ลูกา 22:39 - Prai Bible

³⁹ ทาเน เยซู ก็ ทอก เริล เจ็น เมือง ‍ นำ เริล ตัก ญวัง แพะ ค็อก ฮุน จู ลบ นัน ‍ ปึง ลูกนอง นำ ก็ เริล เลิม เคิบ นำ ‍

ลูกา 22:39 ပူးပေါင်းရင်းမြစ်များ

มัดทิว 21:1

เจ็นนัน เยซู เคิบ ลูกนอง ก็ เริล เมือง เยรูซาเล็ม ‍ ญาม อัห ติ เล็ห ตัก เมือง เยรูซาเล็ม นัน ‍ อัห ก็ เล็ห ตัก งวัล เบฟายี วาล ‍ งวัล เบฟายี นัน อุ นดิ ญวัง แพะ ค็อก ‍ วาล ไอ ตัน เล็ห งวัล เบฟายี นัน ‍ เยซู ก็ ไล ลูกนอง เปียะ ล็อง เริล งวัล นัน ‍

มัดทิว 26:30

แลว อัห ออก ปุจ องุน นัน แลว ‍ อัห ก็ ลอง เพลง ลือ เอาซาง ‍ เจ็นนัน อัห ก็ ทอก เจ็น เจิง ทอก เจ็น เมือง นัน ‍ อัห ก็ เริล พาโนน ตัก ญวัง แพะ ค็อก

มาระโก 11:11

เยซู ก็ กุด เริล เมือง เยรูซาเล็ม ‍ นำ ลด กุด ตัก วิฮาน เอาซาง ‍ นำ กวา โละ ดอม ซะ จู มบลึ ทัว วิฮาน มด ‍ ทาเน ก็ บัก และ แจ็ล แอ็ม แลว ‍ เยซู เคิบ ลูกนอง ก็ ลด ทอก เจ็น เมือง เยรูซาเล็ม เริล ตัก งวัล เบทานี

มาระโก 11:19

แจ็ล แมด ซะ เยซู เคิบ ลูกนอง ก็ ทอก เริล เจ็น เมือง ‍ อิซยา 56:7, เยเรมี 7:11

มาระโก 13:3

ทาเน เยซู เคิบ ลูกนอง ก็ เริล โตะ ตัก ญวัง แพะ ค็อก เทด ‍ ญวัง นัน อี อุ พาโนน ซือ มัด วิฮาน เอาซาง นัน ‍ เยซู ก็ คุด อุ นัน ‍ ทาเน เปโตร ‍ ยากอบ ‍ ยอน เคิบ อันดรู ‍ อัห ก็ ซ็วน นำ จุม ซี ล็อง อัห ฮัก คือเน ‍

มาระโก 14:26

แลว อัห ลอง เพลง ลือ เอาซาง แลว ‍ อัห ก็ ลด ทอก เริล ตัก ญวัง แพะ ค็อก เทด พาโนน

ลูกา 21:37

จูงิๆ เยซู ก็ โตะ นเจ็น พซาซน อุ ตัก เด็นเตะ วิฮาน เอาซาง นัน ‍ ปึง พซาซน ก็ ตุด โตะ ปัง เยซู เจ็น งกร็อห จูงิๆ ‍ เยซู ก็ ไล แญง เอาซาง อน ตัก อัห มด งิ ‍ แจ็ล แลว นำ ก็ วัล อวย ตัก ญวัง แพะ ค็อก นัน ‍ ปัห ซะ นำ ก็ ลบ วัล โตะ