Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




โรม 13:12 - Prai Bible

12 แอ ตี เจือ เอาซาง ‍ แอ ก็ เม็จ แลว ‍ เวลา แอ อุ ใน โลก ไอ มี เลาะ เน ‍ ก็ บัก และ ซุด แอ็ม แลว นอ ‍ มอก แจ็ล บัก และ ปัห ซะ นัน ‍ งิ ตี เอาซาง โตะ จวย แอ ปน แอ็ม เจ็น ซะ ไอ มี เลาะ เน ‍ ก็ บัก และ เล็ห แลว ‍ เอิญ ก็ ลด ครอ ระ แป เลิก แอง ซะ ไอ มี เลาะ นัน ‍ แต ครอ ระ แป แอง ซะ เลาะ ตี จวย ระ แป ไอ มี กาน แอ็ม ตัก ปรอง ซาตาน นัน ‍ ต็อง แอง มอก ทฮาน ตี เอิด อาวุด คอง ออ ‍ ซู เคิบ ซะตรู ออ นัน ‍

အခန်းကိုကြည့်ပါ။ ကော်ပီ




โรม 13:12
30 ပူးပေါင်းရင်းမြစ်များ  

แต ต็อง ระ เยซู คริด งกีจ็อง ซับรวง แอ ฮัก ซัง เลาะ ‍ ซีวะ ตัก ซับรวง แอ แอง พิด งาย ‍ ก็ อำ แอง เตาะ ‍ อำ ระ ใจ เครม นัน แอง ตาม ใจ ออ เตาะ


จู เลือง ตี เกิด เล็ห ตัก ครำ อิซราเอล นัน ‍ เอาซาง ก็ ระ เป็น ตัวยาง เตือน แอ ‍ นำ ระ แอ เคาใจ เค็ย ‍ ครำ อิซราเอล แอง ลุห แลว ‍ เอาซาง ก็ กิว ลงโทด อัห ซีเละ ‍ จู เลือง ตี อัห จด ระ อน นัน ‍ ก็ เพือ เตือน แอ มานะ เน ตี เป็น ครำ ซะไม ซุดทาย เน ‍ อัห เพีย เตือน แอ ระ แอ ไอ มี แอง ลุห ‍ ระ แอ ไอ มี กุญ โทด มอก ครำ อิซราเอล ตัก อิง นัน


ควน นไจ เฮย ‍ เวลา ตี แอ ฮับไจ เอาซาง อุ ใน โลก เน ควะ ไอ มี อิง เตาะ ดาย ‍ ซะ จู มบลึ ตี แอ มี อุ ใน โลก เน ก็ ไอ มี กุม อิง ‍ ต็อง มี งิ เซีย แอ็ม มด บัดนะ ‍ เจ็นนัน ก็ อำ ปาย กึด ดก เลือง ซะ ใน โลก เน เตาะ ‍ กัน แป เอิด ยัห แลว ‍ ก็ อำ ปาย กึด เลือง ยัห ดก เกิน เตาะ ‍ ครำ ตี เลาะใจ อุ ‍ ก็ อำ ปาย กึด เค็ย เลาะใจ อุ เป็น เลือง ซำคัน ‍ ครำ ตี ตุกใจ ‍ ก็ อำ ปาย แอง ตุกใจ เกิน ‍ ครำ ตี มี ซะ ดก ‍ ก็ อำ ปาย กึด เค็ย ซะ นัน เป็น คอง ออ ตลอด ‍ ครอ ระ แอ เอิด ใจ ซิห เลือง เอาซาง เป็น เลือง ซำคัน ทีซุด ซัง เลาะ


เคือง ฮบ ตี อิห เอิด ซู อัห นัน ‍ ก็ ไอ แมน เคือง ฮบ ซะ ใน โลก เน เตาะ ‍ อิห เอิด อาวุด คอง เอาซาง ฮัก ‍ อาวุด คอง เอาซาง นัน ก็ มี แร็ง มี อำนาด ดก ซีเละ ‍ อิห เอิด อาวุด เอาซาง นัน ทำลาย กำกึด คอง ครำ ตี ตอตาน เอาซาง ‍ ระ อัห เคาใจ เค็ย ‍ กำกึด คอง อัห นัน ไอ มี แคระ เตาะ


