ลูกา 19:47 - Prai Bible

⁴⁷ แลว เยซู มบรึห ปึง ปอกา ปัด แอ็ม แลว ‍ เจ็นนัน เยซู ก็ ไล เลือง เอาซาง อน ตัก ปึง พซาซน ตัก เด็นเตะ วิฮาน นัน ‍ นำ ซอน พซาซน อุ จูงิๆ ตัก เด็นเตะ วิฮาน นัน ‍ แต ปึง มอ เอาซาง แกะ ‍ ปึง อาจาน ไล กด โมเซด ‍ เคิบ ปึง พูนำ ครำ ยิว นัน ‍ อัห ก็ กึด และ รวง มเบิล แอ็ม เยซู ‍

ลูกา 19:47 ပူးပေါင်းရင်းမြစ်များ

มัดทิว 21:23

เจ็นนัน วัล เยซู ก็ เริล ตัก วิฮาน เอาซาง วัล ‍ นำ ก็ ไล แญง เอาซาง อน ตัก พซาซน ตัก นัน ‍ ญาม นำ จ็อก อุ นัน ก็ โตะ ปึง มอ เอาซาง แกะ เคิบ ซะ แกะ เมือง เยรูซาเล็ม นัน ‍ อัห โตะ ซ็วน เยซู คือเน ‍ “ซีเอ ไล มัห แอง จังเน ‍ ซีเอ ระ มัห มี ซิด แอง บ็อห” อัห อัง ‍

มัดทิว 26:55

เจ็นนัน เยซู ก็ ไล ปึง อัห ตี โตะ เญ็บ นำ นัน ฮุนเน “ปาโท็ห ‍ แป ก็อง ดาบ ก็อง งคัล โตะ เญ็บ เอิญ เน ‍ มอก เอิญ เป็น โจน เป็น นักเลง นอ ‍ จูงิๆ เอิญ ไล แญง เอาซาง ตัก แป ตัก เด็นเตะ วิฮาน ‍ แป ก็ ไอ มี เญ็บ เอิญ ‍

มาระโก 11:18

ทาเน ปึง มอ เอาซาง แกะ ‍ เคิบ ปึง อาจาน ครำ ยิว เม็จ เยซู จ็อก คือนัน ‍ อัห ก็ และ รวง มเบิล แอ็ม นำ ‍ เป็น ตัก อัห นเจิก อัง นำ ‍ เพาะวา ปึง พซาซน เลอะ งึด อัง แญง ตี เยซู ไล อัห ตลอด ‍

มาระโก 12:12

ปึง พูนำ ครำ ยิว เม็จ แญง นำ จ็อก คือนะ ‍ อัห ก็ เคาใจ เค็ย ‍ นำ มเบิด ซิห ออ ‍ อัห ก็ ซีรอก เญ็บ นำ ‍ แต อัห นเจิก อัง ปึง พซาซน ‍ อัห ลด ไอ มี ฮาน เญ็บ นำ เตาะ ‍ อัห ก็ ลด เริล ออ

มาระโก 14:1

ทาเน ควะ เปียะ งิ ก็ เล็ห งิ เทซกาน เปซา  ‍ เป็น งิ ตี อัห ป็อง คนมปัง ตัก ไอ มี ซิห เจือ ยีด ‍ ญาม นัน ปึง มอ เอาซาง แกะ เคิบ ปึง อาจาน ครำ ยิว ‍ อัห ก็ กึด และ รวง ลอด เญ็บ เยซู ‍ อัห ซีรอก มเบิล แอ็ม นำ ‍

มาระโก 14:49

เอิญ อุ เคิบ แป ‍ เอิญ นเจ็น แป ตัก วิฮาน เอาซาง จูงิๆ แป ก็ ไอ มี เญ็บ เอิญ ‍ (ก็ ซีวะ แป โตะ เญ็บ เอิญ มานะ) ‍ แต ตี แป แอง ฮุนเน มานะ ก็ ต็อง กิว เป็น เล็ห ซีเละ ‍ ต็อง เป็น เล็ห ฮุน อัห เคียน ระ ตัก นังซือ เอาซาง ซีเละ” นำ อัง

ลูกา 19:48

อัห ซีรอก มเบิล แอ็ม เยซู ซีเละ ‍ แต อัห และ วิที มเบิล นำ ไอ มี กุญ ‍ อัห กึด ไอ มี เล็ห ‍ ตี อัห ไอ มี กุญ มเบิล นำ นัน ‍ เพาะวา ปึง พซาซน อัห มัก ปัง แญง นำ

ลูกา 20:19

ญาม อาจาน ไล กด โมเซด เคิบ ปึง มอ เอาซาง แกะ เม็จ เยซู จ็อก คือนะ ‍ อัห ก็ เคาใจ เค็ย เยซู โป ออ นัน ‍ อัห ก็ ลด และ รวง เญ็บ เยซู งิ นัน ‍ แต อัห นเจิก อัง ปึง พซาซน ‍ อัห ก็ ลด ไอ มี ฮาน เญ็บ นำ

ยอน 10:39

แลว เยซู ไล อัห จังนะ แลว ‍ อัห ก็ และ เญ็บ นำ วัล ‍ แต นำ ปัด เริล ออ ลด ปน แอ็ม ‍

ยอน 18:20

เยซู ก็ ซวัล นำ ซือๆ ฮุนเน “เลือง ตี เอิญ โตะ ไล ครำ นัน ‍ เอิญ ไอ มี ลอด ไล เตาะ ‍ เอิญ ไล ระ อัห เม็จ มด จู ล็อง ‍ ตัก ฮ็อง พซุม เอิญ ก็ ไล ‍ ตัก เด็นเตะ วิฮาน เอาซาง ตี ครำ ยิว ม็อด โตะ ซุม นอย ‍ เอิญ ก็ ไล ‍ ดก ครำ โตะ ปัง ‍ เอิญ ไอ มี จบ ลอด ไล ซีวะ ตัก อัห เตาะ ‍

ยอน 7:19

แป ก็ ไอ แมน ครำ เลาะ ครำ ซือ ดาย ‍ โมเซด อน กด เอาซาง ตัก แป แลว ‍ แป ก็ ไอ มี ปัง ซัก มี ล็อง ‍ กด เอาซาง ไล อน แลว เค็ย ‘อำ มเบิล ครำ’ ‍ แต แป เน ซีรอก มเบิล เอิญ วัล ‍ แป ลุห อัง กด แลว ดาย ‍ แป ไอ มี กิว แอง ฮุน กด เอาซาง ไล” เยซู อัง

ยอน 7:44

มี แกด ล็อง อัห ซีรอก เญ็บ เยซู ‍ แต ไอ มี ซีเอ ฮาน เญ็บ นำ เตาะ ‍ มีคา 5:2