มัดทิว 20:22 - Prai Bible

²² เยซู ก็ ไล ยอน เคิบ ยากอบ คือเน “ตี ปา โตะ ซ็วน ฮุนเน ‍ ปา ไอ มี กิว เคาใจ ซีวะ นอ ‍ ปา อด ตุก อด ญาก ‍ ปา อด โซะ ตี เอิญ ต็อง อด เอิด นัน ‍ ปา แอง กุญ อัน ‍ โป แญง มเบิด ก็ มอก เอิญ ต็อง ออก ตัก จอก มี จอก นะ ‍ ปา พอม ออก เลิม เคิบ เอิญ อัน” เยซู อัง ‍ ปาม ก็ เค็ย “เออะ ‍ กุญ กา” ปาม อัง

มัดทิว 20:22 ပူးပေါင်းရင်းမြစ်များ

มัดทิว 26:35

แต เปโตร ก็ เทียง เยซู ฮุนเน “ไอ ดาย ‍ เอิญ ไอ มี มแบล มัห มอก มัห เค็ย นัน เตาะ ‍ กัน มัห เปิล ‍ เอิญ ก็ ญอม เปิล เลิม เคิบ มัห เน ‍ เอิญ ไอ มี มแบล เค็ย ไอ มี เม็จจึด มัห” เปโตร อัง ‍ ปึง ลูกนอง นำ มด จู ล็อง ‍ อัห ก็ เค็ย ไอ มี พระ นำ มอก เปโตร นัน

มัดทิว 26:39

เจ็นนัน นำ ก็ เริล ตีดต็อง วัล ‍ นำ ก็ ลด ญุล คุด ‍ คุบ มัด อุ ตัก ซิก ‍ ครอ วอน เอาซาง คือเน “ครอ เตาะ เอา เฮย ‍ ครอ อำ ระ เอิญ โซะ มอก เน ‍ ทอระมาน ดก มอก เน ดาย ‍ กัน เอิญ ปน กุญ ‍ ก็ ครอ ระ เอิญ ปน แอ็ม เจ็น ตุก ญาก เน ดาย ‍ แต อำ แอง ตาม ใจ เอิญ เตาะ ‍ ครอ ระ มัห แอง ตาม ใจ ออ ฮัก” นำ อัง

มัดทิว 26:42

เจ็นนัน เยซู ก็ เริล ครอ วอน เอาซาง มี ลบ วัล “เอา เฮย ‍ กัน เอิญ ต็อง อด เอิด ซะ เน มด จู มบลึ นังเลาะ ‍ ก็ ครอ ระ มัห แอง ตาม ใจ ออ ฮัก ดาย เอา” เยซู อัง ‍

มัดทิว 26:56

จู มบลึ ตี แป แอง เน ก็ เพือ ระ เป็น เล็ห มอก นังซือ เอาซาง ไล อน ซีเละ” เยซู อัง ‍ เยซู ไล อัห มอก นัน แลว ‍ ลูกนอง เยซู ก็ ปัด พระ แอ็ม เยซู มด จู ล็อง ‍ ลูกา 19:47, 21:37

มาระโก 14:36

นำ ก็ ครอ วอน เอาซาง วัล ‍ “อับบา เอา เฮย ‍ มัห แอง จู มบลึ ก็ กุญ ‍ ครอ อำ มัห ระ เอิญ ต็อง โซะ ต็อง เปิล ‍ แต อำ แอง ตาม ใจ เอิญ ดาย ‍ ครอ ระ มัห แอง ตาม ใจ ออ ฮัก” เยซู อัง

ลูกา 12:50

ซำรับ มานะ เน ‍ เอิญ จึห ใจ เซียใจ ซีเละ ‍ เอิญ มี เลือง ญาก ตี ต็อง อด เอิด ‍ ญาก ซีเละ ‍ แต จังนักๆ เอิญ ก็ ต็อง แอง ระ แลว แอ็ม

ลูกา 22:42

นำ ครอ คือเน “เอา เฮย ‍ กัน มัห ปอใจ ก็ ครอ ระ มัห จวย เอิญ ปน แอ็ม เจ็น ทอระมาน เน ดาย ‍ แต ครอ ระ มัห แอง ตาม ใจ ออ ฮัก ‍ อำ แอง ตาม ใจ เอิญ เตาะ” นำ อัง ‍

ยอน 18:11

เยซู ก็ ไล เปโตร เอิด ดาบ ซิห ตัก พัก ‍ “มัห เอิด ดาบ ซิห ตัก พัก ดาย ‍ ตี เอิญ ต็อง โซะ เน ก็ มอก ออก ตัก จอก ตี เอา เอิญ อน เอิญ ออก  ‍ เอิญ ก็ ต็อง ออก ดาย” เยซู อัง

โรม 8:26

มานะ เน แอ ควะ ตุก ญาก ลำบาก อุ ใน โลก เน นอ ‍ แอ ก็ เป็น ครำ แมด ‍ แอ ครอ วอน เอาซาง ‍ แอ ก็ ไอ มี เม็จจึด ครอ จังนัก ซัง เลาะ ‍ แต ซีมาล เอาซาง จวย แอ ดก ดาย ‍ นำ วาง ครอ วอน เอาซาง เพือ แอ ตลอด ‍ นำ วาง ครอ ก็ ไอ มี เล็ห เป็น แญง จ็อก เตาะ ‍

ยากอบ 4:3

แกด ลบ แป ซ็วน ตัก เอาซาง แลว ‍ แต ไอ มี กุญ ‍ ก็ ญอน แป โซะ กุญ เพือ แอง ตาม ใจ เครม ออ นัน