20 แลว ครำ เลียง แกะ เม็จ จู มบลึ มอก ปึง เทวาดา ไล อัห แลว นัน อัห ก็ วัล ออ อัห ก็ อน เกียด ตัก เอาซาง อัห ก็ ลือ เอาซาง เลือง ซะ จู มบลึ ตี อัห เม็จ นัน
ปึง อัห เม็จ เยซู จวย ล็อง นัน อัห ก็ เลอะ นเจิก เลอะ งึด อัง เยซู มด อัห ก็ ลือ เอาซาง ตี นำ ระ ครำ มี แร็ง มี อำนาด แอง มอก นัน กุญ
ยอน ก็ ไล อัห คือเน “มี ครำ มี ล็อง โตะ แทะ เอิญ บัดนะ นำ ก็ แกะ กวา เอิญ วัล เอิญ ไอ มี วาดซนา โมด นัง ออ อีด ทาล แค็บ นำ เตาะ” ยอน อัง
มัด ล็อง นะ ก็ ลด เลาะ เล็ห นำ ดอม ซะ ก็ ตาด มด เม็จ ซะ มด นำ ก็ ลือ เอาซาง นำ ลด เคริบ เยซู เริล ปึง อัห ตี เม็จ มัด ล็อง นัน เลาะ เล็ห อัห ก็ อวด ลือ เอาซาง เมือนนอย
ปึง ยิว เม็จ แญง เปโตร ไล ออ คือนะ แลว อัห ก็ ไอ มี โป ซีวะ วัล เตาะ อัห ก็ ลือ เอาซาง คือเน “โอ เอาซาง มัห ระ ครำ กรอก ซอ เอิด ใจ แมะ กุญ มัห ก็ ระ อัห กุญ รีด ฮุน อิห เน วัล” อัห อัง