มาระโก 4:41 - Prai Bible

⁴¹ แต ปึง ลูกนอง เยซู อัห ก็ นเจิก ซีเละ ‍ อัห ญ็อก งึด อัง นำ มด ‍ อัห ลด ซ็วน นอย คือเน “เยซู เน นำ เป็น ซีเอ บ็อห ‍ งกริม เคิบ นอก ก็ ปัง แญง นำ” อัห อัง

มาระโก 4:41 ပူးပေါင်းရင်းမြစ်များ

ลูกา 8:25

นำ ก็ ลด ซ็วน อัห “ซีวะ แป ไอ มี เจือ เอิญ บ็อห” นำ อัง ‍ อัห ก็ เลอะ นเจิก เลอะ งึด อัง นำ มด ‍ อัห ก็ จ็อก เคิบ นอย ฮุนเน ‍ “นำ ไล งกริม ไล นอก ‍ เย็ห ก็ ปัง แญง นำ นอ ‍ นำ เป็น ซีเอ นังเลาะ บ็อห” อัห อัง เค็ย นอย

มัดทิว 8:27

ปึง ลูกนอง เม็จ เยซู แอง จังนัน ‍ อัห ก็ ญ็อก งึด ญ็อก เงอ อุ ‍ อัห ก็ จ็อก คือเน “บา ‍ ล็อง เน นำ เป็น ซีเอ นังเลาะ บ็อห ‍ คนาด นอก เคิบ งกริม ก็ ญัง ปัง แญง นำ มด” อัห อัง

เยซู โตะ 15:4

เอาซาง งกีจ็อง เฮย ‍ ครำ จู ล็อง อัห นเจิก อัง มัห มัห มี ล็อง เดียว ไอ มี ตี ติ ไอ มี ตี คอล ‍ ไอ มี ซีเอ เมือน มัห เตาะ ครำ จู กรอก จู จาด ก็ อน เกียด ตัก มัห อัห กราบ ไว มัห ‍ อัห เม็จ มัห แอง เลาะ แอง ซือ จู มบลึ อัห ก็ อวด ลือ มัห ฮัก” ปึง นัน อัห ลอง เพลง คือนะ

มาระโก 5:33

อัหเม นัน เม็จจึด นัง ออ งาล โซะ ‍ นำ ก็ โตะ กราบ ไว เจ็ง เยซู ‍ นำ แร็ง นเจิก ‍ ญ็อก นโจ็ห มด ตึง นัง ‍ นำ ก็ ไล เลือง นัง ออ อน ตัก เยซู ปัง มด ‍

ฮีบรู 12:28

แอ ก็ กุญ อุ ตัก ตี เลาะ บัดนะ ‍ เป็น ตี เลาะ จำ นเดย จำ กวา ‍ ตี ไอ มี ซีวะ ทำลาย กุญ นัน ‍ บัดนะ เอาซาง อง ระ แอ อุ ตี เลาะ มอก นัน ‍ เจ็นเน ก็ ครอ ระ แอ คอบคุน นำ ฮัก ‍ ครอ ระ แอ ทือ เอาซาง แบบ ตี นำ ปอใจ ฮัก ‍ ครอ ระ แอ กิว เกงใจ อัง นำ ‍ กิว อน เกียด ตัก นำ ฮัก ‍

ลูกา 4:36

อัห เม็จ เยซู มบรึห ปรอง คือนัน ‍ อัห ก็ งึด ซีเละ “เอิ๊ก ‍ แญง ซีวะ จังนะ ‍ ปิด ไบ ปิด เบอ ‍ นำ ไล ปรอง ดุ ปรอง ราย ปัด ‍ เย็ห ก็ ปัด แอ็ม มด” อัห อัง ‍

มัดทิว 14:32

เจ็นนัน ปาม ก็ เริล โตะ ตัก เฮือ ‍ ท็อบ ปาม ก็อห เฮือ แลว ‍ งกริม ก็ ลด เค็ด งาล แอ็ม ‍

มาระโก 7:37

ปึง นัน ก็ เลอะ งึด อัง เยซู ‍ อัห ก็ จ็อก เคิบ นอย คือเน “นำ แอง ซะ เลาะ มด นอ ‍ ครำ เกลิบ นโทล นำ ก็ แอง ระ ปัง แญง กุญ ‍ ครำ งาว ‍ นำ ก็ แอง ระ จ็อก กุญ” อัห อัง

มาระโก 4:40

เยซู ก็ ซ็วน อัห คือเน “แป นเจิก อังวะ เต็ห ‍ ซีวะ แป ไอ มี เจือ เอาซาง” นำ อัง ‍

มาระโก 5:1

เยซู เคิบ ลูกนอง ก็ ต็อก เฮือ เริล โตะ ตัก เคด เมือง เกราซา พาโนน ‍