มัดทิว 12:24 - Prai Bible

²⁴ ทาเน ปึง ฟาริซี อัห เม็จ คาว เยซู ‍ อัห เม็จ คาว นำ จวย ครำ ปรอง กุด นัน ระ เลาะ เล็ห ‍ อัห ก็ ดูทูก เยซู วัล ‍ อัห เค็ย นำ มบรึห ปรอง นัน กุญ ‍ ก็ ญอน ปรอง คึด อน แร็ง ตัก นำ ฮัก ‍ มัดทิว 9:34, 10:25

มัดทิว 12:24 ပူးပေါင်းရင်းမြစ်များ

มัดทิว 9:32

แลว เยซู จวย ครำ บอด มัด นัน แลว ‍ อัห ก็ ซับ ครำ ปรอง กุด มี ล็อง ระ เยซู จวย นำ ‍ เอา ล็อง นะ ปรอง แอง ระ นำ จ็อก ไอ มี กุญ ‍

มัดทิว 9:34

แต ปึง ฟาริซี ตี ไอ มี เจือ นำ ‍ อัห ก็ เค็ย “ปรอง จ็อง อน แร็ง ตัก นำ ฮัก ‍ ซัง นำ มบรึห ปรอง กุญ” อัห อัง

มาระโก 3:22

เจ็นนัน ก็ มี ปึง อาจาน ครำ ยิว โตะ เจ็น เมือง เยรูซาเล็ม ‍ อัห ก็ เซาะ นำ ‍ อัห เค็ย “ปรอง คึด กุด นำ ‍ ตี นำ มบรึห ปรอง ปัด กุญ ‍ ก็ เป็น ตัก นำ มี แร็ง ปรอง จ็อง จวย นำ” อัห อัง ‍

ลูกา 11:14

มี ลบ นัน ‍ มี อัหคล็อง มี ล็อง นะ ‍ ปรอง กุด นำ ‍ นำ ก็ ไอ มี เป็น จ็อก เตาะ ‍ เยซู ก็ มบรึห ปรอง ทอก ปัด เจ็น อัหคล็อง ล็อง นะ ‍ ปรอง ก็ ทอก แอ็ม เจ็น ล็อง นะ ‍ แลว ปรอง ทอก แอ็ม แลว ‍ เอา ล็อง นะ ก็ ลบ จ็อก กุญ วัล ‍ ปึง พซาซน เม็จ เยซู มบรึห ปรอง กุญ ‍ อัห ก็ ญ็อก งึด อัง เยซู มด ‍

ลูกา 11:15

แต แกด ล็อง อัห ก็ เซาะ เยซู ‍ อัห เค็ย ปรอง ซาตาน ตัก เป็น ฮัวนา ปรอง นัน อน แร็ง ตัก เยซู ‍ ระ นำ มบรึห ปรอง กุญ ‍ ไอ แมน แร็ง เอาซาง จวย นำ เตาะ ‍ อัห อัง