ลูกา 5:25 - Prai Bible

²⁵ แลว เยซู ไล ครำ แว็ล นัน ร็อห แลว ‍ ครำ แว็ล นัน ก็ ลด คุล ร็อห กาง มัด ครำ ดก นัน ‍ นำ ก็ เพล็ว ตี อวย ออ ตอล ซับ เจิง ‍ นำ ก็ ลือ เอาซาง เริล ‍

ลูกา 5:25 ပူးပေါင်းရင်းမြစ်များ

ยอน 9:24

เจ็นนัน อัห ก็ ลบ งกรอ ล็อง นะ โตะ จ็อก เคิบ ออ วัล ‍ อัห ไล นำ คือเน “กัน กิว เป็น ล็อง นัน จวย มัห นังเลาะ ‍ ก็ มัห ไล อิห ซือๆ ‍ มัห ต็อง ซาบาน ตัก มัด เอาซาง ฮัก ‍ เพาะวา อิห เม็จ แลว ‍ ล็อง นัน เป็น ครำ ลุห” อัห อัง ‍

ลูกา 18:43

มัด ล็อง นะ ก็ ลด เลาะ เล็ห ‍ นำ ดอม ซะ ก็ ตาด มด ‍ เม็จ ซะ มด ‍ นำ ก็ ลือ เอาซาง ‍ นำ ลด เคริบ เยซู เริล ‍ ปึง อัห ตี เม็จ มัด ล็อง นัน เลาะ เล็ห ‍ อัห ก็ อวด ลือ เอาซาง เมือนนอย

ลูกา 13:13

ทาเน เยซู ก็ ลด คอบ ซิห เคา อัหเม ล็อง นะ ‍ อัหเม ล็อง นะ ก็ ลด เลาะ เล็ห ‍ ลด งาล งคุม เคา ‍ ลด ญ็อง กรัลๆ ซือๆ ‍ อัหเม ล็อง นะ ‍ นำ เม็จ นัง ออ เลาะ เล็ห ‍ นำ ก็ ลือ เอาซาง

ลูกา 5:13

เยซู ก็ นจืน ที ‍ พระ ซิห ตัก เอา ล็อง นัน ‍ เยซู ก็ ไล นำ ฮุนเน “เอิญ จวย มัห ดาย ‍ มัห งาล คีเฮือน นทึห เตาะ” นำ อัง ‍ เอา นัน ก็ ลด เลาะ เล็ห ‍ งาล แอ็ม คีเฮือน มด ตึง นัง

เกาตีนา 1:3

ทาเน เอาซาง ก็ จ็อก “ระ นเซอะ เป็น เล็ห ทาง ซะ เนอ” เอาซาง อัง ‍ ก็ ลด พุก ทาง เล็ห ซะ นังเลาะ ‍

มัดทิว 9:8

ปึง อัห เม็จ เยซู จวย ล็อง นัน ‍ อัห ก็ เลอะ นเจิก เลอะ งึด อัง เยซู มด ‍ อัห ก็ ลือ เอาซาง ตี นำ ระ ครำ มี แร็ง มี อำนาด แอง มอก นัน กุญ

มาระโก 2:12

ครำ แว็ล นัน ก็ ลด ซีนุก ร็อห เพล็ว มเบิน ‍ นจาง เริล เคิบ มัด อัห นัน ‍ ปึง อัหซอ เม็จ เยซู รักซา ล็อง นัน แลว ‍ อัห ก็ เลอะ งึด อัง เยซู มด ‍ อัห ก็ ลือ เอาซาง เค็ย ‍ “ไอ มี เกย เม็จ อีเอ แอง ฮุนเน ซัก มี ลบ” อัห อัง