มัดทิว 15:31 - Prai Bible

³¹ ทาเน ปึง พซาซน ก็ ญ็อก งึด อัง เยซู ‍ อัห งึด ตี นำ จวย อัห กุญ มด ‍ ครำ ตี ไอ มี จางรู จ็อก ‍ อัห ก็ จ็อก กุญ ‍ ครำ แว็ล ลา แว็ล นดัก ก็ เลาะ เล็ห วัล ‍ ครำ ตี ไอ มี เป็น นจาง ‍ อัห ก็ นจาง เริล กุญ ‍ ครำ บอด มัด อัห ก็ ดอม เม็จ มด ‍ อัห จู ล็อง ก็ เลอะ ลือ เอาซาง งกีจ็อง คอง ครำ อิซราเอล นัน

มัดทิว 15:31 ပူးပေါင်းရင်းမြစ်များ

เกาตีนา 32:28

เทวาดา ก็ ไล ยาโคบ ฮุนเน “มัห ซู เคิบ ครำ ก็ แร็ง ‍ มัห ซู เคิบ งกีจ็อง วัล ก็ แร็ง ‍ มัห แร็ง ซีเละ ‍ เจ็นเน เอิญ ก็ เปียน ซือ มัห ดาย ‍ ซือ มัห ก็ ไอ แมน ยาโคบ วัล เตาะ ‍ ซือ มัห ตัก อิซราเอล ฮัก” เทวาดา อัง

อิซราเอล ญาย 24:10

โตะ ทึห แลว ‍ อัห ก็ เม็จ เอาซาง ตัก เป็น งกี ครำ อิซราเอล นัน ‍ ตัก ปืน เจ็ง นำ ลัห เซ็บ ก็ ไซ มอก ไพลิน ‍ แลว ก็ ไซ มอก วาง ทึห นัน ‍

มัดทิว 15:30

เจ็นนัน ก็ มี ครำ ดก ซีเละ โตะ และ นำ ‍ อัห ซับ ครำ โซะ ดก ล็อง ระ เยซู รักซา ‍ ครำ เปิกเดิด เริล ก็ มี ‍ ครำ บอด มัด ก็ มี ‍ ครำ แว็ล ก็ มี ‍ ครำ ไอ มี เป็น จ็อก ก็ มี ‍ ครำ โซะ ซะเน ซะนัน ก็ มี มด ‍ ดก ซีเละ ‍ อัห ซับ ครำ โซะ นัน อวย เคิง มัด เยซู นัน ‍ เยซู ก็ รักซา อัห ระ เลาะ เล็ห มด จู ล็อง

มัดทิว 18:8

เจ็นนัน กัน ที กัน เจ็ง ซับรวง แป แอง ลุห ‍ แป ก็ โค็ห กวาง แอ็ม นทึห เตาะ ‍ กัน แอ คาด เจ็ง มี เพียห ‍ คาด ที มี เพียห ‍ แต กุญ รีด อุ เคิบ เอาซาง จำ นเดย จำ กวา ‍ ก็ เลาะ กวา มี ที มี เจ็ง เปียะ เพียห ‍ แต เปิล คลิห งกุก โอด ‍ โอด นัน ก็ ไอ มี จางรู มเพิด ‍

มัดทิว 21:14

แลว เยซู มบรึห อัห แลว ‍ ก็ มี ครำ บอด มัด ‍ มี ครำ แว็ล โตะ และ เยซู ตัก วิฮาน นัน ‍ นำ ก็ รักซา อัห ระ งาล มด ‍

มัดทิว 8:10

เยซู เม็จ นายรอย จ็อก มอก นัน ‍ นำ ก็ งึด ซีเละ ‍ เยซู ก็ ไล ปึง นัน ตี เริล เคิบ เยซู นัน ฮุนเน “บา นอ ‍ เอิญ เริล ทัว ปะเทด อิซราเอล แอ เน ‍ เอิญ ไอ มี เกย เม็จ อีเอ แก็นใจ เจือ มอก ล็อง เน ‍ นำ ไอ แมน ครำ อิซราเอล แอ เน ดุห ‍

มัดทิว 9:32

แลว เยซู จวย ครำ บอด มัด นัน แลว ‍ อัห ก็ ซับ ครำ ปรอง กุด มี ล็อง ระ เยซู จวย นำ ‍ เอา ล็อง นะ ปรอง แอง ระ นำ จ็อก ไอ มี กุญ ‍

มัดทิว 9:33

เยซู ก็ มบรึห ปรอง ทอก แอ็ม ‍ เอา นัน ก็ ลด จ็อก กุญ ‍ ปึง ครำ ดก ตี ดอม อุ นัน ‍ อัห เม็จ ล็อง นัน จ็อก กุญ ‍ อัห ก็ ญ็อก งึด ญ็อก เงอ ‍ อัห ก็ ไล นอย คือเน “ตัก ปะเทด อิซราเอล แอ เน ‍ แอ ไอ มี เกย เม็จ เลือง มอก เน นอ” อัห อัง ‍

