มัดทิว 8:27 - Prai Bible

²⁷ ปึง ลูกนอง เม็จ เยซู แอง จังนัน ‍ อัห ก็ ญ็อก งึด ญ็อก เงอ อุ ‍ อัห ก็ จ็อก คือเน “บา ‍ ล็อง เน นำ เป็น ซีเอ นังเลาะ บ็อห ‍ คนาด นอก เคิบ งกริม ก็ ญัง ปัง แญง นำ มด” อัห อัง

มัดทิว 8:27 ပူးပေါင်းရင်းမြစ်များ

มัดทิว 14:33

ลูกนอง เยซู ตี อุ ใน เฮือ นัน ‍ อัห ก็ กราบ ไว เยซู ‍ อัห ก็ ไล เยซู คือเน “ฮีเอิห ‍ มัห เป็น ควัน เอาซาง ซีเละ นอ” อัห อัง

มัดทิว 15:31

ทาเน ปึง พซาซน ก็ ญ็อก งึด อัง เยซู ‍ อัห งึด ตี นำ จวย อัห กุญ มด ‍ ครำ ตี ไอ มี จางรู จ็อก ‍ อัห ก็ จ็อก กุญ ‍ ครำ แว็ล ลา แว็ล นดัก ก็ เลาะ เล็ห วัล ‍ ครำ ตี ไอ มี เป็น นจาง ‍ อัห ก็ นจาง เริล กุญ ‍ ครำ บอด มัด อัห ก็ ดอม เม็จ มด ‍ อัห จู ล็อง ก็ เลอะ ลือ เอาซาง งกีจ็อง คอง ครำ อิซราเอล นัน

มัดทิว 8:10

เยซู เม็จ นายรอย จ็อก มอก นัน ‍ นำ ก็ งึด ซีเละ ‍ เยซู ก็ ไล ปึง นัน ตี เริล เคิบ เยซู นัน ฮุนเน “บา นอ ‍ เอิญ เริล ทัว ปะเทด อิซราเอล แอ เน ‍ เอิญ ไอ มี เกย เม็จ อีเอ แก็นใจ เจือ มอก ล็อง เน ‍ นำ ไอ แมน ครำ อิซราเอล แอ เน ดุห ‍

มัดทิว 8:26

เยซู เม็จ อัห ไล ออ จังนะ ‍ นำ ก็ ซ็วน อัห ‍ “เอ ‍ ซีวะ แร็ง นเจิก แป จังเน ‍ ซีวะ แป ไอ มี ปอ เจือ เอิญ” นำ อัง ‍ เจ็นนัน เยซู ก็ ร็อห ญ็อง ‍ นำ ก็ โป งกริม โป นอก ‍ งกริม ก็ เค็ด งาล ‍ นอก ก็ เค็ด อุ งเกิน ‍

มัดทิว 8:28

เจ็นนัน อัห ก็ ต็อก เฮือ เล็ห พาโนน ‍ เคิง นัน เป็น เคด กาดารา ‍ เยซู ก็ จูล เจ็น เฮือ ‍ ทาเน ก็ มี ครำ เปียะ ล็อง ทอก โตะ เจ็น พาเฮ็ว โตะ เม็จ เยซู ‍ เปียะ ล็อง นะ ปรอง กุด ปาม ‍ ปาม ดุ ซีเละ ‍ ไอ มี ซีเอ ฮาน เริล พานัน เตาะ ‍ แร็ง นเจิก อัห อัง ปาม ‍

มาระโก 1:27

ครำ ตี เม็จ อัห ก็ ญ็อก งึด อัง เยซู มด ‍ อัห ก็ ซ็วน นอย ฮุนเน “เป็น แญง แมะ ซีวะ จังนะ บ็อห ‍ นำ มี ริด มี อำนาด ซีเละ ‍ นำ ไล ปรอง ปัด ‍ เย็ห ก็ ปัง แญง นำ” อัห อัง ‍

มาระโก 6:51

นำ ก็ เริล และ อัห ตัก เฮือ ‍ งกริม ก็ ลด เค็ด งาล แอ็ม ‍

มาระโก 7:37

ปึง นัน ก็ เลอะ งึด อัง เยซู ‍ อัห ก็ จ็อก เคิบ นอย คือเน “นำ แอง ซะ เลาะ มด นอ ‍ ครำ เกลิบ นโทล นำ ก็ แอง ระ ปัง แญง กุญ ‍ ครำ งาว ‍ นำ ก็ แอง ระ จ็อก กุญ” อัห อัง