27 แต เยซู ทาก ที จวย นำ ร็อห นำ ก็ ร็อห ญ็อง
แต เยซู ไล อัห ปัด แอ็ม มด แลว อัห ทอก ปัด อุ บัดซะ มด แลว เยซู ก็ กุด ฮ็อง ตี อัห ระ ซบ ควัน แย็ด นัน เยซู ก็ ทาก ที นำ ร็อห นำ ก็ ร็อห ญ็อง
เยซู ก็ โตะ ทาก ที นำ จวย นำ ร็อห นำ ก็ ลด งาล โซะ ลด แอง ซะ ป็อง เลียง อัห วัล
เยซู ก็ ที ดอม นำ ซีตึ อัง นำ เยซู ก็ นจืน ที คอบ นำ เยซู ลด จ็อก คือเน “เอิญ เลาะใจ จวย มัห ดาย มัห งาล โซะ นทึห เตาะ” เยซู อัง
เยซู ก็ โตะ ทาก ที ควัน แย็ด นัน เยซู ก็ จ็อก คือเน “ทาลิทา คูมี” ซีแล็ม เค็ย “ควัน แย็ด เฮย ร็อห เนอ” นำ อัง
เยซู ก็ ทาก ที นำ ทอก เริล เจ็น งวัล นำ ก็ มพุย จวก ซิห ตัก มัด เอา นัน นำ ก็ เอิด ที เปียะ เพียห คอบ ซิห มัด เอา นัน เยซู ก็ ซ็วน นำ “มัห เม็จ ซีวะ แด บ็อห” นำ อัง
ปรอง ก็ ลด นซาก แร็งๆ แอง ระ นำ เพลิด นโดน เพลิด นแด็ห เย็ห ก็ ลด ทอก แอ็ม เจ็น นัง นำ ควัน ล็อง นัน ก็ เค็ด อุ งเกิน ฮุน ครำ เปิล ปึง อัห ก็ เค็ย นำ เปิล แลว ซีเละ
เจ็นนัน เยซู ก็ กุด ควังใน เจิง มี ลัง นะ ลูกนอง ก็ ซ็วน นำ จุม อัห ฮัก คือเน “เป็น ตัก ซีวะ อิห มบรึห แอ็ม ปรอง นัน เคิน ไอ มี กุญ” อัห อัง
นายพัน ก็ ทาก ที ล็อง นัน เริล จ็อก เคิบ ออ เปียะ ล็อง ฮัก นำ ซ็วน ล็อง นัน ฮุนเน “มัห มี เลือง ซีวะ ไล อน ตัก เอิญ บ็อห” นายพัน อัง
เปโตร ก็ ทาก ที เพียห เลาะ คอง นำ จวย นำ ร็อห ญ็อง เจ็ง เคิบ มัดเง็ล ก็ ลด เลาะ เล็ห มด
เปโตร ก็ จวย ทาก ที นำ ร็อห ญ็อง เปโตร ก็ งกรอ ปึง ตัก ทือ เยซู เคิบ ปึง แมมาย นัน โตะ ดอม นำ ก็ ซับ ทาบีทา ตัก รีด เล็ห แลว นัน อน ตัก ปึง อัห วัล
