ลูกา 14:21 - Prai Bible21 ลูกนอง นัน เม็จ อัห ไอ มี เริล ซัก มี ล็อง นำ ก็ วัล โตะ เลามุน อน ตัก เอาเลียง ออ ปัง เอาเลียง นำ ก็ อ็อด แซ็ง ซีเละ ทาเน เอาเลียง นัน นำ ก็ ไล ลูกนอง ออ เริล มพอล ครำ ใน เมือง วัล ‘มัห ต็อง เริล มพอล อัห โตะ มด มัห เริล นเซอะ เริล งคม เริล และ อัห จู งวัล ครำ ตุก ครำ ญาก ครำ แว็ล นดัก แว็ล งกร็อง ครำ กอย ที กอย ลา ครำ บอด มัด บอด มุห มัห ก็ ต็อง มพอล มด ดาย ไอ มี เลือก ล็อง เตาะ มัห เจ็ย เริล เวิดๆ ดาย’ เอาเลียง นำ อัง အခန်းကိုကြည့်ပါ။ |
ลูกา 14:21
38 ပူးပေါင်းရင်းမြစ်များ
ควน นไจ เฮย กึด เลาะๆ ดาย เอาซาง นำ ไอ มี เลือก มัด ซีเอ เตาะ ครำ ตุก ครำ ญาก ตัก โลก แพนซิก เน นำ ก็ เอิด มด นำ เลือก เอิด ครำ ตุก ระ อัห แก็นใจ เจือ นำ นำ ก็ ระ อัห กุญ ซืบ เอิด กากุน ตัก นำ ญาม นำ ปกคอง โลก เน เอาซาง ซันญา แลว เค็ย นำ อง อน จู มบลึ ตัก ครำ ตี รัก นำ ฮัก ครำ ตี รัก เอาซาง นัน อัห ตุก ญาก จังนัก นำ ก็ เอิด มด
แป ต็อง ไล นำ คือเน ‘ครำ บอด มัด อัห ดอม เม็จ แลว ครำ แว็ล อัห นจาง เริล กุญ ครำ คีเฮือน อัห ก็ งาล เลาะ เล็ห แลว ครำ เกลิบ นโทล อัห ก็ เม็จ แญง แลว ครำ เปิล อัห ก็ รีด เล็ห แลว ครำ ตุก ครำ ญาก เอิญ ก็ ไล คาว เลาะ คาว แลม อน ตัก อัห ปัง แลว จู มบลึ ตี เอิญ แอง เน แป ต็อง ไล อน ตัก ยอน มด ดาย
เยซู ก็ ลด ไล นำ คือเน “เอิญ โตะ ตัก โลก แพนซิก เน เอิญ โตะ เพือ จวย ครำ ระ อัห กิว เคาใจ เลือง เอาซาง เลาะๆ ก็ ฮุนเน ดาย จู ล็อง ตี ไอ มี เม็จจึด เคิบ เอาซาง นัน เอิญ ก็ โตะ จวย ระ อัห เม็จจึด เคิบ เอาซาง โป แญง มเบิด ก็ มอก เอิญ จวย อัห ระ งาล บอด มัด ระ อัห เม็จ ซะ กุญ จู ล็อง ตี กึด เค็ย นัง ออ เม็จจึด เคิบ เอาซาง เลาะ แลว แต อัห ไอ มี กิว เม็จจึด เคิบ เอาซาง เอิญ ก็ โตะ จวย ระ อัห เคาใจ นัง ออ มอก ครำ บอด มัด นัน” เยซู อัง
ทาเน กึด เลาะๆ ดาย กัน ครำ เครม ตัก อิง กุญ โทด ดก มอก นัน แลว แอ ตัก ซะไม มานะ เน ก็ ซำ ฮาย แอ เม็จ เลือง เยซู จวย แอ ดก แลว นำ จวย ระ แอ ปน แอ็ม เจ็น ปันฮา จ็อง นัน แลว กัน แอ วัล ไอ มี เจือ เยซู นัน แอ ก็ กุญ โทด ดก กวา ครำ เครม วัล ไอ มี ปน เตาะ เลือง ปน แอ็ม เจ็น ลุห เน เยซู โตะ ไล อน ตัก ลูกนอง ออ วาล นอ ลูกนอง นำ เม็จ อัห ก็ นท็อล ไล อน ตัก แอ ตอ วัล ลูกนอง นัน ก็ รับรอง เค็ย เลือง เยซู นัน เป็น เลือง นังเลาะ
