ลูกา 17:15 - Prai Bible

^15-16 ทาเน ก็ มี มี ล็อง ตัก ปึง อัห ซิบ ล็อง นะ ‍ ล็อง นะ ก็ เป็น ครำ ซะมาเรีย ‍ นำ เม็จ นัง ออ เลาะ เล็ห แลว ‍ นำ ก็ ลบ วัล โตะ และ เยซู ลด ‍ นำ ลือ เอาซาง ยาง แร็ง ‍ “เอิญ งาล แลว ‍ เอิญ คอบคุน เอาซาง ซีเละ” นำ อัง ‍ นำ ก็ โตะ กราบ ไว เจ็ง เยซู ‍ นำ คอบคุน เยซู ตี เยซู จวย นำ นัน

ลูกา 17:15 ပူးပေါင်းရင်းမြစ်များ

ยอน 9:38

ล็อง นัน ก็ เค็ย “เออะ ดิห งกีจ็อง ‍ เอิญ เจือ มัห ซีเละ” นำ อัง ‍ นำ ลด กราบ ไว เยซู ‍

ยอน 5:14

ทาเน แทะ นัน วัล ‍ เยซู ก็ เม็จ ล็อง นัน ตัก วิฮาน เอาซาง ‍ เยซู ลด ไล นำ ฮุนเน “มัห งาล เลาะ แลว นอ ‍ เจ็นเน มัห อำ แอง ลุห วัล ดาย ‍ ซัง มัห ไอ มี โซะ ดก กวา นัน วัล” เยซู อัง ‍

มัดทิว 9:8

ปึง อัห เม็จ เยซู จวย ล็อง นัน ‍ อัห ก็ เลอะ นเจิก เลอะ งึด อัง เยซู มด ‍ อัห ก็ ลือ เอาซาง ตี นำ ระ ครำ มี แร็ง มี อำนาด แอง มอก นัน กุญ

มาระโก 2:12

ครำ แว็ล นัน ก็ ลด ซีนุก ร็อห เพล็ว มเบิน ‍ นจาง เริล เคิบ มัด อัห นัน ‍ ปึง อัหซอ เม็จ เยซู รักซา ล็อง นัน แลว ‍ อัห ก็ เลอะ งึด อัง เยซู มด ‍ อัห ก็ ลือ เอาซาง เค็ย ‍ “ไอ มี เกย เม็จ อีเอ แอง ฮุนเน ซัก มี ลบ” อัห อัง