มัดทิว 12:14 - Prai Bible

¹⁴ ปึง ฟาริซี เม็จ ‍ อัห ก็ ไอ มี ปอใจ เตาะ ‍ อัห ก็ ทอก เริล ปึกซา นอย ‍ อัห ซ็วน นอย อัง จังนัก ซัง กุญ มเบิล แอ็ม เยซู นัน

มัดทิว 12:14 ပူးပေါင်းရင်းမြစ်များ

ยอน 11:53

(แลว เยซู จวย ระ ลาซารัด รีด เล็ห แลว ‍ ปึง ซะ แกะ ครำ ยิว ก็ ไอ มี ปอใจ เตาะ) ‍ เจ็น งิ นัน อัห ก็ ลด และ รวง มเบิล เยซู ลด ‍

ยอน 10:39

แลว เยซู ไล อัห จังนะ แลว ‍ อัห ก็ และ เญ็บ นำ วัล ‍ แต นำ ปัด เริล ออ ลด ปน แอ็ม ‍

ยอน 5:18

ปึง ซะ แกะ ยิว เม็จ เยซู เค็ย เอา ตัก เอาซาง ‍ อัห ก็ เฮง ซีรอก มเบิล แอ็ม นำ ‍ นำ จวย ครำ โซะ ตัก งิ มโบละ นัน ‍ อัห ก็ ซีรอก มเบิล นำ อุ แลว ‍ ตืม นำ วัล เค็ย เอา ตัก เอาซาง ‍ มอก นำ แอง นัง ออ เตา เคิบ เอาซาง วัล ‍ อัห ก็ เฮง ซีรอก มเบิล นำ จ็อง วัล

ลูกา 6:11

แต ปึง ฟาริซี เคิบ ปึง อาจาน ซอน กด โมเซด เม็จ เยซู รักซา ครำ กอย ที นัน ตัก งิ มโบละ ‍ อัห ก็ อ็อด อัง นำ วัล ‍ ไอ มี ปอใจ อัง เยซู เตาะ ‍ อัห ก็ ปึกซา นอย ‍ “แอ แอง จังนัก เคิบ นำ บ็อห” อัห อัง

มาระโก 3:6

ปึง ฟาริซี เม็จ เยซู แอง ฮุนนัน ‍ อัห ก็ ลด ทอก เริล ออ ‍ อัห เริล และ ปึง เฮโรด วัล ‍ อัห ก็ ปึกซา นอย วาง แพน มเบิล แอ็ม เยซู

มัดทิว 26:4

อัห ก็ อู นอย เลือง เญ็บ เยซู ‍ อัห เค็ย ต็อง เญ็บ เยซู มเบิล แอ็ม ‍

ยอน 11:57

ปึง มอ เอาซาง แกะ เคิบ ปึง ฟาริซี เพีย ไล อัห วาล แลว เค็ย ‍ กัน ซีเอ เม็จ เยซู อุ ตัก นเดย ก็ โตะ ไล ปึง ฟาริซี เวิดๆ ‍ ระ ปึง ฟาริซี นัน กุญ เญ็บ เยซู

มัดทิว 27:1

ทาเน ปัห ซะ แลว ‍ ปึง ซะ แกะ ครำ อิซราเอล จู ล็อง เคิบ ปึง มอ เอาซาง แกะ มด นัน ‍ อัห ก็ วาง แพน มเบิล เยซู ‍

มาระโก 14:1

ทาเน ควะ เปียะ งิ ก็ เล็ห งิ เทซกาน เปซา  ‍ เป็น งิ ตี อัห ป็อง คนมปัง ตัก ไอ มี ซิห เจือ ยีด ‍ ญาม นัน ปึง มอ เอาซาง แกะ เคิบ ปึง อาจาน ครำ ยิว ‍ อัห ก็ กึด และ รวง ลอด เญ็บ เยซู ‍ อัห ซีรอก มเบิล แอ็ม นำ ‍

ลูกา 22:2

ทาเน ปึง มอ เอาซาง แกะ เคิบ ปึง อาจาน ตี ไล กด โมเซด นัน ‍ อัห วาง และ รวง มเบิล เยซู ‍ แต อัห นเจิก อัง ปึง พซาซน ‍ เพาะวา ญาม นัน แร็ง ดก โตะ ครำ ซะลอง งิ ตี เอาซาง เว็น เจิง อัห นัน ‍ ดก ครำ ซีเละ ‍ พซาซน ไล ดก อัห มัก เยซู ‍ แต ปึง ซะ แกะ นัน อัห ก็ ซีรอก ลอด มเบิล เยซู ‍ ระ พซาซน ไอ มี เม็จ

ยอน 7:30

ญาม ปึง ซะ แกะ เม็จ เยซู จ็อก ฮุนนัน ‍ อัห ก็ ไอ มี เลาะใจ เตาะ ‍ อัห ก็ และ รวง เญ็บ นำ ‍ แต อัห เญ็บ นำ ไอ มี ตัน กุญ ‍ ไอ แมน เวลา คอง เอาซาง ‍ เอาซาง ไอ มี ระ อัห งเคาะ เญ็บ นำ ตัน

ยอน 7:32

พซาซน ซีตาม ไล นอย จังนัน ‍ ปึง ฟาริซี เคิบ ปึง มอ เอาซาง แกะ ก็ เม็จ ‍ อัห ก็ ไล ตำรวด โตะ เญ็บ เยซู ‍ ตำรวด เน เป็น ตำรวด ตี เพา ญาม วิฮาน เอาซาง ‍

ยอน 7:44

มี แกด ล็อง อัห ซีรอก เญ็บ เยซู ‍ แต ไอ มี ซีเอ ฮาน เญ็บ นำ เตาะ ‍ มีคา 5:2

ยอน 8:59

เยซู ไล อัห จังนะ ‍ อัห ก็ เอิด เกียง บัก และ นดืม นำ  ‍ แต นำ ไอ มี ระ อัห เม็จ นัง ออ ‍ นำ เริล แอ็ม เจ็น วิฮาน เอาซาง นัน

ยอน 10:31

อัห ปัง เยซู ไล ออ จังนะ แลว ‍ อัห ก็ เอิด เกียง บัก และ นดืม นำ ‍ ระ เปิล แอ็ม ‍ เปียะ ลบ ตึง เน ตี อัห บัก และ เอิด เกียง นดืม นำ ‍