มัดทิว 26:25 - Prai Bible

²⁵ ทาเน ยูดาด ตี ฮักลัง เยซู นัน ‍ นำ ก็ ซ็วน เยซู คือเน “อาจาน ‍ ไอ แมน เอิญ ก้า” นำ อัง ‍ “ก็ มัห นัน เต็ห” เยซู อัง

มัดทิว 26:25 ပူးပေါင်းရင်းမြစ်များ

มัดทิว 26:64

เยซู ก็ ซวัล นำ คือเน “ก็ มอก มัห เค็ย นะ ‍ แต เอิญ ไล แป จู ล็อง จู นัง คือเน ดาย ‍ เอิญ ตี เอาซาง ระ เกิด เป็น ครำ เน ‍ บัดนะ นโดน แป ก็ เม็จ เอิญ คุด อุ ตัก เพียห เลาะ คอง เอาซาง ตี มี แร็ง ดก นัน ‍ แป ก็ เม็จ เอิญ โตะ เลิม เคิบ บด เจ็น วาง ทึห นัน” เยซู อัง ‍ ดาเนียน 7:13

มัดทิว 27:11

ทาเน เยซู ก็ ญ็อง อุ เคิบ มัด ปีลาด นัน ‍ ปีลาด ก็ ซอบซวน เยซู ‍ นำ ซ็วน เยซู จังเน “มัห เป็น พะเจายูฮัว ครำ ยิว ซีเละ อัน” นำ อัง ‍ “เออะ ‍ มอก มัห เค็ย นะ” เยซู อัง ‍

ยอน 18:37

ปีลาด ก็ ซ็วน เยซู คือเน วัล “มัห เป็น พะเจายูฮัว นังเลาะ แมน อัน” ปีลาด อัง ‍ เยซู ก็ ซวัล ปีลาด คือเน “มัห เค็ย เอิญ เป็น พะเจายูฮัว ก็ แคระ แลว ‍ แต ตี เอิญ โตะ ตัก โลก เน ‍ ตี เอิญ เกิด เป็น ครำ เน ‍ ก็ เอิญ โตะ เพือ ไล เลือง นังเลาะ อน ตัก ครำ ใน โลก เน ปัง ‍ จู ล็อง ตี ซีรอก เม็จจึด เลือง นังเลาะ นัน ‍ อัห ก็ ปัง แญง เอิญ” เยซู อัง ‍

ลูกา 22:70

อัห ก็ รูบ ซ็วน นำ วัล ‍ “มัห กิว เป็น ควัน เอาซาง นังเลาะ อัน” อัห อัง ‍ นำ ก็ ซวัล อัห เค็ย “แป เค็ย นะ ก็ แคระ แลว” นำ อัง ‍

มัดทิว 26:49

ทาเน ปึง นัน ก็ ติ โตะ ตัก เยซู ‍ ยูดาด ก็ เริล และ เยซู ‍ โตะ ตัก เยซู แลว ‍ นำ ก็ ไล เยซู ฮุนเน “อาจาน ‍ ครอ ระ มัห อุ เลาะ อุ ซุก นทึห เตาะ ดาย” นำ อัง ‍ นำ ก็ ลด จูบ ซิห คาง เยซู นัน ‍

มัดทิว 23:7

กัน อัห เริล กาด ‍ อัห ก็ มัก ระ อัหซอ ทือ ออ ‍ อน เกียด ตัก ออ ‍ อัห มัก ระ อัหซอ มพึ ออ ตัก อาจาน ‍

มัดทิว 23:8

แต ซำรับ แป เน อำ ซนใจ เกียด ออ เตาะ ‍ อำ มพึ นอย ตัก อาจาน เตาะ ‍ แป เป็น ควน นไจ นอย มด ‍ แป มี เกียด เตา นอย มด ‍ แป มี อาจาน มี ล็อง เดียว ‍

มัดทิว 26:14

เจ็นนัน ก็ มี ลูกนอง เยซู มี ล็อง ตัก ปึง ซิบซอง ล็อง นัน ‍ ซือ นำ ตัก ยูดาด อิซคารีโอด ‍ นำ ก็ เริล และ ปึง มอ เอาซาง แกะ ‍

ยอน 4:31

ญาม อัหเม ล็อง นัน เริล ไล ครำ ตัก งวัล นัน ‍ ปึง ลูกนอง เยซู ก็ วาง มพอล เยซู ป็อง จะ ‍ แต เยซู ‍ นำ ก็ ไอ มี งเคาะ ป็อง เตาะ ‍