ลูกา 23:5 - Prai Bible5 แต อัห ก็ เฮง ไล ปีลาด ติกๆ “เอา เน นำ ซุย พซาซน นำ แอง ระ พซาซน เลอะ ญุง จ็อง มด นำ กวา โละ ซุย พซาซน ทัว จังวัด ยูเดีย ทัว จังวัด กาลิลี จำปอ โตะ ตัก เมือง เยรูซาเล็ม เน วัล” อัห อัง အခန်းကိုကြည့်ပါ။ |
ลูกา 23:5
24 ပူးပေါင်းရင်းမြစ်များ
เยซู เน นำ เกิด ตัก งวัล เบ็ดเลเฮ็ม จังวัด ยูเดีย ซะไม เยซู เกิด นัน เฮโรด เป็น พะเจายูฮัว ตัก เมือง เยรูซาเล็ม ไอ มี ปอ อิง เจ็นนัน วัล ก็ มี ปึง อาจาน โตะ เจ็น ปะเทด ซอ อัห โตะ เจ็น เยอะ ซะ อัห โตะ เจ็น ลัห โตะ งิ งคม ทาเน ปึง อาจาน นัน ก็ เริล เมือง เยรูซาเล็ม อัห โตะ ตัก เมือง เยรูซาเล็ม แลว อัห ก็ กวา โละ ซ็วน และ พะเจายูฮัว ตี เกิด แมะ นัน อัห ซ็วน ฮุนเน “ควัน แย็ด ตี เกิด เป็น พะเจายูฮัว ครำ ยิว นัน นำ อุ พานเดย บ็อห อิห ซีรอก โตะ กราบ ไว นำ ญาม อิห ควะ อุ ปะเทด ออ งคม นัน อิห ก็ เม็จ ซีเม็ญ พิเซด ซีเม็ญ นัน ระ อิห เม็จจึด เค็ย มี พะเจายูฮัว แมะ เกิด ตัก เน” อัห อัง
ปีลาด เม็จ อัห นซาก อุ ฮุนนัน นำ ก็ เคาใจ เค็ย อัห ไอ มี ปัง นำ เตาะ นำ เม็จ อัห และ บวน นอย จ็อง วัล นำ ก็ ลด เอิด ออก พุจ ที ออ เคิบ มัด อัห นัน นำ ก็ ไล อัห คือเน “ตี เอิญ พุจ ที ออ เน ซีแล็ม เค็ย เอิญ ไอ มี ญุง เลือง ล็อง เน เคิบ แป เตาะ เอิญ ไอ มี ฮับพิดซอบ เลือง นำ เตาะ ตี นำ ต็อง เปิล ก็ เป็น เลือง คอง แป ฮัก แป ฮับพิดซอบ ออ ฮัก ไอ แมน เลือง เอิญ เตาะ” ปีลาด อัง กด ลบ ซอง 21:6-9
แต ปึง พซาซน อัห เค็ย “มพำ นำ ซิห ตัก ลำ ซีโรด มพำ นำ ซิห ตัก ลำ ซีโรด” อัห อัง ปีลาด ก็ ซ็วน อัห วัล “แป ซีรอก ระ เอิญ เอิด พะเจายูฮัว แป มพำ ซิห ตัก ลำ ซีโรด ซีเละ อัน ไอ แมน ก้า” ปีลาด ซ็วน อัห จังนะ ปึง มอ เอาซาง แกะ ก็ ซวัล ปีลาด ฮุนเน “ล็อง เน ไอ แมน พะเจายูฮัว คอง อิห เตาะ อิห มี พะเจายูฮัว มี ล็อง เดียว ตัก ซีซา นัน” อัห อัง
ကြော်ငြာတွေ