือง ครำ กรอก ซอ เคิบ ครำ อิซราเอล ก็ มอก เน ดาย ตัก อิง กรอก ซอ ไอ มี ซนใจ อุ เลาะ เคิบ เอาซาง นอ แต มานะ เน เอาซาง ระ ครำ กรอก ซอ นัน กุญ อุ เลาะ เคิบ ออ ญอน อัห เจือ เยซู นัน အခန်းကိုကြည့်ပါ။ |
โรม 9:30
28 ပူးပေါင်းရင်းမြစ်များ
โนอา ก็ เจือ เอาซาง เอาซาง เพีย ไล นำ วาล เค็ย เอาซาง อง แอง ระ นอก ทวม โลก ตี เอาซาง อง แอง ระ นอก ทวม โลก นัน โนอา ไอ มี ตัน เม็จ เคิบ มัด ออ ตัน แต โนอา ก็ เจือ แญง เอาซาง นำ ก็ ลด แอง เฮือ จ็อง ระ ยัห เคิบ ควัน กุญ ปน แอ็ม เจ็น นอก ทวม นัน ตี โนอา เจือ เอาซาง ลด แอง เฮือ นัน นำ ก็ ไล ครำ ทัว โลก เค็ย อัห ลุห ซีเละ อัห ต็อง กุญ โทด ก็ ฮุนเน ดาย โนอา เจือ เอาซาง เอาซาง ก็ เค็ย นำ อุ เลาะ เคิบ ออ แลว ก็ ญอน นำ เจือ เอาซาง ฮัก เกาตีนา 6:13-22
แต อา เน ก็ เม็จจึด เลาะ แลว เค็ย แอ กุญ อุ เลาะ เคิบ เอาซาง ก็ ญอน แอ เจือ เยซู คริด ฮัก ไอ แมน ญอน แอง เลาะ ตาม กด เตาะ ตึง ครำ ยิว ตึง ครำ กรอก ซอ ก็ เมือนนอย มด แอ จู ล็อง อุ เลาะ เคิบ เอาซาง กุญ ก็ ญอน เยซู คริด ฮัก เจ็นนัน แอ เน ก็ เจือ เยซู เพือ กุญ เลาะ อุ เคิบ เอาซาง นัน ไอ มี ซีเอ ซัก มี ล็อง ตี เลาะ อุ เคิบ เอาซาง ญอน แอง ตาม กด นัน ไอ มี เตาะ เลือง เน อา ก็ เม็จ เลาะ แลว นอ”
ตี เอาซาง ญอม ฮับ อับราฮัม เป็น ครำ เลาะ นัน ก็ ไอ มี จบ เกียว เคิบ พิที ซุนัด ซัง เป็น ตัก นำ เจือ เอาซาง ฮัก เอาซาง ไล นำ แอง พิที ซุนัด แทะ นัน วัล พิที ซุนัด นัน ก็ เป็น เคือง มาย เค็ย นำ แอง เลาะ เคิบ เอาซาง แลว เจ็นนัน อับราฮัม ก็ มอก เป็น เอาจ็อง คอง แอ ตี เจือ เอาซาง มด เพาะวา เอาซาง ดอม แอ เป็น ครำ เลาะ ครำ ซือ ญอน แอ เจือ เยซู มอก อับราฮัม นัน ครำ กรอก ซอ ตัก ไอ มี แอง ซุนัด นัน เอาซาง ก็ ดอม เค็ย เลาะ ครำ ยิว ตัก แอง ซุนัด แต เจือ เอาซาง มอก อับราฮัม นัน เอาซาง ก็ ดอม เค็ย เลาะ เมือนนอย ไอ มี จบ เกียว เคิบ แอง ซุนัด เตาะ แอ จูกรอกๆ ตี เจือ มอก อับราฮัม นัน เอาซาง ก็ ดอม เค็ย เลาะ เมือนนอย มด
เจ็นเน ก็ ครอ ระ แป กึด เลาะๆ วาล ดาย ตัก กำนา ปึง แป ไอ แมน เป็น ครำ คอง เยซู คริด นอ แป ก็ ไอ มี ซิด เป็น ครำ เอาซาง มอก ครำ อิซราเอล แป ก็ ไอ มี อุนใจ กุญ ซีวะ เลาะ เจ็น เอาซาง นอ นำ ก็ ไอ มี ซันญา อน ซีวะ ตัก แป มอก นำ ซันญา ตัก อับราฮัม เคิบ ครำ อิซราเอล นัน แป ก็ ไอ มี เม็จจึด เคิบ เอาซาง เตาะ
