มาระโก 9:22 - Prai Bible

²² ปรอง ก็ แอง ระ นำ คลิห ตัก โอด คลิห ตัก นอก ดก ลบ ‍ เย็ห ซีรอก มเบิล นำ ดก ลบ แลว ‍ กัน มัห จวย นำ กุญ ‍ ก็ ครอ เคิบ มัห ตึ อัง อิห ‍ ครอ ระ มัห จวย นำ ดาย” นำ อัง ‍

มาระโก 9:22 ပူးပေါင်းရင်းမြစ်များ

ลูกา 7:13

ทาเน แมมาย ล็อง นัน ก็ เญ็ม ‍ เยซู เม็จ แมมาย ล็อง นัน เญ็ม ‍ นำ ก็ ตึ อัง แมมาย นัน ซีเละ ‍ นำ ก็ ไล แมมาย นัน คือเน “อำ เญ็ม เตาะ ดาย จ็อง” นำ อัง ‍

มาระโก 5:19

เยซู ก็ ไล นำ คือเน “มัห อำ เริล เคิบ เอิญ เตาะ ‍ มัห วัล เจิง และ ควน นไจ ออ ดาย ‍ มัห เลามุน เลือง ตี เอาซาง แร็ง ตึ อัง มัห ‍ ระ มัห เลาะ เล็ห เน” เยซู อัง ‍

มัดทิว 20:34

เยซู ก็ ตึ อัง ปาม ‍ นำ ก็ คอบ ซิห มัด ปาม ‍ ปาม ก็ ลด ตาด เล็ห มัด ‍ ดอม ซีวะ เม็จ มด ‍ ปาม ก็ ลด เต็ก เยซู เริล

มัดทิว 14:31

เยซู เม็จ เปโตร งกรอ ซิห ออ มอก นัน แลว ‍ นำ ก็ ลด ท็อจ เด็ง เอิด เปโตร ‍ นำ ก็ ซ็วน เปโตร คือเน “บา นอ ‍ ซีวะ มัห ไอ มี ปอ เจือ เอิญ บ็อห นอ ‍ ซีวะ มัห ซงไซ เอิญ” เยซู อัง ‍

มัดทิว 9:28

ทาเน เยซู ก็ กุด ควังใน เจิง ‍ ปาม ก็ กุด และ เยซู ตัก เจิง ตี เยซู พัก อุ นัน ‍ โตะ ควังใน เจิง แลว ‍ เยซู ก็ ซ็วน ปาม ‍ “ปา เจือ อัน ‍ เค็ย เอิญ เน แอง ระ ปา ตาด มัด วัล กุญ ‍ ปา เจือ เค็ย เอิญ แอง กุญ อัน” เยซู ซ็วน ปาม ฮุนนัน “เออะ อาจาน ‍ เยอะ เจือ ซีเละ” ปาม อัง ‍

มัดทิว 8:2

แลว ก็ มี อัหคล็อง มี ล็อง นะ เป็น คีเฮือน ‍ นำ โตะ และ เยซู ‍ นำ โตะ กราบ ไว เยซู ‍ “งกีจ็อง เฮย ‍ ครอ เคิบ มัห จวย เอิญ ดาย ‍ มัห แอง ระ เอิญ งาล คีเฮือน เน กุญ มด ‍ กัน มัห ญอม แอง อน เอิญ ‍ คีเฮือน เน ก็ งาล แอ็ม มด” ล็อง นะ อัง

มัดทิว 17:15

นำ ไล เยซู คือเน “อาจาน ‍ ครอ ตึ อัง ควัน เอิญ ดาย ‍ นำ เป็น บัด เป็น เฮิ๊ด  ‍ แร็ง เป็น ซีเละ ‍ นำ คลิห ตัก โอด ดก ลบ ‍ นำ คลิห ตัก นอก ดก ลบ แลว ‍

มาระโก 9:21

เยซู เม็จ นำ เป็น คือนัน ‍ นำ ก็ ลด ซ็วน เอา นำ “นำ เป็น ฮุนเน อิง ปานเดย” เยซู อัง ‍ เอา นำ ก็ ซวัล “ก็ เป็น เจ็น แย็ด ‍

มาระโก 9:23

เยซู ก็ ซวัล นำ “มัห อังวะ จังนะ ‍ มัห เยา เอิญ จวย ไอ มี กุญ อัง ‍ กัน ซีเอ เจือ เอาซาง ‍ นำ แอง ซีวะ ก็ กุญ มด” เยซู อัง ‍