ลูกา 20:1 - Prai Bible

¹ มี มี งิ นัน วัล ‍ เยซู ก็ นเจ็น ปึง พซาซน อุ ตัก วิฮาน นัน ‍ นำ ก็ ไล คาว เลาะ เลือง เอาซาง อน อัห ปัง ‍ ทาเน ก็ โตะ ปึง มอ เอาซาง แกะ ‍ โตะ ปึง อาจาน ครำ ยิว ‍ โตะ ปึง ซะ แกะ ครำ ยิว ‍ อัห โตะ และ เยซู ‍

ลูกา 20:1 ပူးပေါင်းရင်းမြစ်များ

ตัวแทน 6:12

เจ็นนัน อัห ก็ กวา โละ จุ ซุย ปึง พซาซน ‍ ปึง ซะ แกะ ‍ ปึง อาจาน ‍ ระ อัห ญุง นอย มด ‍ อัห ลด เญ็บ ซะเทเฟน ซับ ตัก ปึง ซะพา ‍

ตัวแทน 4:1

ญาม เปโตร เคิบ ยอน ควะ จ็อก อุ เคิบ ปึง อัห นัน ‍ ก็ โตะ ปึง มอ เอาซาง เลิม เคิบ ปึง ทฮาน ตัก รักซา วิฮาน นัน ‍ ปึง ซะดูซี ก็ โตะ เลิม ‍ อัห โตะ และ ปาม ‍

ยอน 18:20

เยซู ก็ ซวัล นำ ซือๆ ฮุนเน “เลือง ตี เอิญ โตะ ไล ครำ นัน ‍ เอิญ ไอ มี ลอด ไล เตาะ ‍ เอิญ ไล ระ อัห เม็จ มด จู ล็อง ‍ ตัก ฮ็อง พซุม เอิญ ก็ ไล ‍ ตัก เด็นเตะ วิฮาน เอาซาง ตี ครำ ยิว ม็อด โตะ ซุม นอย ‍ เอิญ ก็ ไล ‍ ดก ครำ โตะ ปัง ‍ เอิญ ไอ มี จบ ลอด ไล ซีวะ ตัก อัห เตาะ ‍

ลูกา 8:1

เจ็นนัน เยซู ก็ เริล ตาม งวัล ตาม เมือง อัห ‍ นำ ไล คาว เลาะ เลือง เอาซาง ปกคอง โลก เน อน อัห ปัง ‍ ญาม นัน ปึง ลูกนอง นำ ซิบซอง ล็อง นัน ก็ เริล เลิม มด ‍

มัดทิว 26:55

เจ็นนัน เยซู ก็ ไล ปึง อัห ตี โตะ เญ็บ นำ นัน ฮุนเน “ปาโท็ห ‍ แป ก็อง ดาบ ก็อง งคัล โตะ เญ็บ เอิญ เน ‍ มอก เอิญ เป็น โจน เป็น นักเลง นอ ‍ จูงิๆ เอิญ ไล แญง เอาซาง ตัก แป ตัก เด็นเตะ วิฮาน ‍ แป ก็ ไอ มี เญ็บ เอิญ ‍

ลูกา 20:2

อัห ก็ ซ็วน เยซู คือเน “ซีเอ ระ มัห มี ซิด มี อำนาด มบรึห ปอกา ตัก วิฮาน เน ‍ ซีเอ ไล มัห แอง” อัห อัง