อิห ไล เลือง นังเลาะ อน ตัก อัห ‍ อิห ก็ เปิง แร็ง คอง เอาซาง ตลอด ‍ อาวุด คอง อิห ก็ คือ แอง เลาะ แอง ซือ มอก เอาซาง ตลอด ‍ อิห แอง เลาะ แอง ซือ ตลอด นัน ‍ ก็ เป็น อาวุด ซำรับ อิห ซะนะ อัง ซะตรู ‍ เป็น อาวุด ซำรับ อิห ป็องกัน นัง ออ วัล


อัห ไล แป พระ แอ็ม นิไซ เครม นัน ‍ เพาะวา นิไซ เครม นัน ก็ เคริบ เซีย แอ็ม ติกๆ ‍ ไอ มี เลาะ ‍ เป็น นิไซ อืม ‍ จุ นัง ออ มาลือ ‍ ไอ มี กิว เป็น ปะโยด ซีวะ เตาะ ‍


ซะ ตี อัห ลอด แอง ตัก ตี ม็อญ ซะ นัน ‍ ก็ อำ จบ แอง เลิม เคิบ อัห เตาะ ‍ ไอ มี คิ ‍ แต แป ต็อง ไล อัห เค็ย ‍ ซะ ตี อัห แอง นัน ไอ มี แคระ ‍ แอ ไล อัห ก็ เลาะ ‍


ตัก กำนา วาล ไอ ตัน แอ เม็จจึด เคิบ เอาซาง ‍ แอ ก็ มอก อุ ตัก ตี ม็อญ ซะ นัน ‍ แอ ก็ แอง ไอ มี เลาะ มอก อัห นัน ‍ แต มานะ เน มอก แอ ญาย อุ ตี ทาง ซะ แลว ‍ ญอน แอ เม็จจึด เคิบ เอาซาง งกีจ็อง นัน ‍ ครอ ระ แอ แอง มอก ครำ ตัก อุ ตี ทาง ซะ ฮัก ซัง เลาะ ‍ อำ จบ แอง มอก ครำ อุ ตี ม็อญ ซะ วัล เตาะ ‍


ครอ ระ แอ แอว นอย ‍ โตะ พซุม เคิบ นอย ‍ อน กำลัง ใจ ตัก นอย ติกๆ ดาย ‍ มานะ เน เยซู บัก วัล โตะ และ แอ แลว ‍ ก็ ครอ ระ แอ เฮง โตะ พซุม เคิบ นอย ดาย ‍ อำ คาด เตาะ ‍ มี แกด ล็อง อัห ไอ มี โตะ พซุม แลว ‍ ครอ อำ แอง มอก อัห นัน ดาย


แอ เม็จ ครำ เครม ดก ล็อง แก็นใจ เจือ เอาซาง ‍ อัห ลด เป็น พญาน เลาะ อน ตัก แอ นอ ‍ แอ มี พญาน ดก แกวด แอ อุ มอก นัน แลว ‍ เจ็นนัน ก็ ครอ ระ แอ แอง มอก อัห ‍ ครอ ระ แอ เอิด ใจ ซิห เอาซาง ‍ ครอ ระ แอ แอง มอก นักกีลา ‍ ญาม นักกีลา อัห เล็ง ‍ อัห ไอ มี ปึห ซะ จึห เล็ง ‍ เจ็นนัน ก็ ครอ ระ แอ ไอ มี ปึห ซะ จึห เมือนนอย ‍ มี ซีวะ ตี จึห พาลือ ‍ มี ซีวะ ตี เกิ๊ด รวง แอ ‍ มี ซีวะ ตี ลุห ‍ ก็ ครอ ระ แอ พระ แอ็ม มด ‍ ครอ ระ แอ เล็ง เริล วาล มัด ติกๆ เริล ตาม รวง ตี เอาซาง กำนด ระ อน นัน


เจ็นนัน ก็ ครอ ระ แป พระ แอ็ม ซะ เจอะ ซะ เพอะ มด จู มบลึ ตี แป ลืด แอง นัน ‍ อำ ระ มี ซัก มี ติด เตาะ ‍ เอิญ ครอ ระ แป ท็อม นัง ออ กิว แอง ฮุน แญง เอาซาง ไล อน ดาย ‍ แญง เอาซาง ตี นำ ซิห ใน ใจ แป แลว นัน ‍ ก็ ครอ ระ แป ปัง เลาะๆ ดาย ‍ แญง เอาซาง นัน จวย ระ แป ปน แอ็ม เจ็น ลุห กุญ ‍ อำ เวิด ต็อล เวิด นทาก ดาย


