มัดทิว 21:15 - Prai Bible

¹⁵ เยซู แอง ซะ เลาะ ซีเละ ตัก วิฮาน เอาซาง นัน ‍ ปึง ควัน แย็ด ตี อุ ตัก เด็นเตะ วิฮาน นัน ‍ อัห ก็ ลือ เยซู แร็ง นเซิง ซีเละ ‍ อัห ลือ เยซู คือเน “ครอ ลือ ควัน งา ดาวิด เนอ” อัห อัง ‍ ทาเน ปึง มอ เอาซาง แกะ เคิบ ปึง อาจาน ไล กด เอาซาง ‍ อัห เม็จ เยซู แอง เลาะ ‍ อัห เม็จ ควัน แย็ด ลือ เยซู ‍ อัห ก็ ไอ มี เลาะใจ เตาะ ‍ อัห อ็อด ซีเละ

มัดทิว 21:15 ပူးပေါင်းရင်းမြစ်များ

มัดทิว 21:9

ดก ครำ ซีเละ ‍ อัห เริล วาล มัด นำ ก็ มี ‍ เริล แทะ ลอล นำ ก็ มี ‍ อัห ก็ เลอะ งกรอ แร็งๆ เริล คือเน ‍ “ครอ ลือ ล็อง เน ตี เป็น ควันงา ดาวิด ดาย ‍ ครอ ระ เอาซาง แอง เลาะๆ ซิห ล็อง เน เนอ ‍ ครอ ลือ เอาซาง ตี แกะ ทีซุด ‍ ล็อง เน เอาซาง ระ นำ โตะ แตน ออ ‍ เอาซาง ระ นำ โตะ จวย แอ” อัห อัง ‍ เยซู ก็ ต็อก ลา นัน เริล เมือง เยรูซาเล็ม ติกๆ ‍ เพลง เอาซาง 118:25-26

ยอน 12:19

ปึง ฟาริซี เม็จ อัห เริล และ เยซู ทึดๆ ฮุนนัน ‍ อัห ก็ ไอ มี เลาะใจ เตาะ ‍ อัห ก็ ไล นอย คือเน “ดอม กา ‍ แอ กาน อัง นำ มด แลว ‍ ครำ ตัก โลก เน อัห ก็ เลอะ เริล เคิบ นำ แลว” อัห อัง

ยอน 11:57

ปึง มอ เอาซาง แกะ เคิบ ปึง ฟาริซี เพีย ไล อัห วาล แลว เค็ย ‍ กัน ซีเอ เม็จ เยซู อุ ตัก นเดย ก็ โตะ ไล ปึง ฟาริซี เวิดๆ ‍ ระ ปึง ฟาริซี นัน กุญ เญ็บ เยซู

ยอน 7:42

นังซือ เอาซาง ก็ ไล แอ ซัด แลว เค็ย ‍ ครำ ตี เป็น เมซียา ตี เอาซาง ซันญา โตะ นัน ‍ นำ ต็อง โตะ เจ็น กรอก พะเจายูฮัว ดาวิด ‍ นำ ต็อง เกิด ตัก งวัล เบ็ดเลเฮ็ม ตัก เป็น งวัล เกิด คอง ดาวิด นัน ‍ ไอ แมน ครำ จังวัด กาลิลี ซัง” อัห อัง ‍

ยอน 4:1

ทาเน เยซู ก็ กุญ ลูกนอง ออ ดก กวา ยอน วัล ‍ นำ จุบ อัห ตัก นอก ดก กวา ยอน วัล ‍ แต นังเลาะ แลว ‍ ไอ แมน เยซู จุบ อัห ตัก นอก ‍ ลูกนอง นำ จุบ อัห ตัก นอก ฮัก ‍ ทาเน ปึง ฟาริซี อัห ก็ เม็จ คาว เค็ย เยซู กุญ ลูกนอง ออ ดก ‍ ญาม เยซู เม็จจึด ปึง ฟาริซี เม็จ คาว เลือง นัง ออ แลว ‍

ลูกา 22:66

ปัห ซะ ตัก งกร็อห ‍ ปึง ซะพา ครำ ยิว ‍ ปึง มอ เอาซาง แกะ ‍ เคิบ ปึง อาจาน ซอน กด เอาซาง ‍ อัห ก็ โตะ พซุม นอย มด ‍ อัห ก็ ซับ เยซู ตัก ตี พซุม นัน ‍

ลูกา 22:2

ทาเน ปึง มอ เอาซาง แกะ เคิบ ปึง อาจาน ตี ไล กด โมเซด นัน ‍ อัห วาง และ รวง มเบิล เยซู ‍ แต อัห นเจิก อัง ปึง พซาซน ‍ เพาะวา ญาม นัน แร็ง ดก โตะ ครำ ซะลอง งิ ตี เอาซาง เว็น เจิง อัห นัน ‍ ดก ครำ ซีเละ ‍ พซาซน ไล ดก อัห มัก เยซู ‍ แต ปึง ซะ แกะ นัน อัห ก็ ซีรอก ลอด มเบิล เยซู ‍ ระ พซาซน ไอ มี เม็จ

