ลูกา 2:25 - Prai Bible

²⁵ ทาเน ตัก เมือง เยรูซาเล็ม นัน ‍ ก็ มี อัหคล็อง มี ล็อง ซือ ตัก ซีเมโอน ‍ ซีเมโอน เน นำ เป็น ครำ เลาะ ครำ ซือ ‍ นำ เกงใจ อัง เอาซาง ซีเละ ‍ นำ ซนใจ เอาซาง จวย ครำ อิซราเอล ‍ นำ ก็ วาง เพา เล็ห งิ เอาซาง ซง ครำ จวย อัห นัน ‍ นำ ก็ มี ซีมาล เอาซาง อุ เคิบ ออ ตลอด ‍

ลูกา 2:25 ပူးပေါင်းရင်းမြစ်များ

เกาตีนา 6:9

เจ็นเน เป็น เลือง ปะวัด โนอา ‍ นำ มี ควัน อัหคล็อง แพะ ล็อง ‍ ซือ ตัก เซม ฮาม ยาเฟด ‍ โนอา เน นำ เป็น ครำ เลาะ ครำ ซือ ตัก ซะไม นัน ‍ นำ ไอ มี ตี ติ ตี คอล เตาะ ‍ นำ แอง เลาะ มี ล็อง เดียว ตัก ซะไม นัน ‍ นำ ปัง แญง เอาซาง เลาะ ‍ นำ เคิบ เอาซาง ก็ เปาะ นอย เลาะ ซีเละ ‍

อุ ตี แลง 11:25

เยโฮวา ก็ จูล โตะ ตัก บด จ็อก เคิบ อัห ‍ เยโฮวา ก็ อน ซีมาล ออ ตัก ปึง เอา แกะ เจ็ดซิบ ล็อง นัน มอก นำ ไล อน ตัก โมเซด แลว ‍ ญาม ซีมาล นัน โตะ อุ เคิบ อัห แลว ‍ ปึง อัห จู ล็อง ก็ จ็อก มอก เป็น ลาม เอาซาง ฮัก ‍ แต ไอ มี อิง ก็ เค็ด งาล แอ็ม

อุ ตี แลง 11:29

โมเซด ก็ ซวัล โยซูวา คือเน ‍ “มัห จบ แอง ใจ ฮอน อังวะ บ็อห ‍ อำ ทืล เตาะ ดาย ‍ ครอ ระ เยโฮวา อน ซีมาล ออ ตัก ครำ คอง ออ มด จู ล็อง จู นัง ก็ จู ‍ ครอ ระ อัห จ็อก มอก เป็น ลาม เอาซาง มด เนอ” โมเซด อัง ‍

มาระโก 15:43

ทาเน ก็ มี ครำ มี ล็อง ซือ ตัก โยเซบ ‍ เป็น ครำ งวัล อารีมาเทีย ‍ นำ เป็น ครำ ใน ปึง ซะพา ครำ ยิว ‍ ดก อัห นับทือ นำ ซีเละ ‍ นำ ก็ เป็น ครำ ตี เพา โตะ เอาซาง ปกคอง โลก เน ‍ นำ ก็ ฮาน เริล ครอ ซบ เยซู ตัก ปีลาด

ลูกา 1:41

โตะ มารี ตัก เจิง ปาม แลว ‍ นำ ก็ งกรอ เอลีซาเบด ‍ ญาม เอลีซาเบด เม็จ แญง มารี งกรอ ออ นัน ‍ ควัน แย็ด ตัก มพุล เอลีซาเบด ก็ แร็ง นดิ ซีเละ ‍ ซีมาล เอาซาง ก็ ซับรวง เอลีซาเบด จ็อก เคิบ มารี แร็งๆ ฮุนเน “มารี เฮย ‍ เอาซาง แอง เลาะ ไบ เลาะ เบอ เคิบ มัห จังนะ ‍ นำ แอง เลาะ ซิห มัห กวา อัหเม ซอ มด จู ล็อง ‍ เอาซาง ก็ แอง เลาะ เคิบ ควัน มัห วัล ‍