แอ ก็ มอก นัน ‍ แอ ต็อง ซอดแซ็ง เพา เยซู ซีเละ ดาย ‍ ครอ ระ แอ เอิด ใจ จ็อง ดาย ‍ ไอ มี อิง ก็ โตะ งกีจ็อง แลว


เจ็นนัน ก็ ครอ ระ แป แอง เลาะๆ ดาย ‍ ซะ ไอ มี เลาะ จู มบลึ นัน ก็ อำ แอง เตาะ ‍ เลือง จุ นอย ‍ คอย นอย ‍ ดา นอย กัห ‍ จ็อก มี ยาง แอง มี ยาง วัล กัห ‍ เลือง เซาะ นอย ‍ โตด นอย กัห ‍ ซะ ไอ มี เลาะ จู มบลึ เน อำ ระ มี ใน ปึง แป เตาะ ‍


ปัง เอิด เลาะๆ ดาย ‍ โลก แอ เน บัก และ เล็ห งิ ซุด แอ็ม แลว ‍ เจ็นนัน แป ต็อง ปัง นึง ปัง นาง อุ ‍ ต็อง ควบคุม นัง ออ เลาะๆ ‍ เพือ แป กุญ เอิด ใจ ซิห ครอ วอน เอาซาง ติกๆ ‍


กัน แอ เม็จจึด เค็ย เอาซาง อง โตะ ทำลาย มด จู มบลึ มอก นัน แลว ‍ แอ ต็อง เป็น ครำ จังนัก ซัง เลาะ ‍ แอ ซมควน แอง เลาะ แอง ซือ มอก นำ ฮัก ดาย ‍ แอ ซมควน อน เกียด ตัก นำ ฮัก ซัง เลาะ ‍


มี ปัน ปี คอง แอ ก็ ไอ มี อิง ซำรับ เอาซาง เตาะ ‍ แต แกด ล็อง อัห เค็ย เยซู งกีจ็อง จา โตะ นอ ‍ นังเลาะ แลว นำ เพา ไอ มี อิง เตาะ ‍ นำ กิว โตะ มอก นำ ซันญา นัน ดาย ‍ แต นำ ใจ ดัว ซอดแซ็ง ซิห แอ ‍ เพาะวา นำ ไอ มี ซีรอก ทำลาย ซีเอ ซัก มี ล็อง เตาะ ‍ นำ ซีรอก ระ แอ มี รวง เอิด ใจ แมะ ‍ ระ แอ พระ แอ็ม ตี ลุห มด จู ล็อง


ปึง ควัน เฮย ‍ แป ก็ เม็จ แลว นอ ‍ ซะไม ซุดทาย นัน ก็ บัก และ เล็ห แลว ‍ ตัก ซะไม ซุดทาย นัน ก็ ต็อง มี ซะตรู เยซู คริด มี ล็อง โตะ ซีเละ ดาย ‍ นำ เป็น ซะตรู จ็อง มี ล็อง นะ ‍ นำ ก็ ต็อง โตะ มอก แป เกย ปัง เกย นเจ็น โตะ แลว นัน ‍ นังเลาะ แลว ‍ มานะ เน ก็ มี ซะตรู ดก ล็อง โตะ แลว ซีเละ ‍ แอ ก็ ลด เม็จจึด เค็ย ‍ ซะไม ซุดทาย นัน ก็ บัก และ เล็ห แลว ‍


เลือง ตี เอิญ เคียน ระ อน ตัก นังซือ เล็ม เน ‍ ก็ บัก และ เกิด เล็ห แลว ดาย ‍ นะ ดาย ‍ แป ตี อาน นังซือ เล็ม เน อน ตัก คริซจัก ปัง ‍ แป ก็ กุญ อุ เลาะ อุ ซุก ดาย ‍ อัห ตี ปัง แป อาน นังซือ เน แลว ‍ อัห ลด แอง ฮุน นังซือ เน ไล อน ‍ อัห ก็ กุญ อุ เลาะ อุ ซุก เมือนนอย ‍ เพาะวา เลือง เน บัก และ เกิด เล็ห ซีเละ


ทาเน เทวาดา ล็อง นัน ก็ ลบ วัล ไล เอิญ คือเน วัล “ซะ จู มบลึ ตี เอิญ เพีย ไล อน ตัก มัห เน ‍ ตี มัห เคียน ระ ตัก นังซือ มวน เน ‍ ก็ บัก และ เกิด เล็ห แลว ‍ มัห ต็อง ไล อน ตัก อัห มด ‍ ระ อัห เม็จ ดาย ‍ มัห อำ งเกริม ระ อน เตาะ ‍


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