48 อัห ซีรอก มเบิล แอ็ม เยซู ซีเละ แต อัห และ วิที มเบิล นำ ไอ มี กุญ อัห กึด ไอ มี เล็ห ตี อัห ไอ มี กุญ มเบิล นำ นัน เพาะวา ปึง พซาซน อัห มัก ปัง แญง นำ
แลว เยซู มบรึห ปึง ปอกา ปัด แอ็ม แลว เจ็นนัน เยซู ก็ ไล เลือง เอาซาง อน ตัก ปึง พซาซน ตัก เด็นเตะ วิฮาน นัน นำ ซอน พซาซน อุ จูงิๆ ตัก เด็นเตะ วิฮาน นัน แต ปึง มอ เอาซาง แกะ ปึง อาจาน ไล กด โมเซด เคิบ ปึง พูนำ ครำ ยิว นัน อัห ก็ กึด และ รวง มเบิล แอ็ม เยซู
มี มี งิ นัน วัล เยซู ก็ นเจ็น ปึง พซาซน อุ ตัก วิฮาน นัน นำ ก็ ไล คาว เลาะ เลือง เอาซาง อน อัห ปัง ทาเน ก็ โตะ ปึง มอ เอาซาง แกะ โตะ ปึง อาจาน ครำ ยิว โตะ ปึง ซะ แกะ ครำ ยิว อัห โตะ และ เยซู
ทาเน ตัก ปึง อัหเม นัน ก็ มี อัหเม มี ล็อง ซือ นำ ตัก ลีเดีย นำ โตะ เจ็น เมือง ทิยาทิรา นำ เป็น แม กา เท็จ พา ซี มวง นำ เป็น ครำ ทือ เอาซาง อุ แลว นำ ก็ คุด ปัง แญง อิห อุ นัน งกีจ็อง ก็ จวย ระ นำ ซนใจ แญง ตี เปาโล ไล นัน