ทาเน ซีมาล เอาซาง เคิบ ครำ จู ล็อง ตี เป็น เจาซาว คอง ควัน แกะ นัน อัห ก็ มพอล จู ล็อง โตะ และ เยซู อัห ก็ งกรอ ไล จู ล็อง คือเน “โตะ แต็ห เนอ” อัห อัง เจ็นนัน กัน ซีเอ เม็จ แญง ตี ซีมาล เอาซาง เคิบ เจาซาว นัน มพอล ออ แลว ก็ ครอ ระ อัห นท็อล มพอล อัหซอ ตอ วัล ต็อง มพอล อัห คือเน “โตะ แต็ห เนอ โตะ ออก ตัก นอก เน ดาย กัน ซีเอ โซะ ออก ก็ โตะ ออก ตัก นอก ตี แอง ระ แอ รีด เน เนอ โตะ ออก ลือๆ ไอ มี เอิด ญิม ซีวะ เตาะ” ต็อง ไล อัห จังเน
ทาเน ล็อง นัน ตัก เป็น ฮัวนา อัห นัน ก็ มี ดาบ ทอก โตะ เจ็น งกาบ นำ ดาบ นัน เลิน แญง ซีเละ บัดนะ นำ ก็ เอิด ดาบ นัน ฮบ เคิบ ครำ จู กรอก ตี เป็น ซะตรู เคิบ นำ นำ ฮบ เคิบ อัห ซะนะ แลว นำ ก็ ปกคอง อัห นำ ก็ ก็อง ซีงคัล เล็ก ปกคอง อัห บัดนะ นำ ปกคอง อัห ดุ ซีเละ นำ ก็ ไจ แร็ง ไจ อำนาด คอง ออ ลงโทด ซิห อัห นำ ลงโทด อัห มอก นำ โตก องุน ระ เล็ห พุย นัน เพาะวา เอาซาง ตัก มี แร็ง ดก ทีซุด นัน นำ แร็ง อ็อด อัง อัห ซีเละ
เจ็นเน ก็ ครอ ระ ครำ ใน คริซจัก ปัง ปึง อัหแกะ ตี ซับรวง คริซจัก ดาย ครอ ปัง อัห เลาะๆ เพาะวา ปึง อัหแกะ นัน อัห ดุ แองกาน จวย แอ ระ แอ เม็จจึด เคิบ เอาซาง เลาะ ระ แอ เลาะ อุ เคิบ เอาซาง อัห ต็อง ฮับพิดซอบ แอ มด เจ็นนัน ก็ ครอ ระ แอ ปัง อัห เลาะๆ กัน แอ ปัง อัหแกะ เลาะ ปึง อัหแกะ ก็ มวน ใจ ซับรวง แอ กัน แอ ไอ มี ปัง อัห แอ ก็ แอง ระ อัห ตุกใจ เซียใจ ซับรวง แอ วัล กัน อัห ไอ มี มวน ใจ ซับรวง แอ แอ ก็ ไอ มี กุญ ปะโยด ซีวะ ซัก มี ติด
มานะ เน แป ก็ เม็จ เอิญ เคิบ มัด ออ แลว นอ บัดนะ เอิญ ก็ อน อำนาด คอง ออ จวย แป ระ แป มี อำนาด คอง เอิญ ระ แป เริล ไล คาว เลาะ เลือง เอิญ อน อัหซอ ระ อัห เอิด ใจ แมะ กัน อัห เอิด ใจ แมะ เอาซาง ก็ ญ็อก แอ็ม ตี ลุห อัห เอาซาง ญ็อก แอ็ม ตี ลุห อัห ญอน อัห เจือ เอิญ ฮัก แป ต็อง ไล เลือง เอิญ เน อน ตัก อัห เจ็น เมือง เยรูซาเล็ม จำปอ โตะ ปะเทด ซอ แป ต็อง ไล อัห ทัว มด จู กรอก จู ปะเทด ดาย
ကြော်ငြာတွေ