มัดทิว 11:21 - Prai Bible21 เยซู ก็ โป อัห คือเน “ดอม เนอะ ครำ งวัล โคราซิน ครำ งวัล เบ็ดไซดา เฮย แป ต็อง ลำบาก ซีเละ บัดนะ เอาซาง ต็อง ลงโทด ซิห แป ซีเละ กึด เลือง เมือง ไทระ เคิบ เมือง ไซดอน นัน ดาย ครำ เมือง นัน ก็ ลุห เมือนนอย ดาย กัน เอิญ กุญ แอง ซะ แปลก ตัก เปียะ เมือง นัน มอก เอิญ แอง ตัก งวัล แป เน อัห ก็ ญอม แอ็ม ตัก เอาซาง อิง แลว อัห ก็ ญอม พระ แอ็ม ซะ ลุห ตี อัห แอง นัน แลว อัห ก็ เอิด กะซอบ แซ็ด อัห ก็ เอิด พุน กวัห ซัห ซิห ตัก กึ ออ ระ เอาซาง เม็จ เค็ย อัห เอิด ใจ แมะ แลว กัน เอิญ กุญ แอง ซะ แปลก ดก อน อัห ดอม ตัก อิง นัน อัห ก็ เอิด ใจ แมะ อิง แลว အခန်းကိုကြည့်ပါ။ |
มัดทิว 11:21
31 ပူးပေါင်းရင်းမြစ်များ
เจ็นนัน เยซู เคิบ ลูกนอง ออ ซิบซอง ล็อง นัน ก็ จูล เจ็น ญวัง โตะ ญ็อง อุ ตัก ลงลุก มี ตี นัน ปึง ลูกนอง ซอ เคิบ ปึง พซาซน ดก ล็อง เพา เยซู อุ ตัก ลงลุก นัน ปึง เน อัห โตะ เจ็น จังวัด ยูเดีย โตะ เจ็น เมือง เยรูซาเล็ม โตะ เจ็น เมือง ไทระ เคิบ เมือง ไซดอน ตัก อุ เปล นอก ทะเล เมดิเตอ เซอะ นัน อัห โตะ ปัง เยซู อัห ก็ โตะ ระ เยซู จวย รักซา ออ
ทาเน เฮโรด ก็ อ็อด อัง ครำ เมือง ไทระ เคิบ เมือง ไซดอน แต ครำ เมือง นัน ก็ เลอะ มพอล นอย โตะ กอย จ็อก เคิบ เฮโรด อัห ครอ อุ เลาะๆ เคิบ นำ อัห ต็องกาน อุ เลาะ เคิบ เฮโรด ก็ ญอน อัห กุญ ซา เคิบ ซะ ป็อง ตัก ปะเทด คอง เฮโรด นัน แต วาล ไอ ตัน อัห จ็อก เคิบ เฮโรด นัน อัห ก็ โตะ จ็อก เคิบ ลูกนอง นำ มี ล็อง วาล ลูกนอง เฮโรด นัน ซือ ตัก บาลาทัด นำ เป็น ลูกนอง ตี ควบคุม เจิง เฮโรด นัน อัห ครอ ระ บาลาทัด จวย ออ จ็อก เคิบ เฮโรด บาลาทัด ก็ ญอม จวย อัห เจ็นนัน อัห ก็ กุด โตะ จ็อก เคิบ พะเจายูฮัว เฮโรด
ปึง ตี แอง ไอ มี เลาะ เน อัห ต็อง แร็ง เซียใจ ซีเละ บัดนะ อัห ต็อง เซียใจ ก็ ญอน อัห แอง แบบ คาอิน ตี มเบิล แอ็ม ควน ออ นัน อัห ก็ แอง ตาม ใจ ออ มอก บาลาอำ ตี นำ แอง ลุห เพือ กุญ เงิน นัน ครำ ตี แอง ไอ มี เลาะ เน อัห ก็ แอง มอก โครา ตัก ซะไม โมเซด นัน ปึง โครา เน อัห ตอตาน โมเซด เคิบ เอาซาง อัห ก็ ต็อง เปิล แอ็ม ครำ ตี แอง มอก โครา อัห ก็ ต็อง เปิล แอ็ม มอก โครา นัน ซีเละ
ทาเน ตัก แพะ วาง เคิบ ฮก ซัวะ ตี ครำ กรอก ซอ ปกคอง เมือง เยรูซาเล็ม อุ นัน ญาม นัน เอิญ ก็ อน แร็ง อน อำนาด ตัก ครำ คอง เอิญ เปียะ ล็อง ระ ปาม โตะ ไล เลือง เอิญ อน ตัก พซาซน ระ อัห เจือ เอิญ ปาม ก็ แซ็ด พา กะซอบ เอิญ ไล แญง ออ อน ตัก ปาม ปาม ก็ ไล อน แญง เอิญ ตัก พซาซน ตลอด แพะ วาง เคิบ ฮก ซัวะ นัน” ล็อง นะ อัง
ကြော်ငြာတွေ