โรม 4:21 - Prai Bible21 นำ แก็นใจ เจือ เค็ย ซะ ตี เอาซาง ไล อน นัน เอาซาง ก็ แอง กุญ ซีเละ အခန်းကိုကြည့်ပါ။ |
โรม 4:21
15 ပူးပေါင်းရင်းမြစ်များ
เอาซาง ระ เอิญ ไล คาว เลาะ คาว แลม เน แลว เอิญ ก็ ลด ญอม อด ตุก อด ญาก เพือ ไล อัห ติก เอิญ ต็อง อด โซะ ดก ซีเละ แต เอิญ ไอ มี กราญ เตาะ เอิญ ควะ แก็นใจ เค็ย เอาซาง ซือซัด อุ ตลอด เพาะวา เอิญ เม็จจึด เคิบ เอาซาง เลาะ เอิญ แก็นใจ เจือ เค็ย จู มบลึ ตี เอิญ ฟาก ระ อน ตัก เอาซาง นัน นำ ก็ รักซา ระ ปอดไพ จำปอ เล็ห งิ ตี นำ ตัดซิน นัน
เอิญ เคาใจ จังเน แลว เอิญ ก็ ลด แก็นใจ เค็ย เอาซาง รัก แอ ตลอด ไอ มี ซีวะ จางรู เด็ง แอ ทอก แอ็ม เจ็น เอาซาง ระ นำ ไอ มี รัก แอ ไอ มี ซีเอ จางรู แอง ระ เอาซาง เซ็ห อัง แอ เตาะ เป็น เทวาดา ก็ ตึก ซะ ตัก วาง นทึห ตัก มี อำนาด ก็ ตึก เป็น ซีวะ ตัก มี อำนาด พานเดย พากวา ทัว โลก แพนซิก เน ก็ ตึก ไอ มี ซีวะ จางรู เด็ง แอ ทอก แอ็ม เจ็น เอาซาง เตาะ ปันฮา จู งิ เน เคิบ ปันฮา วาล มัด บัดนะ นโดน ก็ ตึก ไอ มี ซีวะ จางรู แอง ระ เอาซาง เซ็ห อัง แอ เตาะ แอ เปิล กัห แอ รีด กัห เอาซาง ก็ ควะ รัก แอ ตลอด ญอน เยซู คริด งกีจ็อง คอง แอ นัน
ครำ จูบ อับราฮัม อิซอัก ยาโคบ นัน อัห เปิล มด แลว นอ ญาม อัห เปิล นัน อัห ไอ มี ตัน กุญ ซะ ตี เอาซาง ซันญา อง อน ตัก อัห ตัน แต อัห เลาะใจ ตี เอาซาง กิว อน ตัก อัห งิ แทะ วัล มอก อัห เม็จ ควะ เยอะ ซะ นัน อัห เจือ เค็ย โลก เน ไอ แมน ตี อุ จำ นเดย จำ กวา อัห ไอ มี เจิง อุ เป็น ตี อัห ญอม ญาย เริล ญาย วัล แต อัห เม็จจึด แลว เค็ย บัดนะ เอาซาง อน เจิง เลาะ ตัก อัห อัห ก็ ปอใจ อุ
ทีโอฟีลัด เฮย เอิญ ลูกา ดาย เอิญ นับทือ มัห ซีเละ ทาเน เอิญ ซีรอก เคียน นังซือ เน อน ตัก มัห นเซอะ มัห เคาใจ เค็ย เลือง เยซู คริด ตี อัห ไล มัห แลว นัน กิว เป็น เลือง นังเลาะ ซีเละ เลือง ครำ ตี อง โตะ จวย แอ นัน ปึง ลาม เอาซาง ตัก อิง อัห ก็ เพีย เคียน ระ อน แลว นำ ต็อง เป็น จังนักๆ อัห ก็ จด ระ อน มด มานะ เน แอ ก็ เม็จ คาว เค็ย นำ กิว โตะ ตัก แอ มอก ลาม เพีย ไล อน ซีเละ เจ็นนัน ก็ มี ดก ครำ เม็จ เลือง เยซู อัห ก็ เคียน เลือง นำ วัล
ကြော်ငြာတွေ