ลูกา 5:13 - Prai Bible

¹³ เยซู ก็ นจืน ที ‍ พระ ซิห ตัก เอา ล็อง นัน ‍ เยซู ก็ ไล นำ ฮุนเน “เอิญ จวย มัห ดาย ‍ มัห งาล คีเฮือน นทึห เตาะ” นำ อัง ‍ เอา นัน ก็ ลด เลาะ เล็ห ‍ งาล แอ็ม คีเฮือน มด ตึง นัง

ลูกา 5:13 ပူးပေါင်းရင်းမြစ်များ

ลูกา 4:39

เยซู ก็ ติ โตะ ญ็อง อุ นดิ เมเทา ซีโมน นัน ‍ เยซู ก็ ไล คัด นัน คือเน “มัห งาล นทึห เตาะ” นำ อัง ‍ คัด นัน ก็ ลด งาล แอ็ม ‍ เมเทา ซีโมน งาล คัด แลว ‍ นำ ก็ คุล ร็อห ลด แอง ซะ ป็อง อน อัห ป็อง วัล

เกาตีนา 1:9

งิ ที ซาม เอาซาง ก็ จ็อก วัล “ระ นอก ตัก อุ ทิง วาง นเซ็บ ‍ รอม นอย อุ มี ตี ฮัก ‍ ระ ซิก ทอก โตะ เป็น ซิก ทังๆ เนอ” เอาซาง อัง ‍ ซิก ทังๆ ก็ กิว ทอก โตะ นังเลาะ ‍ นอก ก็ รอม นอย อุ มี ตี ฮัก ‍

เกาตีนา 1:3

ทาเน เอาซาง ก็ จ็อก “ระ นเซอะ เป็น เล็ห ทาง ซะ เนอ” เอาซาง อัง ‍ ก็ ลด พุก ทาง เล็ห ซะ นังเลาะ ‍

มัดทิว 8:3

เยซู เม็จ นำ จ็อก จังนะ ‍ เยซู ก็ จวย นำ ‍ เยซู ก็ นจืน ที นจืน ลา คอบ นัง นำ ‍ ลด ไล นำ คือเน “เอิญ ปอใจ จวย มัห ‍ มัห งาล โซะ นทึห เตาะ” เยซู อัง ‍ ท็อบ เยซู ไล นำ ฮุนนะ ‍ นำ ก็ ลด งาล แอ็ม คีเฮือน นัน มด ‍

ลูกา 5:12

มี ลบ นัน ‍ เยซู ก็ เริล อุ ตัก งวัล มี งวัล วัล ‍ ก็ โตะ อัหคล็อง มี ล็อง นำ เป็น คีเฮือน มด ตึง นัง ‍ นำ เม็จ เยซู แลว ‍ นำ ก็ โตะ กราบ ไว เยซู ‍ นำ ครอ ระ เยซู จวย ออ “อาจาน ‍ ครอ ระ มัห จวย เอิญ ดาย ‍ กัน มัห ซีรอก แอง ระ เอิญ งาล คีเฮือน เน ‍ มัห ก็ แอง กุญ มด” ครำ คีเฮือน นัน อัง

ลูกา 5:14

แลว เยซู รักซา นำ แลว ‍ เยซู ก็ มบราง นำ ‍ ไอ มี ระ นำ ไล อัหซอ เค็ย เยซู จวย นำ ‍ “อำ ไล ซีเอ เด็ดคาด ‍ เค็ย เอิญ แอง ระ มัห งาล โซะ เน ดาย ‍ อำ ไล อัห เตาะ ‍ แต มัห ต็อง เริล มแบละ นัง ออ อน ตัก มอ เอาซาง ‍ ระ มอ เอาซาง ตวด ดอม นัง มัห วาล ‍ แลว มอ เอาซาง ตวด ดอม นัง มัห แลว ‍ มัห ต็อง ทวาย ซะ อน ตัก เอาซาง ‍ มอก กด โมเซด ไล อน เลือง ครำ งาล คีเฮือน นัน ‍ โมเซด ไล ครำ งาล คีเฮือน ทวาย ซีวะ ‍ มัห ก็ ต็อง ทวาย ซะ นัน ‍ นเซอะ อัหซอ จู ล็อง เม็จจึด เค็ย ‍ มัห กิว งาล คีเฮือน เลาะ แลว” เยซู อัง