มัดทิว 24:43 - Prai Bible43 ดอม ตัวยาง ตัก งกี เจิง กัน งกี เจิง เม็จจึด โจน โตะ ลอด ซะ ตัก เจิง ออ แซะ โมง ซีเละ นำ ก็ ปัง นึง ปัง นาง อุ นำ ไอ มี ระ โจน โตะ กุด เอิด ซะ ตัก เจิง ออ เตาะ အခန်းကိုကြည့်ပါ။ |
มัดทิว 24:43
18 ပူးပေါင်းရင်းမြစ်များ
เอิญ ไล แป นังเลาะ นะ กัน มี โจน โตะ ปุน เอิด ซะ เอิด วะ ตัก เจิง มี ลัง นะ จับ งกี เจิง นะ เม็จจึด โจน โตะ ปุน เอิด ซะ ตัก เจิง ออ งกี เจิง ก็ ต็อง เตียม นัง ออ ระ พอม อุ ตลอด ไอ มี ระ โจน ปุน เอิด ซะ ซีวะ ตัก เจิง ออ เตาะ แป ก็ เมือนนอย แป ต็อง ปัง นึง ปัง นาง อุ ตลอด ต็อง เตียม พอม อุ ตลอด ดาย เพาะวา เอิญ ตี เอาซาง ระ เกิด เป็น ครำ เน เอิญ โตะ งิ นเดย ญาม นเดย แป ก็ ไอ มี เม็จจึด เตาะ แป ไอ มี เม็จจึด เวลา เอิญ โตะ แป ก็ ต็อง ปัง นึง ปัง นาง อุ ตลอด ดาย” เยซู ไล อัห จังนะ
ทาเน ญาม ปรอง แพะ นัง นัน กวา โละ มพอล เอิด ปึง พะเจายูฮัว นัน งกีจ็อง ก็ ไล ครำ ทัว โลก คือเน “แป ปัง นึง เลาะๆ เนอ ญาม เอิญ โตะ และ แป เอิญ ก็ ลอด โตะ ไอ มี ซีเอ กึด เค็ย เอิญ โตะ ญาม นัน เอิญ ลอด โตะ มอก ครำ จาง ลอด ครำ ตี ปัง นึง ปัง นาง อุ อัห ก็ เตียม คัว ออ ระ อน ระ มี คัว แซ็ด ระ ไอ มี กราญ มัด มอก อัหซอ ตี ไอ มี คัว แซ็ด ญาม เอิญ โตะ นัน” งกีจ็อง ไล คือนะ
เจ็นเน ก็ ครอ ระ แป แก็นใจ เจือ เอิญ มอก แป ล็อน เจือ ตัก อิง นัน ตี แป ปัง ตี แป เจือ ตัก อิง นัน ก็ แคระ อุ แลว ครอ ระ แป เอิด ใจ แมะ ลด แก็นใจ เจือ เอิญ มอก ตัก อิง นัน กัน แป ไอ มี กิว เปียน ใจ ออ เจือ เอิญ มอก เครม วัล เอิญ ก็ โตะ ลงโทด แป ดาย เอิญ โตะ มอก ครำ จาง ลอด เอิญ โตะ ญาม นเดย แป ก็ ไอ มี เม็จจึด เตาะ
ကြော်ငြာတွေ