ลูกา 2:33 - Prai Bible

³³ โยเซบ เคิบ มารี เม็จ นำ จ็อก ฮุนนะ ‍ ปาม ก็ งึด ซีเละ ‍ ปาม ก็ กึด เลือง ตี ซีเมโอน ไล เลือง ควัน ปาม นัน

ลูกา 2:33 ပူးပေါင်းရင်းမြစ်များ

มัดทิว 12:46

ทาเน ญาม เยซู จ็อก อุ เคิบ ปึง พซาซน นัน ‍ เม เยซู เคิบ ควน เยซู ‍ อัห ก็ โตะ และ เยซู ‍ เยซู ก็ อุ ควังใน เจิง นัน ‍ เม นำ เคิบ ควน นำ ก็ เพา อุ บัดซะ ‍ อัห ซีรอก จ็อก เคิบ เยซู ‍

มัดทิว 8:10

เยซู เม็จ นายรอย จ็อก มอก นัน ‍ นำ ก็ งึด ซีเละ ‍ เยซู ก็ ไล ปึง นัน ตี เริล เคิบ เยซู นัน ฮุนเน “บา นอ ‍ เอิญ เริล ทัว ปะเทด อิซราเอล แอ เน ‍ เอิญ ไอ มี เกย เม็จ อีเอ แก็นใจ เจือ มอก ล็อง เน ‍ นำ ไอ แมน ครำ อิซราเอล แอ เน ดุห ‍

ลูกา 2:18

ทาเน ครำ ใน งวัล เม็จ ครำ เลียง แกะ ไล ออ เลือง ควัน แย็ด ล็อง นัน เคิบ เทวาดา นัน ‍ อัห ก็ ญ็อก งึด มด ‍

ลูกา 2:48

ทาเน ญาม เอา เม นำ เม็จ นำ คุด เลามุน อุ เคิบ ปึง อาจาน นัน ‍ ปาม ก็ ญ็อก งึด อัง นำ ‍ เม นำ ก็ ไล ควัน ออ คือเน “ควัน เฮย ‍ มัห แอง ซีวะ จังเน บ็อห ‍ ดอม กา ‍ เอา เคิบ เม วาง ทืล อัง มัห ‍ เยอะ ก็ กวา โละ และ มัห ดาย ควัน” เม นำ อัง ‍

ลูกา 20:26

เยซู ซวัล อัห มอก นัน แลว ‍ อัห ก็ ไอ มี เม็จ นำ จ็อก ลุห ซีวะ เคิง มัด พซาซน ‍ อัห ก็ ลด ไอ มี จางรู พอง นำ เตาะ ‍ อัห ก็ งึด อัง นำ ซีเละ ‍ ตี นำ ซวัล อัห มอก นัน ‍ อัห ลด เค็ด งเกิน อุ ฮัก

ลูกา 9:43

อัห เม็จ เยซู มบรึห ปรอง กุญ นัน ‍ อัห ก็ ญ็อก งึด อัง เอาซาง ‍ อัห งึด ซีเละ ตี นำ มี แร็ง มี อำนาด ดก มอก นัน ‍ ญาม ปึง พซาซน ควะ งึด อัง เยซู ตี นำ แอง ซะ แปลก นัน ‍ เยซู ก็ ไล ลูกนอง ออ เค็ย ‍