ลูกา 8:22 - Prai Bible

²² ทาเน ก็ มี มี งิ นัน วัล ‍ เยซู ก็ ต็อก เฮือ เลิม เคิบ ลูกนอง ออ ‍ นำ ก็ ไล อัห ฮุนเน “แอ คาม นอก เริล พาโนน ดาย” นำ อัง ‍ อัห ก็ ลด ต็อก เฮือ เริล ออ ‍

ลูกา 8:22 ပူးပေါင်းရင်းမြစ်များ

มาระโก 6:45

แลว อัห ป็อง แลว ‍ เยซู ก็ ไล ลูกนอง ออ ต็อก เฮือ คาม นอก ทะเล เริล เมือง เบ็ดไซดา วาล ‍ แต นำ เพา ระ ปึง พซาซน นัน วัล เจิง ออ วาล ‍

ลูกา 8:23

ญาม อัห ต็อก เฮือ เริล นัน ‍ เยซู ก็ อวย ญึด นไท แอ็ม ตัก เฮือ ‍ ทาเน ก็ พด โตะ งกริม จ็อง นทูด นอก ‍ นอก ก็ กุด ใน เฮือ ‍ แร็ง ดก นอก กุด เฮือ ‍ เฮือ ก็ บัก และ จม แอ็ม

ลูกา 5:1

แทะ นัน วัล เยซู ก็ เริล จังวัด กาลิลี ‍ มี มี งิ นัน ‍ นำ ญ็อง นเจ็น พซาซน อุ ตัก เปล นอก ทะเล กาลิลี นัน ‍ ปึง พซาซน ก็ แดก นอย โตะ ปัง แญง เอาซาง ตัก นำ ‍

มาระโก 8:13

แลว เยซู จ็อก เคิบ อัห แลว ‍ นำ ก็ พระ แอ็ม ปึง ฟาริซี นัน ลด ต็อก เฮือ เริล เลิม เคิบ ลูกนอง ออ ‍ อัห ต็อก เฮือ คาม นอก เริล พาโนน

มัดทิว 14:22

เจ็นนัน เยซู ก็ ลด ไล ลูกนอง ต็อก เฮือ คาม นอก เริล พาโนน วาล ‍ แต นำ ไอ มี ตัน เริล ‍ นำ ไล ปึง พซาซน วัล เจิง ออ มด วาล ‍

ยอน 6:1

แทะ นัน วัล บัก และ เล็ห งิ เทซกาน เปซา แลว ‍ เยซู ก็ คาม นอก ทะเล กาลิลี ตี อัห เค็ย ทะเล ทิเบเรียด นัน ‍ นำ คาม ทะเล นัน เริล พาโนน ‍ โตะ พาโนน แลว ‍ นำ ก็ ก็อห ญวัง ทึห ‍ นำ ก็ คุด อุ ตัก ญวัง นัน เลิม เคิบ ปึง ลูกนอง ออ ทาเน ก็ มี ปึง พซาซน ดก ล็อง เริล เคิบ นำ ‍ ตี อัห เริล เคิบ นำ นัน ก็ เป็น ตัก อัห เม็จ นำ แอง ซะ แปลก กุญ ‍ อัห เม็จ นำ จวย ครำ โซะ ระ เลาะ เล็ห กุญ ‍ อัห ก็ เคริบ นำ เริล

มาระโก 5:21

เจ็นนัน เยซู ก็ ต็อก เฮือ วัล ออ ‍ โตะ พาโนน แลว ก็ มี ครำ ดก ล็อง ‍ โตะ แกวด นำ ตัก เปล นอก ทะเล นัน ‍

มัดทิว 8:18

เยซู เม็จ อัห แกวด ออ ดก ล็อง ‍ นำ ก็ ไล ลูกนอง คาม นอก ทะเล เริล พาโนน ‍

ลูกา 8:33

ปึง ปรอง ก็ ลด ทอก เจ็น เอา นัน ‍ โตะ กุด ปึง อิ ‍ อิ ก็ เลอะ เล็ง ปัด ตัก รัง ‍ คลิห ตัก นอก ทะเล กาลิลี นเซ็บ มด ‍ เงิก นอก เปิล แอ็ม มด

ตัวแทน 27:2

ทาเน ก็ มี เฮือ มี ลำ โตะ เจ็น เมือง อัดรามิทิยุม ‍ อัห กำลัง ซับ เฮือ นัน เริล ตาม เปล นอก ทะเล ‍ เฮือ นัน ก็ แวด ดก เมือง ตัก จังวัด เอเซีย ‍ อิห ก็ ต็อก เฮือ ลำ นัน เริล ‍ ก็ มี ครำ มาซีโดเนีย มี ล็อง ‍ นำ โตะ เจ็น เมือง เทซะโลนิกา ‍ ซือ นำ ตัก อาริทาคัด ‍ นำ ก็ ต็อก เฮือ เลิม เคิบ อิห นัน