แอ ไอ มี จำเป็น แอง มอก กำนา เตาะ กำนา แอ เจอะ แอ เพอะ ซีเละ แอ แอง ตาม ใจ ออ มอก อัหซอ ตี ไอ มี เม็จจึด เคิบ เอาซาง นัน แอ อืม แอ ซีลิด แอ ปิล นอย แอ ออก ปุจ แว เป็น ปึง แอ ทือ ฮูบ ทือ พะ ตี ซีอุด อัง นัน แอ แอง ลุห ดก ซีเละ แอ เจอะ ซีเละ มานะ เน แอ ญัง แอง ก็ เลาะ ไอ มี จำเป็น แอง มอก เครม วัล เตาะ แอ แอง ตาม ใจ เอาซาง ฮัก ซัง เลาะ
ทีโมที เฮย มัห เป็น ครำ คอง เอาซาง แลว ก็ อำ มัห แอง มอก อัห เตาะ ครอ ระ มัห พระ แอ็ม ซะ ไอ มี คิ ไอ มี กน นัน อำ ซนใจ เลือง ไอ มี เลาะ นัน เตาะ ครอ ระ มัห แอง เลาะ แอง ซือ เคิบ เอาซาง ติกๆ ฮัก ต็อง แอง มอก นำ ต็อง แก็นใจ เจือ นำ ต็อง รัก นำ ต็อง รัก ควน รัก นไจ ตลอด กัน มี ซีวะ ญาก ก็ ต็อง ซอดแซ็ง อด เอิด มัห ซอน อัห ก็ ต็อง กอย จ็อก กอย ไล อัห ดาย
เอาซาง เค็ย อับราฮัม เป็น ครำ เลาะ ครำ ซือ ญอน นำ เจือ นอ เอาซาง ก็ ลด ซันญา เคิบ นำ ญอน นำ เจือ ฮัก เอาซาง ไล อับราฮัม ตึง ควัน นจะ ควัน ลาน นำ คือเน “บัดนะ เอิญ ระ แป ปกคอง โลก เน ดาย” เอาซาง อัง ตี เอาซาง ไล อับราฮัม จังนะ ก็ ไอ แมน เป็น ตัก นำ แอง เลาะ แอง ซือ ตาม กด โมเซด เตาะ แต เป็น ตัก เอาซาง เค็ย นำ เป็น ครำ เลาะ ครำ ซือ ญอน นำ เจือ เอาซาง ฮัก
ตี พะเจายูฮัว ดาวิด เค็ย อัห เลาะใจ เลาะคอ นัน ก็ ไอ แมน นำ เค็ย กรอก ยิว เตานะ ดาย นำ เค็ย ครำ แอ มด จู กรอก วัล แอง ซุนัด ก็ ตึก ไอ มี แอง ก็ ตึก กัน เอาซาง ไอ มี ทือ ลุห แอ แอ ก็ เลาะใจ ซีเละ มอก เอิญ ไล แลว แอ ดอม เอิด จาง ตัก เอาจ็อง อับราฮัม ตัก อิง นัน ดาย เอาซาง เค็ย “อับราฮัม เป็น ครำ เลาะ ครำ ซือ ญอน นำ เจือ ฮัก” เอาซาง อัง นอ
แต มี แกด ล็อง อัห เคาใจ พิด อัห วัล เค็ย “แอ แอง ลุห ติกๆ ก็ เลาะ แอ เฮง แอง ลุห ติกๆ ก็ เฮง อน เกียด ตัก เอาซาง วัล แอ แอง ลุห ก็ เฮง จวย ระ ครำ เม็จจึด เค็ย เอาซาง ซือซัด วัล กัน แอ อน เกียด ตัก เอาซาง มอก นัน แลว เอาซาง ลบ วัล ลงโทด ซิห แอ ก็ ไอ มี แคระ ก้า” อัห อัง กำกึด เน ไอ แมน กำกึด เอาซาง เตาะ เป็น กำกึด ครำ ฮัก นอ
ကြော်ငြာတွေ