มัดทิว 9:22 - Prai Bible

²² เยซู ก็ ลด มบิด มัด ดอม นำ ‍ เยซู ก็ ไล นำ คือเน “เลาะใจ อุ นทึห เตาะ ดาย ควัน ‍ มัห งาล ญอน มัห เจือ เอิญ นัน” เยซู อัง ‍ อัหเม ล็อง นะ ก็ ลด เลาะ เล็ห

มัดทิว 9:22 ပူးပေါင်းရင်းမြစ်များ

มัดทิว 15:28

เยซู ก็ ซวัล นำ คือเน “ควน เฮย ‍ มัห เน เจือ เอาซาง ซีเละ นอ ‍ ตี มัห ครอ เอิญ จวย ออ เน ‍ เอิญ ก็ จวย มัห แลว ดาย” เยซู อัง ‍ ท็อบ เยซู ไล อัหเม ล็อง นัน จังนะ ‍ ควัน อัหเม ล็อง นัน ก็ ลด เลาะ เล็ห ญาม นัน ลด

มัดทิว 17:18

เจ็นนัน อัห ก็ ซับ ควัน บาว ล็อง นะ ตัก เยซู ‍ เยซู ก็ มบรึห ปรอง ทอก เจ็น ล็อง นะ ‍ แลว เย็ห ทอก ปัด ออ แลว ‍ ควัน บาว ล็อง นะ ก็ ลด เลาะ เล็ห

มัดทิว 8:13

แลว เยซู ไล อัห แลว ‍ นำ ก็ ไล นายรอย ฮุนเน “มัห วัล เจิง นทึห เตาะ ดาย ‍ มัห เจือ เอิญ มอก นัน แลว ‍ ลูกนอง มัห ก็ เลาะ เล็ห แลว ดาย” เยซู อัง ‍ ท็อบ เยซู ไล ฮุนนะ ‍ ลูกนอง นายรอย ก็ ลด งาล โซะ ลด เลาะ เล็ห

มัดทิว 9:2

เจ็นนัน ก็ มี ครำ มี ปึง นะ ‍ อัห งโกง ซับ ครำ อำมาพาด มี ล็อง ระ เยซู รักซา ‍ อัห งโกง ซับ นำ มด ตึง มเบิน ตี นำ อวย ออ นัน ‍ เยซู เม็จ อัห ซับ ล็อง นะ ระ ออ รักซา ‍ นำ ก็ เคาใจ เค็ย อัห กิว เจือ ออ ซีเละ ‍ เยซู ก็ ไล ครำ อำมาพาด นัน คือเน “เลาะใจ นทึห เตาะ ควัน ‍ เอิญ ญ็อก แอ็ม ตี ลุห มัห แลว ‍ เอิญ ไอ มี ทือ ลุห มัห เตาะ” เยซู อัง

มัดทิว 9:29

เจ็นนัน เยซู ก็ คอบ ซิห มัด ปาม ‍ นำ ก็ ไล ปาม คือเน “ปา เจือ เอิญ เน ปา ก็ ลด ตาด มัด” เยซู อัง ‍

มาระโก 10:52

เยซู ก็ ไล นำ “เริล เลาะๆ ดาย ‍ มัห เจือ ‍ มัห ก็ งาล บอด มัด” เยซู อัง ‍ เอา นัน ก็ ลด ดอม ซะ ตาด มด ‍ นำ ลด เริล เคิบ เยซู

มาระโก 5:34

เยซู ก็ ไล นำ ฮุนเน “ควัน เฮย ‍ มัห งาล โซะ ก็ ญอน มัห เจือ นัน ‍ มัห งาล โรก นทึห เตาะ ‍ มัห เริล เลาะๆ ดาย” เยซู อัง

ลูกา 17:19

เจ็นนัน เยซู ก็ ลด ไล เอา ล็อง นัน ร็อห ‍ “มัห วัล ออ ดาย ‍ ตี มัห เลาะ เล็ห เน ก็ ญอน มัห เจือ ฮัก” เยซู อัง

ลูกา 18:42

เยซู ก็ ไล นำ คือเน “ตาด มัด นทึห เตาะ ‍ มัห งาล บอด มัด ก็ ญอน มัห เจือ ดาย” เยซู อัง ‍

ลูกา 7:50

ทาเน เยซู ก็ ไล อัหเม นัน คือเน “มัห ปน แอ็ม เจ็น ลุห ญอน มัห เจือ เอาซาง ฮัก ดาย ‍ มัห เริล เลาะๆ ดาย” เยซู อัง ‍

ลูกา 8:48

เยซู เม็จ นำ กิว เจือ ออ ซีเละ นัน ‍ เยซู ก็ ไล นำ คือเน “ควัน เฮย ‍ มัห เลาะ เล็ห เน ก็ ญอน มัห เจือ ดาย ‍ มัห เริล เลาะๆ นทึห เตาะ” เยซู ไล นำ ฮุนนะ

ยอน 4:53

เจานาย ล็อง นะ ก็ ลด เคาใจ เค็ย ‍ งิ เซ็น บาย โมง ‍ เยซู เค็ย ควัน นำ เลาะ เล็ห ‍ นำ เคาใจ จังนะ แลว ‍ นำ ก็ ลด เจือ เยซู ‍ ครำ ใน เจิง นำ นัน ก็ เลอะ เจือ เยซู มด จู ล็อง ‍

ตัวแทน 16:18

ดก งิ นำ แอง จังนัน อุ ‍ เปาโล ก็ อด ไอ มี กุญ เตาะ ‍ เปาโล ก็ มบิด มัด ไล ปรอง ตี กุด อัหเม นัน คือเน “เอิญ เอิด แร็ง เอิด อำนาด คอง เยซู คริด ไล มัห ปัด แอ็ม เจ็น อัหเม ล็อง เน” เปาโล อัง ‍ ปรอง ก็ ลด ทอก แอ็ม ปัด เจ็น อัหเม ล็อง นัน ลด

ฮีบรู 4:2

แอ ต็อง เจิม นัง ออ เลาะๆ ดาย ‍ เลือง คาว เลาะ ตี แอ กุญ มโบละ อุ เคิบ เอาซาง นัน ‍ แอ ก็ เม็จ แลว มอก ครำ ตัก อิง นัน ‍ อัห เม็จ แลว อัห ก็ ไอ มี เจือ ‍ อัห ก็ ไอ มี กุญ ปะโยด ซีวะ ‍ แอ มานะ เน แอ เม็จ คาว เลาะ นัน แลว ‍ กัน แอ ไอ มี เจือ ‍ แอ ก็ ไอ มี กุญ ปะโยด มอก อัห นัน ‍