มาระโก 12:14 - Prai Bible14 อัห ก็ โตะ ซ็วน นำ คือเน “อาจาน อิห เม็จ แลว มัห เป็น ครำ เลาะ ครำ ซือ ซีเละ มัห แอง ซิห ครำ นเดิง นอย มด มัห ไอ มี เอิด ใจ ซีเอ ไอ มี ปอง เอิด ซีเอ เตาะ มัห นเจ็น เลือง นังเลาะ คอง เอาซาง ฮัก อิห ก็ ลด ครอ เคิบ มัห จวย ไล อิห แด ดาย ตี อิห ต็อห พาซี อน ตัก พะเจายูฮัว ซีซา นัน แคระ ตาม กด เอาซาง อัน บ็อห อิห ต็อห ลู ไอ มี ต็อห เลาะ บ็อห” อัห อัง အခန်းကိုကြည့်ပါ။ |
มาระโก 12:14
36 ပူးပေါင်းရင်းမြစ်များ
เอิญ จ็อก เคิบ ปึง นัน ตี อัห เค็ย อัหแกะ ซับรวง คริซจัก เอิญ ไล คาว เลาะ อน ตัก อัห ระ อัห เคาใจ เค็ย เอิญ เจือ จังนัก ทาเน อัห ปัง เอิญ แลว อัห ก็ ไอ มี ไล ซีวะ เพิม อน ตัก เอิญ เตาะ เอิญ ไอ มี นเจ็น เม็จ ซีวะ ตัก อัห เตาะ นังเลาะ แลว อัห เป็น ซะ แกะ ตี ซับรวง คริซจัก ก็ ตึก เอิญ ไอ มี ซนใจ อัหซอ ทือ อัห อน เกียด ตัก อัห จังนัก เอาซาง ก็ ไอ มี ซนใจ เมือนนอย จังนัก ก็ ตึก อัห ไอ มี ไล ซีวะ แมะ อน ตัก เอิญ เตาะ เป็น เอาซาง ฮัก ตี ระ เอิญ เคาใจ คาว เลาะ คาว แลม คอง ออ นัน
เลือง คาว เลาะ ตี เอิญ ไล แป เน ครอ ระ แป ปัง เลาะๆ ดาย เอิญ ไอ มี ไล แป เพือ ระ ครำ มัก เอิญ พาลือ ดาย เอิญ ไอ มี ซนใจ ระ อัห อวด เอิญ ปอใจ อัง เอิญ เตาะ ตี เอิญ จ็อก เคิบ แป เน เป็น กำกึด เอาซาง ฮัก เอิญ ซีรอก ระ เอาซาง ปอใจ อัง เอิญ ฮัก กัน เอิญ จ็อก ระ ครำ พาลือ ปอใจ อัง เอิญ เอิญ ก็ ไอ แมน ลูกนอง เยซู คริด เตาะ แต เอิญ เน เป็น ลูกนอง เยซู คริด เอิญ ต็อง แอง มอก เอาซาง ปอใจ ฮัก ครอ ระ แป ปัง เลือง เน เลาะๆ ดาย
มานะ เน แอ ไอ มี ตัดซิน นอย มอก ครำ ทัว โลก ตัดซิน นอย นอ เอาซาง เปียน กำกึด แอ แลว แอ เคาใจ นอย มอก เอาซาง เคาใจ แอ ฮัก แต กำนา แอ เกย กึด เลือง เยซู คริด มอก ครำ ทัว โลก กึด นัน แต มานะ เน แอ ก็ ไอ มี กึด มอก นัน เตาะ มานะ เน แอ กึด เลือง ครำ แอ ก็ ไอ มี กึด มอก อัห เตาะ กำนา แอ กึด เลือง เยซู แอ ก็ กึด เค็ย นำ เป็น ครำ พาลือ แต มานะ เน แอ เคาใจ เค็ย นำ ไอ แมน ครำ พาลือ เตาะ
ทาเน แอ ก็ เม็จจึด แลว เค็ย เอาซาง ตัดซิน งาน แอ มด จู ล็อง มอก นัน นอ แอ เกงใจ อัง เอาซาง ก็ เลาะ แอ ปัง แญง นำ ก็ เลาะ เจ็นนัน แอ ก็ จวย ซับรวง อัหซอ เจือ เอาซาง ฮัก อิห เป็น ครำ จังนัก เอาซาง ก็ เม็จจึด อิห เลาะ แลว เจ็นนัน เอิญ ก็ กึด เค็ย แป เคาใจ เค็ย อิห ไอ มี แอง ซีวะ ลุห เคิบ แป
แลว อัห อู นอย แลว อัห ก็ ไล ลูกนอง ออ เริล จุ ซ็วน เยซู ครำ ปึง พะเจายูฮัว เฮโรด ก็ เริล เลิม อัห จุ ซ็วน เยซู คือเน “อาจาน อิห เม็จ แลว มัห เป็น ครำ เลาะ ครำ ซือ ซีเละ มัห จ็อก เลาะ จ็อก ซือ ตลอด มัห ไล แญง เอาซาง แคระ ตลอด เอาซาง ไล มัห แอง ซีวะ มัห ก็ ไล เลาะ ไล ซือ ตลอด ครำ จังนัก มัห ก็ ไล มด อัห เป็น ซะ แกะ ซะ แย็ด มัห ก็ ไล มด ไอ มี เลือก ล็อง เตาะ
ကြော်ငြာတွေ