ลูกา 2:48 - Prai Bible

⁴⁸ ทาเน ญาม เอา เม นำ เม็จ นำ คุด เลามุน อุ เคิบ ปึง อาจาน นัน ‍ ปาม ก็ ญ็อก งึด อัง นำ ‍ เม นำ ก็ ไล ควัน ออ คือเน “ควัน เฮย ‍ มัห แอง ซีวะ จังเน บ็อห ‍ ดอม กา ‍ เอา เคิบ เม วาง ทืล อัง มัห ‍ เยอะ ก็ กวา โละ และ มัห ดาย ควัน” เม นำ อัง ‍

ลูกา 2:48 ပူးပေါင်းရင်းမြစ်များ

มัดทิว 12:46

ทาเน ญาม เยซู จ็อก อุ เคิบ ปึง พซาซน นัน ‍ เม เยซู เคิบ ควน เยซู ‍ อัห ก็ โตะ และ เยซู ‍ เยซู ก็ อุ ควังใน เจิง นัน ‍ เม นำ เคิบ ควน นำ ก็ เพา อุ บัดซะ ‍ อัห ซีรอก จ็อก เคิบ เยซู ‍

ลูกา 2:49

เยซู ก็ ซวัล ปาม คือเน “ปา โละ และ เอิญ ตี ซอ อังวะ เม ‍ ปา ไอ มี เม็จจึด ก้า ‍ เอิญ ต็อง อุ ตัก เจิง เอา ออ ฮัก” นำ อัง ‍

ลูกา 3:23

แลว เยซู จุบ ตัก นอก แลว ‍ นำ ก็ เลิม แองกาน คอง ออ ‍ ญาม นัน นำ อาญุ ปะมาน ซามซิบ ปี แลว ‍ อัห จู ล็อง ก็ กึด เค็ย ‍ เยซู เน เป็น ควัน โยเซบ ‍ เจ็นเน ก็ เป็น เจือ ซาย คอง เยซู ‍ เอา โยเซบ ซือ ตัก เฮลี ‍

ลูกา 4:22

ครำ ตัก ฮ็อง พซุม นัน ‍ อัห ก็ เลาะใจ ปัง นำ ‍ อัห เค็ย นำ จ็อก เลาะ ซีเละ ‍ อัห ก็ งึด อัง นำ ‍ อัห เค็ย “เอ ‍ เยซู เน นำ เป็น ครำ งวัล แอ เน ฮัก นอ ‍ นำ เป็น ควัน โยเซบ ‍ นำ ไอ มี เป็น ครำ พิเซด ซีวะ ‍ แต ซีวะ นำ จ็อก เลาะ จ็อก เก็ง มอก เน” อัห อัง

ยอน 1:45

แลว เยซู มพอล ฟีลิบ เริล เคิบ ออ แลว ‍ ฟีลิบ ก็ เริล และ นาทานาเอล ‍ นำ ไล นาทานาเอล ฮุนเน ‍ “ล็อง นะ ตี โมเซด เคิบ ปึง ลาม เอาซาง เพีย เคียน ไล แอ เจ็น ตัก อิง นัน ‍ อิห เม็จ นำ แลว ‍ ซือ นำ ตัก เยซู ‍ นำ เป็น ควัน โยเซบ ครำ งวัล นาซาเร็ด นัน ‍ อิห เม็จ นำ แลว” ฟีลิบ อัง ‍