ลูกา 1:6

ทาเน เซคารียา เคิบ เอลีซาเบด เน ก็ แอง เลาะ แอง ซือ เคิบ เอาซาง ตลอด ‍ ปาม แอง ฮุน กด เอาซาง ไล อน มด ‍ ไอ มี ตี ติ ตี คอล ซัก มี ติด เตาะ ‍

ลูกา 1:67

ทาเน เอา ยอน ตัก เซคารียา นัน ‍ นำ ก็ มี ซีมาล เอาซาง อุ เลิม เคิบ ออ ‍ ซีมาล เอาซาง ก็ ซับรวง นำ เพีย ไล อน ฮุนเน

ลูกา 2:38

ก็ พอดี โตะ อานา ตัก นัน ญาม นัน ‍ อานา ก็ เม็จ เยซู ‍ นำ เม็จ เยซู แลว ‍ นำ ก็ ลือ เอาซาง ติกๆ ‍ เจ็นนัน นำ ก็ ไล อัห มด จู ล็อง ตี เพา ระ เอาซาง ซง ครำ โตะ จวย เมือง เยรูซาเล็ม ระ เป็น อิซระ นัน ‍ นำ ก็ ไล อัห มด เค็ย ‍ เยซู ล็อง เนๆ เป็น พูจวย ตี เอาซาง ซันญา ระ อน

ลูกา 23:51

นำ เจือ แญง ซันญา คอง เอาซาง ฮัก ‍ เอาซาง ซันญา อง โตะ ปกคอง โลก ‍ นำ ก็ เจือ แญง นัน ‍ นังเลาะ แลว นำ เป็น ซะมาซิก ซะพา จ็อง ‍ แต นำ ไอ มี กึด มอก อัห เตาะ ‍ ตี อัห ตัดซิน มเบิล เยซู ‍ นำ ก็ ไอ มี กึด มอก อัห เตาะ ‍

ตัวแทน 10:2

นำ ก็ ทือ เอาซาง มด ตึง ครอบครัว ‍ นำ ก็ จวย ครำ ตุก ครำ ญาก ดก ล็อง ‍ นำ ก็ มัน ครอ วอน เอาซาง ซีเละ ‍

ตัวแทน 10:22

อัห ก็ ไล นำ คือเน “นาย รอย โคเนลีอัด ไล อิห โตะ และ มัห ดาย ‍ นำ เป็น ครำ เลาะ ‍ นำ ทือ เอาซาง ‍ ครำ ยิว อัห ก็ ทือ นำ ‍ อัห เค็ย นำ เป็น ครำ เลาะ ‍ เทวาดา คอง เอาซาง ก็ ไล นำ มพอล มัห โตะ แอว ออ ตัก เจิง ดาย ‍ นำ ซีรอก ปัง แญง มัห” ปึง ลูกนอง โคเนลีอัด อัง ‍

ตัวแทน 2:5

ทาเน ตัก ญาม นัน ก็ มี ครำ ยิว ตี เริล อุ ปะเทด ซอ จู ปะเทด นัน ‍ อัห ก็ วัล โตะ อุ ตัก เมือง เยรูซาเล็ม แลว ‍ อัห เป็น ครำ ยิว ตี กิว ทือ เอาซาง ซีเละ ‍

ตัวแทน 24:16

ญอน เอิญ เจือ เค็ย ‍ เอาซาง ระ แอ รีด เล็ห วัล นัน ‍ เอิญ ก็ ลด เซียงตี แอง เลาะ แอง ซือ เคิบ เอาซาง ‍ เอิญ ก็ เซียงตี แอง เลาะ เคิบ มัด ครำ วัล ‍ เอิญ ไอ มี กุญ แอง ลุห ซีวะ มอก อัห เค็ย นัน

2 เปโตร 1:21

ไอ แมน ครำ กึด ซีรอก จด เอิด ออ ฮัก เตาะ ‍ แต เป็น กำกึด เล็ห เจ็น เอาซาง ฮัก ‍ เป็น ซีมาล เอาซาง จำใจ อัห ‍ ซับรวง อัห กึด ‍ ซับรวง อัห จ็อก ฮัก