มัดทิว 5:1 - Prai Bible

¹ แทะ นัน วัล ‍ เยซู เม็จ ดก ครำ โตะ และ ออ ‍ นำ ก็ ลด ก็อห ล็อห นทึห คุด อุ ตัก นัน ‍ ลูกนอง นำ ก็ โตะ และ นำ ตัก นัน ‍

มัดทิว 5:1 ပူးပေါင်းရင်းမြစ်များ

มาระโก 3:13

แทะ นัน วัล เยซู ก็อห เริล ตัก ซะร็อห ทึห ‍ นำ มพอล เอิด ครำ ตี นำ ซีรอก ระ เป็น ลูกนอง ออ ‍ อัห ก็ โตะ และ นำ ‍

มัดทิว 15:29

เจ็นนัน เยซู ก็ ทอก เริล เจ็น ตี นัน ‍ นำ ลบ วัล โตะ ตัก นอก ทะเล กาลิลี วัล ‍ นำ ก็ ก็อห เริล ตัก ญวัง ‍ นำ ก็ คุด อุ ตัก นัน ‍

มาระโก 4:1

มี มี ลบ นัน ‍ เยซู เริล นเจ็น อัห ตัก เปล นอก ทะเล กาลิลี วัล ‍ ปึง พซาซน ก็ รูบ โตะ แกวด นำ ปิ มด ‍ นำ ก็ ลด คุด ตัก เฮือ ตี อุ ตัก เปล นอก นัน ซอน อัห ‍ ปึง พซาซน ก็ ปัง นำ อุ ตัก ซะร็อห ‍

มาระโก 3:20

ทาเน อัห โตะ เจิง แลว ‍ ก็ มี ปึง พซาซน ดก ล็อง รูบ โตะ และ เยซู วัล ‍ เยซู เคิบ ลูกนอง ก็ ไอ มี รวง ป็อง จะ เตาะ ‍

มัดทิว 4:25

นำ เริล พานเดย ก็ มี ครำ เคริบ นำ เริล ยาง ดก ‍ ครำ กาลิลี ‍ ครำ ทดบุรี ‍ ครำ เมือง เยรูซาเล็ม ‍ ครำ จังวัด ยูเดีย ‍ ครำ ตี อุ คาม นอก จอแดน พาโนน ก็ โตะ มด ‍ ครำ มู เน อัห ก็ เคริบ เยซู เริล

มัดทิว 13:2

เจ็นนัน ก็ โตะ ปึง พซาซน ดก ซีเละ ‍ แร็ง อัห แดก นำ ‍ นำ ก็ เริล ต็อก เฮือ ตี จอด อุ ติๆ นัน ‍ นำ ต็อม คุด อุ ตัก เฮือ ไล แญง เอาซาง ตัก อัห ‍ ปึง พซาซน ก็ ญ็อง ปัง นำ อุ ตัก เปล นอก นัน ‍ ลูกา 5:1-3

มัดทิว 5:2

เจ็นนัน นำ ก็ นเจ็น อัห ‍ นำ ไล อัห ฮุนเน

ลูกา 6:12

งิ แทะ นัน วัล ‍ เยซู เคิบ ลูกนอง ก็ ก็อห เริล ตัก ญวัง ทึห ‍ เยซู ก็ ครอ วอน เคิบ เอาซาง มด แจ็ล นัน ‍

ลูกา 6:17

เจ็นนัน เยซู เคิบ ลูกนอง ออ ซิบซอง ล็อง นัน ‍ ก็ จูล เจ็น ญวัง โตะ ญ็อง อุ ตัก ลงลุก มี ตี นัน ‍ ปึง ลูกนอง ซอ เคิบ ปึง พซาซน ดก ล็อง เพา เยซู อุ ตัก ลงลุก นัน ‍ ปึง เน อัห โตะ เจ็น จังวัด ยูเดีย ‍ โตะ เจ็น เมือง เยรูซาเล็ม ‍ โตะ เจ็น เมือง ไทระ เคิบ เมือง ไซดอน ‍ ตัก อุ เปล นอก ทะเล เมดิเตอ เซอะ นัน ‍ อัห โตะ ปัง เยซู ‍ อัห ก็ โตะ ระ เยซู จวย รักซา ออ ‍

ลูกา 6:20

ทาเน เยซู ก็ ที ดอม ปึง ลูกนอง คอง ออ วัล ‍ นำ ก็ ไล ลูกนอง ออ ฮุนเน “แป ตัก ตุก ญาก อุ มานะ เน ‍ บัดนะ นโดน แป ก็ เลาะใจ อุ วัล ‍ เพาะวา แป กุญ ปกคอง เลิม เคิบ เอาซาง บัดนะ นโดน

ลูกา 9:28

อุ เจ็นนัน วัล ปะมาน แปด งิ เน ‍ เยซู ก็ มพอล เอิด เปโตร ยอน ยากอบ ‍ นำ มพอล อัห เริล ครอ วอน เอาซาง ตัก ญวัง ทึห ‍

ยอน 6:15

เยซู เม็จ อัห อง คนาบ ออ เป็น พะเจายูฮัว คอง อัห นัน ‍ นำ ก็ ลบ วัล เริล อุ ตัก ซะร็อห ทึห มี ล็อง ฮัก