ลูกา 5:20 - Prai Bible20 เยซู เม็จ ครำ ตี งโกง ล็อง นัน เจือ ออ เลาะ คือนัน นำ ก็ ลด ไล ครำ แว็ล นัน คือเน “ควัน เฮย ตี ลุห คอง มัห เอิญ ญ็อก แอ็ม แลว ดาย” เยซู อัง အခန်းကိုကြည့်ပါ။ |
ลูกา 5:20
16 ပူးပေါင်းရင်းမြစ်များ
เจ็นนัน ก็ มี ครำ มี ปึง นะ อัห งโกง ซับ ครำ อำมาพาด มี ล็อง ระ เยซู รักซา อัห งโกง ซับ นำ มด ตึง มเบิน ตี นำ อวย ออ นัน เยซู เม็จ อัห ซับ ล็อง นะ ระ ออ รักซา นำ ก็ เคาใจ เค็ย อัห กิว เจือ ออ ซีเละ เยซู ก็ ไล ครำ อำมาพาด นัน คือเน “เลาะใจ นทึห เตาะ ควัน เอิญ ญ็อก แอ็ม ตี ลุห มัห แลว เอิญ ไอ มี ทือ ลุห มัห เตาะ” เยซู อัง
เอิญ เน ตี เอาซาง ระ เกิด เป็น ครำ ตัก โลก เน เอิญ มี แร็ง มี อำนาด ญ็อก แอ็ม ตี ลุห ครำ กุญ ซำรับ เอิญ เน ไอ มี ซีวะ ญาก เตาะ เอิญ ญ็อก แอ็ม ตี ลุห อัห ก็ กุญ เอิญ ระ ล็อง เน ร็อห ญ็อง นจาง เริล ก็ กุญ ไอ มี ญาก เตาะ มานะ เน เอิญ แอง มี ยาง ระ แป เม็จจึด เค็ย เอิญ มี แร็ง มี อำนาด ญ็อก แอ็ม ตี ลุห ล็อง เน กุญ” เยซู อัง เจ็นนัน เยซู ก็ มบิด มัด ดอม ครำ อำมาพาด นัน ลด ไล นำ ร็อห ญ็อง เพล็ว มเบิน วัล เจิง
ทาเน ก็ มี แกด ล็อง อัห เค็ย เจือ เอาซาง ก็ ปอ แลว แกด ล็อง อัห เค็ย แอง ฮุน เอาซาง ไล อน ก็ ปอ แลว อัห ก็ เทียง นอย จังเน แต กัน มัห เค็ย เจือ เอาซาง แต มัห ไอ มี แอง ฮุน เอาซาง ไล อน เอิญ เม็จจึด จังนัก เค็ย มัห กิว เจือ นังเลาะ เอิญ ไอ มี กิว เม็จ ดาย แต มัห ลอง ดอม อ็อญ ซะ ตี เอิญ แอง นัน กัน เอิญ แอง ฮุน เอาซาง ไล อน ซีเละ มัห ก็ เม็จจึด เค็ย เอิญ กิว เจือ เอาซาง นังเลาะ
ကြော်ငြာတွေ