39 เยซู ก็ ระ ลูกนอง ไล ปึง พซาซน คุด เป็นปึงๆ ตัก แญ็น แคร็วๆ นัน
เจ็นนัน เยซู ก็ ไล ปึง พซาซน คุด
เยซู ก็ ซ็วน อัห “แป มี ซะ ป็อง มอก นเดย เออะ แป เริล ดอม อ็อญ กา” เยซู อัง อัห ก็ เริล ดอม อ็อญ อัห เม็จ แลว อัห ก็ โตะ ไล เยซู “มี คนมปัง ฮา แพ็น เคิบ คา เปียะ นัง” อัห อัง
อัห ก็ คุด เป็นปึงๆ นัน มี ปึง นเดย มี ฮาซิบ ล็อง แด มี รอย ล็อง แด
ครำ ปึง นัน ก็ ดก ล็อง ซีเละ นับ จุม อัหคล็อง ฮัก ก็ มี ซม ฮา พัน ล็อง เน ทาเน เยซู ก็ ไล ลูกนอง ออ ไล อัห คุด เป็น ปึง เป็น ปึง มี ปึง นเดย ฮาซิบ ล็อง
เยซู ก็ ไล ลูกนอง ออ คือเน “แป ไล ปึง พซาซน คุด วาล ดาย” นำ อัง ตัก นัน มี แญ็น ดก แดๆ เลาะลัห ตี คุด ปึง พซาซน ก็ คุด ตัก นัน นับ อัหคล็อง ก็ มี ปะมาน ฮา พัน ล็อง
เพาะวา เอาซาง นำ แอง จู มบลึ เน ระ เป็น ระเบียบ อุ แลว เจ็นนัน นำ ก็ ลด ซีรอก ระ แอ แอง จู มบลึ ระ เป็น ระเบียบ มอก นำ ฮัก นำ ไอ มี ซอบ ระ แอ ญุง แต นำ ซอบ ระ แอ อุ เลาะ อุ ซุก เคิบ นอย ฮัก คริซจัก จู ตี ก็ แอง มอก เน มด
แต ญาม แป โตะ พซุม นัน ครอ ระ แป แอง จู มบลึ ระ เป็น ระเบียบ ระ เพาะ เคิบ ครำ เอาซาง ฮัก ดาย