ลูกา 20:1

มี มี งิ นัน วัล ‍ เยซู ก็ นเจ็น ปึง พซาซน อุ ตัก วิฮาน นัน ‍ นำ ก็ ไล คาว เลาะ เลือง เอาซาง อน อัห ปัง ‍ ทาเน ก็ โตะ ปึง มอ เอาซาง แกะ ‍ โตะ ปึง อาจาน ครำ ยิว ‍ โตะ ปึง ซะ แกะ ครำ ยิว ‍ อัห โตะ และ เยซู ‍

มาระโก 11:18

ทาเน ปึง มอ เอาซาง แกะ ‍ เคิบ ปึง อาจาน ครำ ยิว เม็จ เยซู จ็อก คือนัน ‍ อัห ก็ และ รวง มเบิล แอ็ม นำ ‍ เป็น ตัก อัห นเจิก อัง นำ ‍ เพาะวา ปึง พซาซน เลอะ งึด อัง แญง ตี เยซู ไล อัห ตลอด ‍

มัดทิว 27:20

ทาเน ปีลาด ก็ กึด เลือง แญง ตี ยัห นำ ฟาก ไล นำ นัน ‍ แต ปึง ซะ แกะ เคิบ ปึง มอ เอาซาง แกะ นัน ‍ อัห นเจิก ปีลาด ปลอย เยซู ‍ อัห ก็ เฮง ซุย พซาซน ‍ ระ อัห ครอ ปีลาด ปลอย บาราบัด ฮัก ‍ อัห ไล พซาซน ครอ ระ ปีลาด มเบิล แอ็ม เยซู ‍ ปึง พซาซน ก็ ปัง แญง ปึง ซะ แกะ นัน

มัดทิว 27:1

ทาเน ปัห ซะ แลว ‍ ปึง ซะ แกะ ครำ อิซราเอล จู ล็อง เคิบ ปึง มอ เอาซาง แกะ มด นัน ‍ อัห ก็ วาง แพน มเบิล เยซู ‍

มัดทิว 26:59

ทาเน ปึง มอ เอาซาง แกะ เคิบ ปึง ซะมาซิก ซะพา ครำ ยิว มด นัน ‍ อัห ก็ และ ครำ คีอู โตะ พอง เยซู ‍ โตด เยซู แอง ลุห ‍ ระ อัห กุญ มเบิล แอ็ม นำ ‍

มัดทิว 26:3

ญาม นัน ก็ มี ปึง มอ เอาซาง แกะ เคิบ ปึง ซะ แกะ ซอ ดก ล็อง วัล ‍ อัห ก็ พซุม นอย ตัก เจิง คายาฟัด ‍ คายาฟัด เน นำ เป็น มอ เอาซาง จ็อง ‍ เจิง นำ จ็อง ลัง ซีเละ ‍ อัห ก็ พซุม นอย ตัก นัน ‍

มัดทิว 22:42

“เอ ‍ แป กึด จังนัก เลือง เมซียา ตี เอาซาง ซันญา โตะ จวย ครำ นัน ‍ นำ เป็น ควัน งา อีเอ นังเลาะ บ็อห” เยซู อัง ‍ อัห ก็ ซวัล เยซู คือเน “นำ เป็น ควัน งา ดาวิด” อัห อัง

มัดทิว 21:23

เจ็นนัน วัล เยซู ก็ เริล ตัก วิฮาน เอาซาง วัล ‍ นำ ก็ ไล แญง เอาซาง อน ตัก พซาซน ตัก นัน ‍ ญาม นำ จ็อก อุ นัน ก็ โตะ ปึง มอ เอาซาง แกะ เคิบ ซะ แกะ เมือง เยรูซาเล็ม นัน ‍ อัห โตะ ซ็วน เยซู คือเน ‍ “ซีเอ ไล มัห แอง จังเน ‍ ซีเอ ระ มัห มี ซิด แอง บ็อห” อัห อัง ‍

มัดทิว 9:27

แลว เยซู จวย อัหเม ล็อง นัน รีด เล็ห แลว ‍ นำ ก็ ทอก เริล ออ ‍ เจ็นนัน ก็ มี ครำ บอด มัด เปียะ ล็อง เคริบ เยซู เริล ‍ ปาม ก็ งกรอ เยซู จวย ออ ‍ ปาม งกรอ แร็งๆ คือเน “ควัน งา พะเจายูฮัว ดาวิด เฮย ‍ ครอ ตึ อัง เยอะ ดาย” ปาม อัง ‍

มัดทิว 20:24

ญาม ปึง ลูกนอง ซิบ ล็อง นัน ‍ เม็จ เม ยอน เคิบ ยากอบ โตะ ซ็วน เยซู จังนัน ‍ อัห ก็ อ็อด อัง ปาม ซีเละ ‍