พรัน ซา ตี คลิห ตัก ปา ซีเยอะ นัน ก็ มอก ครำ ตี กุญ ปัง แญง เอาซาง แลว อัห เคาใจ แด แต ไอ มี ปอ เอิด ใจ ซิห ซะ ใน โลก ก็ ซุย อัห ระ อัห กึด เลือง เงิน เลือง ทอง กึด ซีรอก เป็น ครำ ฮัง ครำ มี ดก อัห ทืล อัง ซะ ตัก โลก เน กำกึด นัน ก็ ทม แอ็ม แญง เอาซาง ไอ มี ปอ อิง อัห ก็ ไอ มี ซนใจ ปัง แญง เอาซาง วัล เตาะ อัห มอก ซา ตี ซีเยอะ งวม แอ็ม นัน ไอ มี เลาะ แพละ เตาะ
มาระโก 4:19 - Prai Bible19 แต ดก อัห ซนใจ เลือง ซะ ใน โลก เน อัห ซีรอก เป็น ครำ ฮัง อัห กึด เค็ย มี เงิน ดก ก็ เลาะใจ อุ อัห โซะ กุญ ซะเน ซะนัน ดก มบลึ กำกึด นัน ก็ ทม แอ็ม แญง เอาซาง ซีวิด อัห ก็ ลด ไอ มี แกะ ใน เอาซาง အခန်းကိုကြည့်ပါ။ |
มาระโก 4:19
28 ပူးပေါင်းရင်းမြစ်များ
ครอ อำ นเจ็น เอิด จาง ตัก อัห ดาย อำ นเจ็น เอิด จาง ตัก ซังคม ใน โลก เน อำ ระ อัห ซับรวง แอ แอง มอก อัห เตาะ แต ครอ ระ แอ ญอม ระ เอาซาง เปียน กำกึด เปียน ใจ แอ ซัง เลาะ กัน แอ กิว ระ เอาซาง เปียน กำกึด ออ ตลอด แอ ก็ กิว เม็จจึด ใจ นำ เลาะ ซีเละ แอ ก็ เม็จจึด ซะ ตี นำ ซอบ ซะ ตี นำ กึด เค็ย เลาะ แต เลาะ วา นัน แอ ก็ เม็จจึด มด
ตัก กำนา นัน แป ก็ แอง ลุห ซีเละ แป แอง ลืน แอง ดาน มอก ครำ ซอ ใน โลก เน ตี ไอ มี เจือ เอาซาง นัน กำนา แป ก็ นเจ็น เอิด จาง ตัก ฮัวนา ปึง ปรอง ซาตาน ตัก ทึห มอก อัห นัน เย็ห ก็ ซุย ครำ ดาน ตี ควะ ลืน แญง เอาซาง อุ เย็ห ก็ ซับรวง อัห แอง ตาม ใจ ออ ฮัก ตัก กำนา นัน แป ก็ ทือ ปรอง มอก อัห นัน
ญอน เอาซาง เลาะ มอก นัน มัห ก็ ต็อง ไล ครำ ฮัง อำ ทือ นัง ออ อำ เปิง เงิน เตาะ อำ กึด เค็ย มี เงิน แลว ซะบาย อุ มี เงิน แลว ไอ มี จำเป็น เปิง เอาซาง อำ กึด จังนัน เตาะ อำ เปิง ซะ ใน โลก เน ตี ไอ มี กุม อิง เตาะ แอ ต็อง เปิง เอาซาง ฮัก ซัง เลาะ แอ มี ซีวะ ใน โลก เน ก็ เป็น ตัก เอาซาง อน ตัก แอ ฮัก เป็น ตัก นำ ใจ ดัว ซิห แอ ฮัก นำ อน ตัก แอ ระ แอ เลาะใจ อุ แอ ต็อง เปิง นำ ฮัก ซัง เลาะ
ญาม แป ป็อง จะ ลุห นโทล อัง เยซู ตี นำ รัก แอ ดก นัน อัห เป็น ครำ เจอะ ครำ เพอะ อัห ก็ ซุน ป็อง เลิม เคิบ แป ไอ มี อัห เม็จจึด กราญ เตาะ ปึง อัห นัน ก็ อันตะราย ซีเละ ดาย มเบิด อัห ก็ มอก ครำ ตี เลียง แกะ ไอ มี เลาะ นัน อัห ซนใจ นัง ออ ฮัก อัห ก็ มอก บด ตี ไอ มี เล็ห เมียะ ตี งกริม ปึห แอ็ม บด นัน เริล แอ็ม ตี ซอ เมียะ ก็ ไอ มี กิว เล็ห เตาะ อัห ก็ มอก เกาลำ ตัก ไอ มี เล็ห แพละ นัน เล็ห โนจ แพละ ก็ ไอ มี แพละ เตาะ ซุดทาย อัห ก็ งคืด แอ็ม เกาลำ นัน ครำ ตี แอง ไอ มี เลาะ นัน บัดนะ อัห ต็อง เป็น มอก นัน อัห ต็อง เปิล ซีเละ ไอ มี รีด เตาะ
ကြော်ငြာတွေ