มาระโก 5:15 - Prai Bible15 อัห โตะ ตัก เยซู แลว อัห ก็ เม็จ ล็อง นัน ตัก ปรอง กุด นัน จึห คัว คุด อุ เลาะ นำ มี ซะติ เลาะ มอก เครม ครำ ตัก โตะ ดอม นัน อัห ก็ เลอะ นเจิก มด အခန်းကိုကြည့်ပါ။ |
มาระโก 5:15
21 ပူးပေါင်းရင်းမြစ်များ
ญาม เฮือ กำลัง จอด อุ เยซู ก็ จูล เจ็น เฮือ นำ บัก และ ก็อห ซะร็อห นำ ปัก เม็จ อัหคล็อง มี ล็อง เป็น ครำ งวัล ติๆ พานัน ล็อง นัน ปรอง กุด นำ ดก ซีเละ อิง แลว ปรอง แอง ระ นำ ลุน อุ เต็ว ก็ ไอ มี แซ็ด โกบ ก็ ไอ มี จึห เตาะ อิง แลว นำ ไอ มี อุ ตัก เจิง นำ อุ ตัก พาเฮ็ว ฮัก ปรอง กุด นำ ดก ลบ อัห ก็ เอิด โซ เอิด กุนแจ ท็อก ระ นำ นำ ก็ นจัห แอ็ม กิด แอ็ม มด ปรอง ซับ นำ ปัด อุ ตัก ซะร็อห ทึห ตัก นโจ ฮัก ญาม นำ เม็จ เยซู นำ ก็ นซาก นำ ลด ญุล คุด กราบ ไว เยซู นำ ก็ จ็อก แร็งๆ ซิห เยซู คือเน “มัห เป็น ควัน เอาซาง ตี แกะ ทีซุด มัห โตะ ญุง เคิบ เอิญ อังวะ ครอ เคิบ มัห อำ มัห ทอระมาน เอิญ เตาะ ดาย” นำ อัง ตี นำ ครอ ฮุนนัน ก็ เป็น ตัก เยซู ไล ปรอง ทอก แอ็ม เจ็น นัง นำ
เลือง เอิญ มี แร็ง มบรึห แอ็ม ปรอง นัน แป ก็ เม็จ แลว กัน เอิญ มบรึห ปรอง กุญ ก็ เอิญ มี แร็ง กวา เย็ห วัล มเบิด ก็ มอก เน ดาย จับ มี งกี เจิง มี ล็อง นะ นำ มี แร็ง มี อำนาด ดก มี คอง ดก จับ มี โจน ซีรอก ปุน เอิด ซะ คอง นำ อัห ก็ ปุน เอิด ซะ คอง นำ ไอ มี กุญ เตาะ แต กัน มี โจน มี ล็อง วัล มี แร็ง ดก กวา งกี เจิง นัน นำ ก็ โตะ กุด เจิง ล็อง นัน กุญ โจน กุด เจิง แลว นำ ก็ ท็อก งกี เจิง ระ อน ท็อก แก็นๆ แลว เจ็นนัน โจน นัน ก็ ปุน เอิด ซะ คอง นำ กุญ ซะบาย แร็ง คอง เอิญ ก็ เมือนนอย เอิญ มี แร็ง ดก กวา ปรอง ซาตาน นัน วัล
ทาเน อัห ก็ เลอะ เม็จ คาว เลือง เยซู ทัว มด แพ็ว ครำ ปะเทด ซีเรีย ตี อุ เยอะ ซะ อัห ก็ เลอะ เม็จ คาว มด อุ เจ็นนัน ไอ มี อิง อัห ก็ เลอะ ซับ ครำ โซะ ซะ เน ซะ นัน โตะ และ นำ ทึดๆ ครำ ปรอง กุด ครำ ตี เป็น จัก เป็น เฮิ๊ด ครำ อำมะพึก อำมาพาด อัห ก็ ซับ ระ นำ รักซา นำ ก็ จวย รักซา อัห ระ เลาะ เล็ห มด จู ล็อง
ကြော်ငြာတွေ