24 คะนาด นัง อูด จ็อง นัง นอ มพุง งาด ตีดต็อง แต เอิด นัง อูด ซูด ซิห ตัก มพุง งาด นัน ก็ งาย กวา ครำ ฮัง โตะ และ เอาซาง วัล ครำ ฮัง เน อัห โตะ และ เอาซาง ก็ ญาก ซีเละ” เยซู อัง
ปึง ลูกนอง เม็จ นำ ไล จังนะ อัห ก็ งึด ซีเละ อัห ก็ ซ็วน นำ คือเน “กัน ครำ ฮัง โตะ และ เอาซาง ญาก มอก นัน ก็ ซัง อีเอ ปน แอ็ม เจ็น ลุห กุญ บ็อห” อัห อัง
เยซู ก็ ที ดอม ลูกนอง ออ นำ ลด ไล อัห คือเน “ครำ แอ เน จวย นัง ออ ปน เจ็น ลุห จวย นัง ออ เป็น ครำ เอาซาง ก็ ไอ มี กุญ เตาะ แต เอาซาง จวย กุญ นำ แอง ซีวะ ก็ กุญ มด” เยซู อัง
ซะ แย็ดๆ แป เอิด ใจ ซิห เลาะ ซะ ซำคัน แป วัล ไอ มี ซนใจ โป แญง มเบิด ก็ มอก เน แป ออก แป ก็ กลอง ยาง เลาะ ไอ มี ระ มี มเพ็ญ ซัก มี นัง แต แป วัล คลืด อูด มี นัง จ็อง แป เน ครำ บอด มัด ซับรวง ครำ บอด มัด ซีเละ
อูด กุด มพุง งาด ก็ ซำ งาย กวา ครำ ฮัง กุด ซะวัน วัล” เยซู อัง
เยซู ก็ ซวัล นำ คือเน “เอิญ ไล มัห นังเลาะ นะ กัน เอา นเดย ไอ มี เกิด แมะ มี ลบ วัล นำ ก็ ไอ มี กุญ เป็น ครำ เอาซาง ไอ มี กุญ เม็จ เอาซาง ปกคอง ออ” เยซู อัง
เยซู ก็ ซวัล นำ คือเน “ไอ แมน เกิด ตัก มพุล เอา มพุล เม ซัง เอิญ ไล มัห นังเลาะ นะ กัน เอา นเดย ไอ มี เกิด ตัก ออก ไอ มี เกิด ตัก ซีมาล เอาซาง เอา นัน ก็ ไอ มี กุญ เป็น ครำ เอาซาง อัห ระ เอาซาง ปกคอง ออ ไอ มี กุญ เตาะ
แป ไอ มี เจือ เอิญ ก็ เพาะวา แป ซนใจ ระ อัหซอ อน เกียด ตัก ออ ฮัก แต เกียด ตี เอาซาง อน ตัก แป นัน แป ไอ มี ซนใจ เตาะ เอาซาง เป็น งกีจ็อง มี ล็อง เดียว นัน นำ อน เกียด ตัก แป แต แป ไอ มี ซนใจ เกียด นำ เตาะ เป็น เลือง เนๆ ตี แป ไอ มี ญอม เจือ เอิญ