มัดทิว 9:8

ปึง อัห เม็จ เยซู จวย ล็อง นัน ‍ อัห ก็ เลอะ นเจิก เลอะ งึด อัง เยซู มด ‍ อัห ก็ ลือ เอาซาง ตี นำ ระ ครำ มี แร็ง มี อำนาด แอง มอก นัน กุญ

มาระโก 2:12

ครำ แว็ล นัน ก็ ลด ซีนุก ร็อห เพล็ว มเบิน ‍ นจาง เริล เคิบ มัด อัห นัน ‍ ปึง อัหซอ เม็จ เยซู รักซา ล็อง นัน แลว ‍ อัห ก็ เลอะ งึด อัง เยซู มด ‍ อัห ก็ ลือ เอาซาง เค็ย ‍ “ไอ มี เกย เม็จ อีเอ แอง ฮุนเน ซัก มี ลบ” อัห อัง

มาระโก 7:37

ปึง นัน ก็ เลอะ งึด อัง เยซู ‍ อัห ก็ จ็อก เคิบ นอย คือเน “นำ แอง ซะ เลาะ มด นอ ‍ ครำ เกลิบ นโทล นำ ก็ แอง ระ ปัง แญง กุญ ‍ ครำ งาว ‍ นำ ก็ แอง ระ จ็อก กุญ” อัห อัง

มาระโก 9:43

ทาเน กัน ที คอง แป ซับรวง แป แอง ลุห ‍ ก็ แป โค็ห แอ็ม ที นทึห เตาะ ‍ กิด ที มี เพียห ‍ แต กุญ รีด อุ จำ นเดย จำ กวา ‍ ก็ เลาะ กวา มี ที เปียะ เพียห ‍ แต ต็อง คลิห ตัก งกุก โอด ตี ไอ มี จางรู มเพิด นัน  ‍

ลูกา 14:13

เจ็นเน ครอ ระ แป มพอล ครำ ตุก ครำ ญาก ‍ ครำ แว็ล นดัก แว็ล งกร็อง ‍ ครำ บอด มัด บอด มุห ฮัก ‍ แป มพอล ครำ มอก เน โตะ ป็อง เลียง เคิบ แป ซัง เลาะ ‍

ลูกา 14:21

ลูกนอง นัน เม็จ อัห ไอ มี เริล ซัก มี ล็อง ‍ นำ ก็ วัล โตะ เลามุน อน ตัก เอาเลียง ออ ปัง ‍ เอาเลียง นำ ก็ อ็อด แซ็ง ซีเละ ทาเน เอาเลียง นัน ‍ นำ ก็ ไล ลูกนอง ออ เริล มพอล ครำ ใน เมือง วัล ‍ ‘มัห ต็อง เริล มพอล อัห โตะ มด ‍ มัห เริล นเซอะ เริล งคม ‍ เริล และ อัห จู งวัล ‍ ครำ ตุก ครำ ญาก ‍ ครำ แว็ล นดัก แว็ล งกร็อง ‍ ครำ กอย ที กอย ลา ‍ ครำ บอด มัด บอด มุห ‍ มัห ก็ ต็อง มพอล มด ดาย ‍ ไอ มี เลือก ล็อง เตาะ ‍ มัห เจ็ย เริล เวิดๆ ดาย’ เอาเลียง นำ อัง ‍

ลูกา 18:43

มัด ล็อง นะ ก็ ลด เลาะ เล็ห ‍ นำ ดอม ซะ ก็ ตาด มด ‍ เม็จ ซะ มด ‍ นำ ก็ ลือ เอาซาง ‍ นำ ลด เคริบ เยซู เริล ‍ ปึง อัห ตี เม็จ มัด ล็อง นัน เลาะ เล็ห ‍ อัห ก็ อวด ลือ เอาซาง เมือนนอย

ลูกา 7:16

จู ล็อง ตี เม็จ เยซู แอง ระ ล็อง นัน รีด เล็ห วัล ‍ อัห ก็ เลอะ นเจิก มด ‍ อัห ก็ ลด อวด ลือ เอาซาง คือเน ‍ “มี ลาม เอาซาง ตี แกะ ทีซุด เกิด ตัก กรอก อิซราเอล แอ เน แลว ‍ เอาซาง โตะ จวย ครำ คอง ออ แลว” อัห อัง ‍

ยอน 9:24

เจ็นนัน อัห ก็ ลบ งกรอ ล็อง นะ โตะ จ็อก เคิบ ออ วัล ‍ อัห ไล นำ คือเน “กัน กิว เป็น ล็อง นัน จวย มัห นังเลาะ ‍ ก็ มัห ไล อิห ซือๆ ‍ มัห ต็อง ซาบาน ตัก มัด เอาซาง ฮัก ‍ เพาะวา อิห เม็จ แลว ‍ ล็อง นัน เป็น ครำ ลุห” อัห อัง ‍