มัดทิว 9:28 - Prai Bible

²⁸ ทาเน เยซู ก็ กุด ควังใน เจิง ‍ ปาม ก็ กุด และ เยซู ตัก เจิง ตี เยซู พัก อุ นัน ‍ โตะ ควังใน เจิง แลว ‍ เยซู ก็ ซ็วน ปาม ‍ “ปา เจือ อัน ‍ เค็ย เอิญ เน แอง ระ ปา ตาด มัด วัล กุญ ‍ ปา เจือ เค็ย เอิญ แอง กุญ อัน” เยซู ซ็วน ปาม ฮุนนัน “เออะ อาจาน ‍ เยอะ เจือ ซีเละ” ปาม อัง ‍

มัดทิว 9:28 ပူးပေါင်းရင်းမြစ်များ

มัดทิว 13:1

มี งิ เดียว นัน เยซู ก็ ทอก เจ็น เจิง ‍ นำ เริล คุด อุ ตัก เปล นอก ทะเล ‍

มัดทิว 13:36

แลว เยซู ไล ปึง พซาซน มอก นัน แลว ‍ นำ ก็ พระ อัห อุ ตัก บัดซะ ‍ นำ ก็ กุด ควังใน เจิง ‍ นำ กุด เจิง แลว ‍ ปึง ลูกนอง นำ ก็ ซ็วน นำ คือเน “เอ ‍ เลือง แญ็น ปลัด ตัก ซวน นัน ซีแล็ม เค็ย ซีวะ บ็อห ‍ ครอ ระ มัห ไล อน ตัก อิห ‍ ระ อิห เคาใจ เลาะๆ ดาย” อัห อัง

มัดทิว 13:58

ครำ งวัล นำ นัน ‍ อัห ไอ มี ปอ เจือ นำ เตาะ ‍ นำ ก็ ไอ มี ปอ แอง ซะ แปลก ตัก งวัล ออ ดก ปานเดย เตาะ ‍ ยอน 4:44

มัดทิว 8:14

แลว เยซู เล็ห ตัก คาเปอนาอุม แลว ‍ นำ ก็ โตะ เจิง เปโตร ‍ นำ ก็ เม็จ เมเทา เปโตร อวย โซะ อุ ‍ แร็ง เป็น คัด นำ ซีเละ ‍

มัดทิว 8:2

แลว ก็ มี อัหคล็อง มี ล็อง นะ เป็น คีเฮือน ‍ นำ โตะ และ เยซู ‍ นำ โตะ กราบ ไว เยซู ‍ “งกีจ็อง เฮย ‍ ครอ เคิบ มัห จวย เอิญ ดาย ‍ มัห แอง ระ เอิญ งาล คีเฮือน เน กุญ มด ‍ กัน มัห ญอม แอง อน เอิญ ‍ คีเฮือน เน ก็ งาล แอ็ม มด” ล็อง นะ อัง

มัดทิว 9:22

เยซู ก็ ลด มบิด มัด ดอม นำ ‍ เยซู ก็ ไล นำ คือเน “เลาะใจ อุ นทึห เตาะ ดาย ควัน ‍ มัห งาล ญอน มัห เจือ เอิญ นัน” เยซู อัง ‍ อัหเม ล็อง นะ ก็ ลด เลาะ เล็ห

มัดทิว 9:27

แลว เยซู จวย อัหเม ล็อง นัน รีด เล็ห แลว ‍ นำ ก็ ทอก เริล ออ ‍ เจ็นนัน ก็ มี ครำ บอด มัด เปียะ ล็อง เคริบ เยซู เริล ‍ ปาม ก็ งกรอ เยซู จวย ออ ‍ ปาม งกรอ แร็งๆ คือเน “ควัน งา พะเจายูฮัว ดาวิด เฮย ‍ ครอ ตึ อัง เยอะ ดาย” ปาม อัง ‍

มัดทิว 9:29

เจ็นนัน เยซู ก็ คอบ ซิห มัด ปาม ‍ นำ ก็ ไล ปาม คือเน “ปา เจือ เอิญ เน ปา ก็ ลด ตาด มัด” เยซู อัง ‍

ยอน 11:26

จู ล็อง ตี รีด อุ ‍ ตี เจือ เอิญ ‍ อัห ก็ ไอ มี งิ เปิล เตาะ ‍ มัห เจือ ฮุนเน อัน” เยซู อัง

ยอน 11:40

เยซู ก็ ไล มาทา คือเน “เคิน เอิญ ก็ ไล มัห แลว เค็ย ‍ กัน มัห เจือ ‍ มัห ก็ เม็จ แร็ง เม็จ อำนาด คอง เอาซาง ‍ เอิญ ไล มัห จังนะ แลว นอ” เยซู อัง ‍