36 ปึง พซาซน ก็ โซะ จะ มัห ไล อัห เริล ทน ซะ ป็อง ตัก งวัล นเซอะ งวัล งคม ดาย” อัห ไล เยซู คือเน
เยซู ก็ เค็ด อุ ไอ มี ซวัล นำ ซัก มี แญง ทาเน ปึง ลูกนอง เยซู นัน อัห ก็ วาง ครอ เคิบ เยซู ฮุนเน “อีซะเน ดุ นำ กวน แอ ซีเละ มัห ไล นำ วัล ก็ เลาะ” อัห อัง
ญาม เปโตร เม็จ แญง เยซู ไล จังนะ แลว นำ ก็ เอิด เยซู ทอก เจ็น ปึง นำ จ็อก เคิบ เยซู เปียะ ล็อง ฮัก นำ ก็ โป เยซู คือเน “อัห แอง จังนัน ซิห มัห ไอ มี กุญ ดาย อาจาน เอาซาง ไอ มี ระ มัห โซะ มอก นัน เตาะ” เปโตร อัง
นำ ระ ครำ ดก ล็อง โตะ และ ออ มอก นัน ก็ มี ครำ เค็ย นำ เซีย จิด แลว ญาม ควน นไจ นำ เม็จ คาว ฮุนนัน อัห ก็ ซีรอก เริล เอิด นำ
ลูกนอง นำ ก็ ซวัล นำ ฮุนเน “มัห ซ็วน ซีวะ จังนะ บ็อห มัห ก็ เม็จ แลว นอ ดก ครำ แดก มัห เริล” อัห อัง
ทาเน ก็ บัก และ แจ็ล แอ็ม แลว ปึง ลูกนอง ก็ ไล เยซู คือเน “อาจาน แจ็ล แอ็ม แลว ดาย ตัก เน ก็ ไอ มี งวัล ครำ นอ
แต เยซู ก็ ซวัล อัห คือเน “แป ฮัก และ ซะ ป็อง อน อัห ดาย” เยซู อัง ลูกนอง ก็ ซวัล นำ “อาจาน เฮย แอ เลียง ครำ ดก มอก เน ก็ ไอ มี กุญ เตาะ แอ เอิด เงิน 200 เลียน ทน ซะ ป็อง อน อัห ก็ ไอ มี จบ ปอ” อัห อัง