มาระโก 1:13 - Prai Bible

¹³ นำ อุ ตัก นัน ซีซิบ งิ แลว ‍ ปรอง คึด ก็ โตะ จุ ซุย นำ ‍ นำ ก็ อุ เคิบ ปึง ซัด นโจ ‍ ปึง เทวาดา ก็ โตะ จวย รักซา ดอม นำ

มาระโก 1:13 ပူးပေါင်းရင်းမြစ်များ

อิซราเอล ญาย 24:18

โมเซด ก็ อุ ตัก ญวัง ทึห นัน ซีซิบ งิ ซีซิบ แจ็ล

อิซราเอล ญาย 34:28

โมเซด ก็ อุ เลิม เคิบ เยโฮวา ตัก ญวัง นัน ซีซิบ งิ ซีซิบ แจ็ล ‍ นำ ไอ มี กุญ ป็อง จะ ไอ มี กุญ ออก ซีวะ เตาะ ‍ เอาซาง ก็ เคียน แญง ซันญา คอง ออ ซิห ตัก เกียง เปียะ แพ็น นัน ‍ แญง ซันญา นัน ก็ เป็น กด ซิบ คอ คอง เอาซาง นัน

มัดทิว 26:53

อำ กึด เค็ย ต็อง เอิด แร็ง ครำ จวย เอิญ ดาย ‍ กัน เอิญ ต็องกาน ครำ จวย ออ ‍ เอิญ ครอ เอา ออ จวย ก็ กุญ ‍ เอา เอิญ ไล ปึง เทวาดา โตะ จวย เอิญ เป็น มืน เป็น แซน ก็ กุญ ‍

มัดทิว 4:1

เจ็นนัน ซีมาล เอาซาง ก็ ซับรวง เยซู เริล ตัก ตี แลง ‍ ระ ปรอง ซาตาน จุ ซุย เยซู ‍

ลูกา 4:1

ทาเน เยซู ก็ มี ซีมาล เอาซาง อุ เลิม เคิบ นำ ‍ อน แร็ง ตัก นำ ‍ ซีมาล เอาซาง ก็ ซับรวง นำ เริล อุ ตัก ตี แลง ‍ นำ ก็ ทอก เจ็น นอก จอแดน เริล ตัก ตี แลง งคม ‍ ตัก ตี แลง นัน ไอ มี ครำ อุ เตาะ ‍

1 ทิโมที 3:16

เลือง นังเลาะ คอง เอาซาง ตี นำ ระ แอ เม็จ ‍ ตี นำ ระ แอ เจือ เน ‍ ก็ เป็น เลือง เลาะ เลือง แลม ‍ เป็น เลือง ซำคัน ซีเละ ‍ เป็น เลือง แปลก ซีเละ ‍ แอ กึด เลือง เน ‍ แอ ก็ งึด ซีเละ ‍ ไอ มี อีเอ จางรู เทียง เตาะ ‍ เลือง เอาซาง ก็ มอก เน ดาย เอาซาง เป็น เล็ห ครำ ‍ ระ แอ เม็จ นัง ซีมาล เอาซาง ระ แอ เม็จจึด เค็ย ‍ นำ กิว เป็น เอาซาง นังเลาะ อัห ก็ ไล เลือง นำ อน ตัก ครำ จู กรอก ปึง เทวาดา ก็ เม็จ นำ ครำ ใน โลก ก็ เจือใจ นำ เอาซาง เอิด นำ ก็อห เริล ฮับ เกียด ตัก ซะวัน นทึห เลือง เอาซาง ก็ มอก เน นอ

ฮีบรู 4:15

เยซู เป็น มอ เอาซาง จ็อง คอง แอ เน นอ ‍ นำ เคาใจ แอ เลาะ ‍ นำ ตึ อัง แอ ‍ แอ แมด ตัก นเดย ‍ นำ ก็ เม็จจึด ใจ แอ มด ทาเน กัน มี ซะ ลอง ใจ แอ ก็ ครอ ระ แอ กึด เลือง เยซู ดาย ‍ เพาะวา เกย มี ซะ ลอง ใจ นำ มด จู มบลึ มอก แอ เน แลว ‍ แต นำ ไอ มี แอง ลุห ‍