มัดทิว 6:24 - Prai Bible24 “เลือง ฮับไจ อัห แอ ก็ ต็อง กึด เลาะๆ ดาย กัน แอ ฮับไจ เอาซาง แอ ลบ วัล เอิด ใจ ซิห ซะ ซอ เลิม ก็ ไอ มี กุญ เตาะ มเบิด ก็ มอก เน กัน แอ มี เอาเลียง เปียะ ล็อง แอ ฮับไจ ปาม เปียะ ล็อง นัน เลิม นอย ก็ ไอ มี กุญ แอ เลือก ทือ มี ล็อง เซ็ห อัง มี ล็อง แอ เลือก ปัง มี ล็อง ไอ มี ปัง มี ล็อง กัน แอ มี เอาเลียง เปียะ ล็อง ก็ มอก นัน เลือง ฮับไจ เอาซาง ก็ เมือนนอย แอ ทือ เอาซาง เป็น นาย แอ แลว แอ ลบ วัล ทือ เงิน เป็น นาย คอง ออ ก็ ไอ มี กุญ ดาย แอ ต็อง เลือก เอิด มี มบลึ เป็น เลือง ซำคัน ทีซุด အခန်းကိုကြည့်ပါ။ |
มัดทิว 6:24
20 ပူးပေါင်းရင်းမြစ်များ
กัน เอาซาง ระ แอ มี ซะ ตัก โลก เน จับ แอ เอิด ซะ นัน แอง ไอ มี เลาะ ไอ มี ซือ เคิบ เอาซาง บัดนะ ญาม แอ เริล อุ ตัก เจิง เอาซาง แลว เอาซาง ก็ ไอ มี มอบ ซะ เลาะ ระ แอ ฮับพิดซอบ เตาะ ซะ เลาะ คอง เอาซาง นัน ก็ เลาะ ซีเละ กุม อิง จำ นเดย จำ กวา แต กัน แอ แอง ไอ มี ซือ เคิบ เอาซาง มานะ เน แอ ก็ ไอ มี จบ กุญ ซะ เลาะ นัน เป็น คอง ออ เตาะ
ไอ มี ลูกนอง ล็อง นเดย ตี มี เอาเลียง เลิม นอย เปียะ ล็อง ไอ มี จบ กุญ เตาะ ดาย กัน นำ มี เอาเลียง เปียะ ล็อง นำ ก็ ไอ มี เม็จจึด ปัง ล็อง นเดย นำ ต็อง รัก มี ล็อง เซ็ห อัง มี ล็อง วัล นำ ทือ มี ล็อง ลบ วัล ดูทูก มี ล็อง วัล ทาเน ครำ ตี ทือ เอาซาง ก็ มอก นะ กัน แอ ทือ เงิน เป็น เลือง ซำคัน ทีซุด แอ ก็ ฮับไจ เอาซาง เลาะ ไอ มี กุญ เตาะ ซีวะ ซำคัน ทีซุด ซำรับ แอ แอ ต็อง เลือก เอิด มี ยาง ดาย” เยซู ไล อัห จังนะ
เลือง คาว เลาะ ตี เอิญ ไล แป เน ครอ ระ แป ปัง เลาะๆ ดาย เอิญ ไอ มี ไล แป เพือ ระ ครำ มัก เอิญ พาลือ ดาย เอิญ ไอ มี ซนใจ ระ อัห อวด เอิญ ปอใจ อัง เอิญ เตาะ ตี เอิญ จ็อก เคิบ แป เน เป็น กำกึด เอาซาง ฮัก เอิญ ซีรอก ระ เอาซาง ปอใจ อัง เอิญ ฮัก กัน เอิญ จ็อก ระ ครำ พาลือ ปอใจ อัง เอิญ เอิญ ก็ ไอ แมน ลูกนอง เยซู คริด เตาะ แต เอิญ เน เป็น ลูกนอง เยซู คริด เอิญ ต็อง แอง มอก เอาซาง ปอใจ ฮัก ครอ ระ แป ปัง เลือง เน เลาะๆ ดาย
ญอน เอาซาง เลาะ มอก นัน มัห ก็ ต็อง ไล ครำ ฮัง อำ ทือ นัง ออ อำ เปิง เงิน เตาะ อำ กึด เค็ย มี เงิน แลว ซะบาย อุ มี เงิน แลว ไอ มี จำเป็น เปิง เอาซาง อำ กึด จังนัน เตาะ อำ เปิง ซะ ใน โลก เน ตี ไอ มี กุม อิง เตาะ แอ ต็อง เปิง เอาซาง ฮัก ซัง เลาะ แอ มี ซีวะ ใน โลก เน ก็ เป็น ตัก เอาซาง อน ตัก แอ ฮัก เป็น ตัก นำ ใจ ดัว ซิห แอ ฮัก นำ อน ตัก แอ ระ แอ เลาะใจ อุ แอ ต็อง เปิง นำ ฮัก ซัง เลาะ
ကြော်ငြာတွေ