9 นำ ซ็วน เยซู ดก มบลึ แต เยซู ไอ มี ซวัล นำ ซัก มี แญง
แต เยซู ไอ มี ซวัล นำ เตาะ ปีลาด เม็จ เยซู ไอ มี ซวัล ออ นำ ก็ งึด อัง เยซู
ญาม อัห โป ดูทูก ดูแควน นำ นำ ก็ ไอ มี ตอบติก อัห เตาะ ญาม อัห คมเฮง นำ นำ ก็ ไอ มี อ็อด ไอ มี โป อัห นำ เจือ เอาซาง นำ ก็ เค็ด งเกิน อุ ฮัก นำ มอบ เลือง ออ อน ตัก เอาซาง ฮัก นำ เคาใจ แลว เค็ย เอาซาง ตัดซิน ครำ จู ล็อง แคระ ตลอด
นังซือ อิซยา ตี นำ อาน นัน ก็ อัง ฮุนเน “อัห เอิด นำ เริล ฮุน อัห ซวร เอิด แกะ เริล มเบิล นัน นำ ก็ งเกิน อุ ฮุน แกะ แย็ด ตี อัห ญับ นโซก นำ ก็ เค็ด อุ มอก แกะ นัน เก็ย มี นำ จ็อก ซัง
เยซู ก็ ซวัล อัห คือเน “แป เริล ไล ซวะ นจ็อย นัง นัน ดาย แป ไล นำ เค็ย งิ นะ งิ กรัก เอิญ ต็อง มบรึห ปรอง เอิญ ต็อง จวย รักซา ครำ โซะ งิ กรัก นัน วัล เอิญ ก็ แอง เอิญ ต็อง แอง จำปอ แลว แอ็ม มด
“อำ เอิด ซะ เลาะ คอง เอาซาง อน ตัก ซวะ เตาะ ซวะ นัน ลบ พ็อก แป วัล เจ็นนัน ก็ อำ เอิด เพ็ด เอิด พลอย อน ตัก อิ กัน เอิด เพ็ด พลอย อน ตัก อิ เย็ห ก็ ไอ มี ซนใจ เตาะ เย็ห ก็ โตก เริล โตก วัล ฮัก”
แต ญาม ปึง ซะ แกะ เคิบ ปึง มอ เอาซาง แกะ โตะ พอง เยซู ตัก ปีลาด นัน เยซู ไอ มี ซวัล อัห เตาะ
แต เยซู เค็ด อุ ไอ มี จ็อก ซีวะ ซัง ปีลาด ก็ ญ็อก งึด อัง นำ
ทาเน ปึง มอ เอาซาง แกะ เคิบ ปึง อาจาน ไล กด โมเซด ตัก ญ็อง เพา อุ นัน อัห ก็ เฮง พอง เยซู ติกๆ แร็ง ดุ อัห พอง นำ ซีเละ
นำ ก็ ลบ เอิด เยซู กุด ควังใน เจิง ออ วัล นำ ก็ ซ็วน เยซู คือเน “มัห โตะ เจ็น นเดย เน” ปีลาด อัง เยซู ก็ ไอ มี ซวัล นำ เตาะ
