50 ทาเน ปึง ลูกนอง ก็ ปัด พระ แอ็ม เยซู มด
อัห เล็ห ตัก ญวัง แพะ ค็อก แลว เยซู ก็ เพีย ไล ลูกนอง ออ คือเน วัล “งวะ แป จู ล็อง ก็ พระ แอ็ม เอิญ มอก ลาม เคียน ระ อน ตัก นังซือ เอาซาง คือเน ‘เอิญ มเบิล แอ็ม ครำ เลียง แกะ แกะ ก็ เลอะ ปัด เริล มี นัง มี ตี’ นำ อัง เซคารียา 13:7
ดอม บัดนะ เนอะ ควะ ไอ มี อิง แป ก็ เลอะ พระ แอ็ม เอิญ มด แป เริล มี ติด มี ตี แป วัล เจิง ออ เอา นเดย เอา นัน ฮัก แป พระ เอิญ อุ มี ล็อง เดียว ฮัก แต นังเลาะ แลว เอิญ ไอ มี อุ มี ล็อง เดียว ดาย เอา เอิญ อุ เลิม เคิบ เอิญ ฮัก
ทาเน เลือง เอิญ ก็อห ซาน กำนา ลบ แรก ตี อัห ระ เอิญ ก็อห ซาน นัน เปือน เอิญ ก็ เลอะ พระ แอ็ม เอิญ มด ไอ มี ซีเอ จวย เอิญ ซัก มี ล็อง เตาะ เอิญ ครอ ระ เอาซาง ไอ มี ทือ ลุห อัห ดาย
เยซู ก็ ไล อัห ฮุนเน “เอิญ ไล แป แลว เอิญ เน ฮัก เป็น เยซู กัน แป โละ และ เอิญ ก็ แป พระ แอ็ม ลูกนอง เอิญ เน ระ อัห เริล ออ ดาย อำ เญ็บ อัห เตาะ” นำ อัง
เอิญ อุ เคิบ แป เอิญ นเจ็น แป ตัก วิฮาน เอาซาง จูงิๆ แป ก็ ไอ มี เญ็บ เอิญ (ก็ ซีวะ แป โตะ เญ็บ เอิญ มานะ) แต ตี แป แอง ฮุนเน มานะ ก็ ต็อง กิว เป็น เล็ห ซีเละ ต็อง เป็น เล็ห ฮุน อัห เคียน ระ ตัก นังซือ เอาซาง ซีเละ” นำ อัง
มี อัหคล็อง นุมๆ มี ล็อง นะ นำ จึห คัว พา ลินนิน มี พลัห เดียว นำ เคริบ เยซู เริล อัห ก็ เล็ว เญ็บ นำ
