มัดทิว 26:42 - Prai Bible

⁴² เจ็นนัน เยซู ก็ เริล ครอ วอน เอาซาง มี ลบ วัล “เอา เฮย ‍ กัน เอิญ ต็อง อด เอิด ซะ เน มด จู มบลึ นังเลาะ ‍ ก็ ครอ ระ มัห แอง ตาม ใจ ออ ฮัก ดาย เอา” เยซู อัง ‍

มัดทิว 26:42 ပူးပေါင်းရင်းမြစ်များ

มัดทิว 20:22

เยซู ก็ ไล ยอน เคิบ ยากอบ คือเน “ตี ปา โตะ ซ็วน ฮุนเน ‍ ปา ไอ มี กิว เคาใจ ซีวะ นอ ‍ ปา อด ตุก อด ญาก ‍ ปา อด โซะ ตี เอิญ ต็อง อด เอิด นัน ‍ ปา แอง กุญ อัน ‍ โป แญง มเบิด ก็ มอก เอิญ ต็อง ออก ตัก จอก มี จอก นะ ‍ ปา พอม ออก เลิม เคิบ เอิญ อัน” เยซู อัง ‍ ปาม ก็ เค็ย “เออะ ‍ กุญ กา” ปาม อัง

มัดทิว 26:39

เจ็นนัน นำ ก็ เริล ตีดต็อง วัล ‍ นำ ก็ ลด ญุล คุด ‍ คุบ มัด อุ ตัก ซิก ‍ ครอ วอน เอาซาง คือเน “ครอ เตาะ เอา เฮย ‍ ครอ อำ ระ เอิญ โซะ มอก เน ‍ ทอระมาน ดก มอก เน ดาย ‍ กัน เอิญ ปน กุญ ‍ ก็ ครอ ระ เอิญ ปน แอ็ม เจ็น ตุก ญาก เน ดาย ‍ แต อำ แอง ตาม ใจ เอิญ เตาะ ‍ ครอ ระ มัห แอง ตาม ใจ ออ ฮัก” นำ อัง

มัดทิว 26:43

เจ็นนัน นำ ก็ วัล โตะ และ ลูกนอง มี ลบ วัล ‍ นำ ก็ เม็จ อัห อวย อุ มอก เครม วัล ‍ อัห แร็ง เจ็ม มัด ซีเละ

มัดทิว 6:10

ครอ ระ มัห โตะ เป็น พะเจายูฮัว ปกคอง โลก เน เวิดๆ ดาย ‍ ครอ ระ อิห ตี อุ ตัก โลก แพนซิก นเซ็บ เน ‍ แอง ตาม ใจ มัห ‍ มอก อัห ตี อุ ตัก วาง นทึห แอง ตาม ใจ มัห อุ แลว

มาระโก 14:36

นำ ก็ ครอ วอน เอาซาง วัล ‍ “อับบา เอา เฮย ‍ มัห แอง จู มบลึ ก็ กุญ ‍ ครอ อำ มัห ระ เอิญ ต็อง โซะ ต็อง เปิล ‍ แต อำ แอง ตาม ใจ เอิญ ดาย ‍ ครอ ระ มัห แอง ตาม ใจ ออ ฮัก” เยซู อัง

ลูกา 22:42

นำ ครอ คือเน “เอา เฮย ‍ กัน มัห ปอใจ ก็ ครอ ระ มัห จวย เอิญ ปน แอ็ม เจ็น ทอระมาน เน ดาย ‍ แต ครอ ระ มัห แอง ตาม ใจ ออ ฮัก ‍ อำ แอง ตาม ใจ เอิญ เตาะ” นำ อัง ‍

ยอน 6:38

เอิญ จูล เล็ห เจ็น ซะวัน ตัก ทึห ‍ ก็ เอิญ โตะ แอง จู มบลึ มอก เอา เอิญ ไล ‍ เอิญ ไอ มี โตะ แอง ตาม กำกึด ออ เตาะ ‍ เอิญ โตะ แอง ตาม แพนกาน ตี เอา เอิญ กึด ไล เอิญ แอง ฮัก

ฮีบรู 4:15

เยซู เป็น มอ เอาซาง จ็อง คอง แอ เน นอ ‍ นำ เคาใจ แอ เลาะ ‍ นำ ตึ อัง แอ ‍ แอ แมด ตัก นเดย ‍ นำ ก็ เม็จจึด ใจ แอ มด ทาเน กัน มี ซะ ลอง ใจ แอ ก็ ครอ ระ แอ กึด เลือง เยซู ดาย ‍ เพาะวา เกย มี ซะ ลอง ใจ นำ มด จู มบลึ มอก แอ เน แลว ‍ แต นำ ไอ มี แอง ลุห ‍