มัดทิว 15:29 - Prai Bible

²⁹ เจ็นนัน เยซู ก็ ทอก เริล เจ็น ตี นัน ‍ นำ ลบ วัล โตะ ตัก นอก ทะเล กาลิลี วัล ‍ นำ ก็ ก็อห เริล ตัก ญวัง ‍ นำ ก็ คุด อุ ตัก นัน ‍

มัดทิว 15:29 ပူးပေါင်းရင်းမြစ်များ

มัดทิว 4:18

มี มี งิ นัน ‍ เยซู ก็ นจาง เริล ตัก เปล นอก ทะเล กาลิลี ‍ ญาม นำ นจาง เริล นัน ‍ นำ ก็ เม็จ ซีโมน เคิบ อันดรู ‍ ปาม เป็น ควน เคิบ นไจ ‍ ซีโมน เน นำ ก็ มี ซือ ตัก เปโตร วัล ‍ เยซู เม็จ ปาม ซัห เนิ๊ก อุ ‍ ปาม โละ คา เท็จ ‍

ยอน 6:1

แทะ นัน วัล บัก และ เล็ห งิ เทซกาน เปซา แลว ‍ เยซู ก็ คาม นอก ทะเล กาลิลี ตี อัห เค็ย ทะเล ทิเบเรียด นัน ‍ นำ คาม ทะเล นัน เริล พาโนน ‍ โตะ พาโนน แลว ‍ นำ ก็ ก็อห ญวัง ทึห ‍ นำ ก็ คุด อุ ตัก ญวัง นัน เลิม เคิบ ปึง ลูกนอง ออ ทาเน ก็ มี ปึง พซาซน ดก ล็อง เริล เคิบ นำ ‍ ตี อัห เริล เคิบ นำ นัน ก็ เป็น ตัก อัห เม็จ นำ แอง ซะ แปลก กุญ ‍ อัห เม็จ นำ จวย ครำ โซะ ระ เลาะ เล็ห กุญ ‍ อัห ก็ เคริบ นำ เริล

มัดทิว 5:1

แทะ นัน วัล ‍ เยซู เม็จ ดก ครำ โตะ และ ออ ‍ นำ ก็ ลด ก็อห ล็อห นทึห คุด อุ ตัก นัน ‍ ลูกนอง นำ ก็ โตะ และ นำ ตัก นัน ‍

ยอน 21:1

แทะ นัน วัล เยซู ก็ ลบ มแบละ นัง ออ ตัก อิห มี ลบ วัล ‍ นำ มแบละ นัง ออ ตัก อิห ตัก เป็น ลูกนอง นำ ‍ อิห เม็จ นำ ตัก นอก ทะเล กาลิลี  ‍

ยอน 6:23

อัห กึด เลือง นัน อุ ‍ ก็ พอดี มี อัหซอ ซับ เฮือ โตะ เจ็น เมือง ทีเบรีอัด ‍ เฮือ ลำ ซอ นัน ‍ โตะ จอด อุ ติๆ ตัก ตี เยซู เอิด คนมปัง เลียง ครำ ดก แทะ นำ คอบคุน เอาซาง นัน ‍

ลูกา 5:1

แทะ นัน วัล เยซู ก็ เริล จังวัด กาลิลี ‍ มี มี งิ นัน ‍ นำ ญ็อง นเจ็น พซาซน อุ ตัก เปล นอก ทะเล กาลิลี นัน ‍ ปึง พซาซน ก็ แดก นอย โตะ ปัง แญง เอาซาง ตัก นำ ‍

มาระโก 1:16

เจ็นนัน เยซู ก็ นจาง เริล ตาม เปล นอก ทะเล กาลิลี ‍ นำ เม็จ ครำ เปียะ ล็อง ตัก นัน ‍ ปาม มี อาซีบ โละ คา ‍ นไจ ซือ ตัก ซีโมน ‍ ควน นำ ซือ ตัก อันดรู ‍ ปาม กำลัง ลาก อวน อุ ตัก นอก ทะเล นัน ‍

มัดทิว 13:2

เจ็นนัน ก็ โตะ ปึง พซาซน ดก ซีเละ ‍ แร็ง อัห แดก นำ ‍ นำ ก็ เริล ต็อก เฮือ ตี จอด อุ ติๆ นัน ‍ นำ ต็อม คุด อุ ตัก เฮือ ไล แญง เอาซาง ตัก อัห ‍ ปึง พซาซน ก็ ญ็อง ปัง นำ อุ ตัก เปล นอก นัน ‍ ลูกา 5:1-3