มาระโก 10:43 - Prai Bible43 แต ซำรับ ปึง แป เน อำ แอง คือนัน ดาย กัน แป ซีรอก ระ อัห นับทือ ออ แป ก็ ต็อง ฮับไจ อัห ดาย အခန်းကိုကြည့်ပါ။ |
มาระโก 10:43
15 ပူးပေါင်းရင်းမြစ်များ
นำ ก็ ไล ลูกนอง ออ คือเน “ล็อง นเดย ตี ท็อม นัง ออ ลด ญอม เป็น เปือน ควัน แย็ด ล็อง เน ไอ มี เซ็ห อัง ควัน แย็ด ล็อง เน ญอน นำ ทือ เอิญ ก็ มอก อัห เป็น เปือน เอิญ ก็ มอก อัห ไอ มี เซ็ห อัง เอิญ อัห ก็ ซำ เป็น เปือน เอา ล็อง นัน ตี ไล เอิญ โตะ ตัก โลก เน เอิญ ไล แป นังเลาะ นะ ใน ปึง แป เน เอา นเดย ตี ญอม ท็อม นัง ออ ไอ มี ทือ นัง ออ เอา นัน ก็ เป็น ซะ แกะ ทีซุด บัดนะ วัล” เยซู อัง
ครอ อำ นเจ็น เอิด จาง ตัก อัห ดาย อำ นเจ็น เอิด จาง ตัก ซังคม ใน โลก เน อำ ระ อัห ซับรวง แอ แอง มอก อัห เตาะ แต ครอ ระ แอ ญอม ระ เอาซาง เปียน กำกึด เปียน ใจ แอ ซัง เลาะ กัน แอ กิว ระ เอาซาง เปียน กำกึด ออ ตลอด แอ ก็ กิว เม็จจึด ใจ นำ เลาะ ซีเละ แอ ก็ เม็จจึด ซะ ตี นำ ซอบ ซะ ตี นำ กึด เค็ย เลาะ แต เลาะ วา นัน แอ ก็ เม็จจึด มด
เยซู ก็ ไล ปีลาด คือเน “ตี เอิญ เป็น พะเจายูฮัว เน ก็ ไอ แมน เอิญ ปกคอง โลก เน เตาะ กัน เอิญ เป็น พะเจายูฮัว ปกคอง ตัก โลก เน ลูกนอง เอิญ ก็ ซู แป ดาย อัห ก็ ซู เคิบ ซะ แกะ ครำ ยิว ไอ มี ระ อัห เญ็บ เอิญ ไอ มี ระ อัห มอบ เอิญ อน ตัก แป เตาะ นังเลาะ นะ เอิญ ไอ แมน พะเจายูฮัว ปกคอง โลก เน เตาะ” เยซู อัง
เจ็นนัน เยซู ก็ ไล อัห ตอ วัล “เอิญ ไล แป นังเลาะ นะ ดาย เปียะ ล็อง เน เอาซาง ไอ มี ทือ ลุห ครำ เก็บ พาซี ญาม นำ วัล เจิง ออ เอาซาง ก็ เค็ย นำ เลาะ อุ เคิบ เอาซาง แลว ไอ แมน ครำ ฟาริซี นัน เตาะ เอา นเดย ตัก อวด นัง ออ เอาซาง ก็ เค็ย ไอ มี เลาะ เตาะ แต เอา นเดย ตี ไอ มี อวด นัง ออ เอาซาง ก็ เค็ย เอา นัน เลาะ วัล” เยซู ไล อัห จังเน
ကြော်ငြာတွေ